Babetesi 12
12
Bantu ba-Efraimu mbubakakazyanya a-Gileadi
1 #
Bab 8:1
Lino bantu ba-Efraimu, nibakaitwa kunkondo, bakainda ku-Zafoni, bakaambila jefita kuti, Ino nkaambonzi teewakatwiita akuya aswebo, ciindi eco niwakainka kuyoolwisya bana ba-Amoni. Tulatenta iŋanda yako amulilo. 2Jefita wakabaambila kuti, Twakali ankondo loko abana baAmoni, mebo abantu bangu. Nkabela ndakamwiita, pele teemwakandivuna kumaanza aabo pe. 3#1 Sam 19:5; 28:21; Job 13:14; Int 119:109; Rom 16:4; Ciy 12:11Lino nindakabona kuti tamukoondivuna, ndakaya abuumi bwangu mujanza lyangu, ndakainda kuyoolwisya bana ba-Amoni, nkabela Jehova wakabaaba mumaanza aangu. Lino mwazidanzi kuzoondilwisya sunu? 4#1 Sam 25:10; Int 78:9Mpawo Jefita wakabunganya bantu boonse ba-Gileadi, wakaakulwisya ba-Efraimu, aboobo bantu ba-Gileadi bakazunda ba-Efraimu, nkaambo bakati, Inywe nuba-Gileadi muli ba-Efraimu bacijide mukati kacisi ca-Efraimu aca-Manase. 5#Jos 22:11; Bab 3:28; 7:24Elyo ba-Gileadi bakanyanzya ba-Efraimu zito zya-Jordano, nkabela kufumbwa mu-Efraimu uulobokede iwakaamba kuti, Nzubuke, bantu ba-Gileadi bakamubuzya kuti, Sa uli mu-Efraimu? Lino naakavuwa kuti, Pe, 6bakamwaambila kuti, Amba, Syibboleti. Mpawo walo wakaamba kuti, Sibboleti, nkaambo takwakakonzya kwaamba cakululama, Elyo bakamujata, bakamujaya nkukonya oko kucito ca-Jordano, Aboobo kwakajayigwa kuciindi eco bantu ba-Efraimu bali zyuulu zili makumi one azibili.
7Lino Jefita wakabeteka ba-Israyeli myaka iili musanu aumwi. Nkabela Jefita mu-Gileadi naakafwa, wakazikwa mumunzi wakwe waku-Gileadi.
8Lino jefita naakamana kufwa, Ibizani waku-Betelehemu nguwakali kubeteka ba-Israyeli, 9Kazyede bana balombe bali makumi otatwe abana basimbi bali makumi otatwe. Basimbi wakabakwatya kumbi, alimwi wakaleta basimbi bali makumi otatwe bazwa kumbi kuzookwatwa kubana bakwe balombe. Wakabeteka ba-Israyeli myaka iili musanu aibili 10Lino Ibizani naakafwa, wakazikwa ku-Betelehemu.
11Musule lyayooyo, Eloni mu-Zebuloni nguwakali kubeteka ba-Israyeli. Wakabeteka ba-Israyeli myaka iili ikumi. 12Lino Eloni mu-Zebuloni naakafwa, wakazikwa ku-Aijaloni mucisi ca-Zebuloni.
13Musule lyayooyo, Abidoni mwana wa-Hilelu mu-Piratoni nguwakali kubeteka ba-Israyeli, 14#Bab 5:10; 10:4Kajisi bana bali makumi one abazukulu bali makumi otatwe, ibakali kweenda balitantide ambongolo zili makumi aali musanu aabili. Wakabeteka ba-Israyeli myaka iili musanu aitatu. 15#Matl 14:7; Kul 17:8; Bab 3:13; 5:14Lino Abidoni mwana wa-Hilelu mu-Piratoni naakafwa wakazikwa ku-Piratoni mucisi ca-Efraimu mutulundulundu twaba-Amaleki.
Currently Selected:
Babetesi 12: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
