Babetesi 13
13
Samsoni mbwaakazyalwa
1 #
Bab 2:11; 3:7; 4:1; 6:1; 10:6; 1 Sam 12:9 Nkabela bana ba-Israyeli bakacita zibi alimwi kumeso aa-Jehova, elyo Jehova wakabaaba mumaanza aaba-Filisti myaka iili makumi one.
2 #
Jos 15:33; 19:41 Lino kakuli umwi muntu waku-Zora, waluzubo lwaba-Dani, izina lyakwe kali Manowa. Mukaakwe kali musundi, katazyede pe. 3#Matl 16:7-13; 22:16; Kul 3:2-6; Bab 6:12; Hos 12:3-5; Mal 3:1; Lk 1:11,13,28,31; Inc 7:30Nkabela angelo wa-Jehova wakaboneka kumwanakazi oyo, wakamwaambila kuti, Bona! Uli musundi, tona kuzyala pe. Pele uyoominta akuzyala mwana mulombe. 4#My 6:2,3; Lk 1:15Lino cenjela. Utanywi waini na cintu cimwi cikola, alimwi utalyi cintu niciba cimwi cisofweede, 5#My 6:1-5; 1 Sam 1:11; 7:13; 2 Sam 8:1; 1 Mak 18:1nkaambo uyoominta akuzyala mwana mulombe, elyo oyo mulombe takooyoonyoolwa abuniini pe, nkaambo uyooba mu-Naziri wa-Leza mazuba oonse kuzwa kubuzyale bwakwe. Ngonguwe uuti vune ba-Israyeli kumaanza aaba-Filisti, 6#Dt 33:1; 1 Sam 2:27; 9:6; 1 Bam 17:24; Mt 28:3; Lk 9:29; Inc 6:15Mpawo mwanakazi wakasika kumulumaakwe nkwaakabede, wakamwaambila kuti, Kwandizida muntu wa-Leza. Busyu bwakwe bwakali mbuli busyu bwaangelo waLeza, bwakayoosya loko. Pele teendakamubuzya nkwaakazwa pe, alimwi takwakandaambila izina lyakwe. 7Nkabela wakandaambila kuti, Bona! Uyoominta akuzyala mwana mulombe. Lino utanywi waini niciba cintu cimwi cikola, alimwi utalyi cintu niciba cimwi cisofweede, nkaambo mulombe uyooba mu-Naziri wa-Leza kuzwa kubuzyale bwakwe kusikila kubuzuba bwalufu lwakwe.
8Mpawo Manowa wakakumbila kuli-Jehova kuti, O mwami, ndakumbila kuti muntu wa-Leza nguwakatuma aboole kulindiswe alwabili, kuti atwiisye mbutweelede kucitila mwana uuti zyalwe. 9Nkabela Leza wakaswiilila ijwi lya-Manowa, elyo angelo wa-Leza wakaboola alimwi kumwanakazi naakakede mumyuunda, pele Manowa mulumaakwe takakali wo. 10Mpawo mwanakazi wakafwambaana, wakazuzaana kuyooambila mulumaakwe, wakamwaambila kuti, Bona! Kwaboneka oyo muntu iwakandizida buzuba obo. 11Lino Manowa wakabuka, wakatobela mukaakwe, nkabela naakasika nkwaakabede oyo muntu, wakamubuzya kuti, Sa nduwe muntu iwakaamba amwanakazi oyu? Wakavuwa kuti, Ndime. 12Elyo Manowa wakati, Lino makani ngoambide naayooba ncobeni, mulombe uyooba buti? Amilimo yakwe iyooba buti? 13Angelo wa-Jehova wakavwiila Manowa kuti, Mwanakazi abike moyo wakwe kumakani oonse ngendakaamba. 14Teelede kulya cintu niciba cimwi cizwa kumusaansa. Teelede kunywa waini niciba cintu cimwi cikola. Alimwi teelede kulya cintu niciba cimwi cisofweede. Coonse ncindalailila acicite.
15 #
Matl 18:5; Bab 6:18 Mpawo Manowa wakaambila angelo wa-Jehova kuti, Kolindila kulindiswe buniini, kuti tukukutaukile kapongo. 16Angelo wa-Jehova wakavwiila Manowa kuti, Na wandilindizya, nsikooyoolya zyakulya zyako pe. Na ulayanda kutuula cituuzyo, Jehova nguuelede kutuulilwa, (Nkaambo Manowa takwakaziba kuti nguangelo wa-Jehova), 17Alimwi Manowa wakabuzya angelo wa-Jehova kuti, Nduweni izma lyako? Majwi aako naayooba ncobeni, tulayanda kukulemeka, 18#Matl 32:30; Is 9:6Angelo wa-Jehova wakamwaambila kuti, Ino nkaambonzi wandibuzya izina lyangu? Lilayoosya. 19#Bab 6:19,20; 1 Bam 18:30-38Lino Manowa wakabweza kapongo acipaizyo cacinkwa mpoonya awo andomba, wakapailila Jehova uucita milimo iigambya. 20#Lev 9:24; 1 Mak 21:16; Ezk 1:28; Dan 10:9; Hos 12:4,5; Mt 17:6Nkabela mulilo wacipaililo niwakali kuya kujulu, angelo wa-Jehova wakaya kujulu mukati kamulilo wacipaililo. Lino Manowa amukaakwe nibakabona bakawida ansi cakuvundama.
21 #
Bab 6:22
Oyo angelo wa-Jehova takwakaboneka limbi kuli-Manowa akumukaakwe pe. Elyo Manowa wakaziba kuti nguangelo wa-Jehova. 22#Matl 32:30; Kul 33:20; Dt 4:3; 5:26; Bab 6:22; Is 6:5Mpawo Manowa wakaambila mukaakwe kuti, Ncobeni tulafwa, nkaambo tulibwene Leza. 23#Int 25:14; Tus 3:22; Joh 14:20-23Pele mukaakwe wakamwaambila kuti, Jehova naakayanda kutujaya naakakaka kutambula cipaizyo acituuzyo kumaanza esu, naa kutubonya aya makani naa kutwaambila cintu cili boobu. 24#Heb 11:32; 1 Sam 3:19; Lk 1:80; 2:52Elyo mwanakazi wakazyala mwana mulombe, wakamuulika izina lyakwe Samsoni. Nkabela mulombe wakakula, alimwi Jehova wakamupa coolwe. 25#Bab 3:10; 6:34; 11:29; 1 Sam 11:6; Mt 4:1; Joh 3:34; Jos 15:33Lino Muuya wa-Jehova wakatalika kumubusya ku-Mahane-Dani, akati ka-Zora a-Esitaoli.
Currently Selected:
Babetesi 13: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
