Babetesi 14
14
Samsoni mbwaakakwata. Ipobwe lyabwiinga
1 #
Matl 38:13; Jos 15:10; Matl 34:2; Int 119:37 Lino Samsoni wakaya ku-Timinati, nkabela nkukonya ku-Timinati wakabona umwi musimbi waba-Filisti. 2#Matl 21:21; 34:4Elyo naakapiluka kulimba bo, wakaambila wisi abanyina kuti, Ndibwene mwanakazi ku-Timinati, umwi wabana baba-Filisti. Lino amundigwasye kuti nkamukwate, 3#Matl 24:3,4; Kul 34:16; Dt 7:3Mpawo wisi abanyina bakamubuzya kuti, Sa taakwe mwanakazi akati kabana bamukowa wesu na akati kabantu besu boonse? Nkaambonzi noyanda kukwata mwanakazi waba-Filisti batapalwidwe? Pele Samsoni wakaambila wisi kuti, Amundikwatye oyo musimbi, nkaambo wandibotela loko.
4 #
Jos 11:20; 2 Mak 10:15 Wisi abanyina teebakaziba kuti makani akazwa kuli-Jehova, nkaambo wakali kuyanda kubusya inkondo aba-Filisti, nkaambo kakuti kuciindi eco ba-Filisti mbobakajisi bwami bwaba-Israyeli,
5Lino Samsoni wakainka awisi abanyina kuya ku-Timinati, nkabela naakasika kumyuunda yamasaansa yaku-Timinati, kwakeza mwana wamulavu uleza buvuluma kuzoomucinga. 6#Bab 3:10; 13:25; 1 Sam 11:6Mpoonya awo Muuya wa-Jehova wakamuselukila canguzu, aboobo wakadeluula mulavu mbubonya mbuli muntu mbwadeluula kapongo buyo. Katajisi cintu niciba cimwi mujanza lyakwe. Pele takwakaambila wisi na banyina ncaakacita pe. 7Elyo wakainka kuyooambaula amwanakazi, nkabela wakabotezya Samsoni loko. 8Lino nicakaba ciindi wakaboola kuti amulete muŋanda, elyo wakaya musokwe kuyoobona mutumba wamulavu, nkabela omo mumutumba wamulavu kamuli inzuki abuci. 9Mpawo wakagwisya amaanza aakwe, wakali kuya bulya, alimwi naakasika kuliwisi akulibanyina, wakabaabila, elyo bakalya abalo, pele takwakabaambila kuti obo buci wakabugwisya mumutumba wamulavu.
10Lino wisi naakasika kumwanakazi, Samsoni wakacita ipobwe nkukonya oko, nkaambo mbuboobu bakubusi mbubakali kucita. 11Mpawo bantu nibakamubona, bakamuletela beenzinyina bali makumi otatwe kuti abe abo. 12#1 Bam 10:1; Ezk 17:2; Lk 14:7; Matl 29:27; 45:22; 2 Bam 5:22Lino Samsoni wakabaambila kuti, Ndabike kalabi. Na mwakonzya kulabulula, mazuba aali musanu aabili aapobwe naatana kumana, akundaambila mbukaamba, elyo njoomwaabila masani aali makumi otatwe azyakusama zimwi zili makumi otatwe. 13Pele na mwakacilwa kundipandulwida, elyo inywe muleelede kundipa masani aali makumi otatwe azyakusama zimwi zili makumi otatwe. Bakavuwa kuti, Kalabi kako kakeza, tuswiilile. 14Lino wakabaambila kuti,
Mulisikulya mwakazwa zyakulya,
Mulisinguzu mwakazwa bunono.
Nkabela bakakacilwa kulabulula mazuba otatwe.
15 #
Matl 3:6; Bab 16:5; Tus 6:26; Mik 7:6; Bab 15:6 Lino mubuzuba bwane bakaambila muka-Samsoni kuti, Kombelezya mulumaako kuti atupandulwide kalabi. Na tociti obo, ambweni tulakutenta, webo aluzubo lwauso, mumulilo. Sa nkokutusampaula ncotwiitila okuno? 16#Bab 16:15Elyo muka-Samsoni wakalila kulinguwe, wakati, Wandisula buyo, tondiyandi pe. Walabikila bana babantu bangu kalabi, pele tona kundaambila mebo pe. Wakamuvwiila kuti, Ataata abama nsina kubaambila pe. Nkwaambile buti webo? 17Lino wakali kulila kumeso aakwe mazuba aali musanu aabili ipobwe nilyakali kuligwa, Nkabela mubuzuba bwamusanu aabili wakamwaambila makani, nkaambo wakali kumukataazya. Mpawo wakapandulwida basimukowanyina kalabi. 18Elyo mubuzuba bwamusanu aabili, izuba nilyakatalina kubbila, bantu bamunzi bakamwaambila kuti,
Ncinzi cinona kwiinda buci?
Ncinzi ciyuma kwiinda mubvu?
Wakabaambila kuti, Nimwakatalimya impwizi yangu, nimwakatalabulula kalabi kangu.
19 #
My 11:17; 27:18; Bab 3:10; 13:25; 1 Sam 10:6; 11:6; 16:13 Mpawo Muuya wa-Jehova wakamuzida canguzu, nkabela wakainka ku-Asikeloni, wakajaya baalumi bali makumi otatwe bankuko, wakabanyanzya zyakusama zyabo, aboobo wakaabila basikupandulula kalabi zikobela. Lino bukali bwakwe bwakabuka, nkabela wakainka kuŋanda yawisi. 20#Bab 15:2; Joh 3:29Elyo muka-Samsoni wakakwatwa kumweenzinyina iwakali mweenzinyina sibwiinga.
Currently Selected:
Babetesi 14: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
