Babetesi 11
11
Jefita bwaakazunda ba-Amoni
1 #
Bab 6:12
Lino Jefita kali mwaalumi sintaze, pele kali mwana wamwanakazi simamambe. Wisi Jefita iwakamuzyala kali Gileadi. 2Nkabela muka-Gileadi wakamuzyalila bana, elyo bana bamukakwe nibakakomena bakatanda Jefita, bakamwaambila kuti, Uwe tokooyooba acaabilo calukono muluzubo lwatateesu, nkaambo uli mwana wamwanakazi mweenzu. 3#Bab 9:4; 1 Sam 22:2; 30:22-24; Job 30:1-10; Inc 17:5Lino Jefita wakacija kuzwa kulibabunyina, wakaakukala mucisi ca-Tobu, Nkabela bantu babuyo bakali kuyoboloka kuli-Jefita, wakali kuya abo kuyoosaala.
4Lino nicakaba ciindi, bana ba-Amoni bakabusya inkondo aba-Israyeli. 5Nkabela bana ba-Amoni nibakatalika kulwisya ba-Israyeli, bapati ba-Gileadi bakainka kuyoogwisya Jefita mucisi ca-Tobu. 6Bakaambila Jefita kuti, Koza, ube musololi wesu, kuti tulwisye bana ba-Amoni. 7#Matl 26:27Pele Jefita wakaambila bapati ba-Gileadi kuti, Sa teemwakandisula na? Sa teemwakanditanda kuzwa kuŋanda yataata? Ino nkaambonzi mwaboola kulindime ciindi ecino nomupengede? 8#Lk 17:4; Bab 10:18; Matl 31:50; Jer 29:23; 42:5; Mik 1:2Elyo bapati ba-Gileadi bakaambila Jefita kuti, Twaboola kulinduwe ciindi ecino kuti twiinke ayebo kuyoolwisya bana ba-Amoni, elyo uyooba mwami wesu, uendelezye bantu boonse ba-Gileadi. 9Mpawo Jefita wakaambila bapati ba-Gileadi kuti, Na mwandiboozya kuti tulwisye bana ba-Amoni, alimwi na Jehova ulabaaba mumaanza aangu, elyo njooba ncobeni mwami wanu. 10#Rom 1:9; 1 Tes 2:5Bapati ba-Gileadi bakavwiila Jefita kuti, Jehova abe kamboni wesu. Ncobeni tuyoocita mbubonya mboamba, 11#Bab 10:17; 20:1; 1 Sam 10:17; 11:15; Tus 16:3Elyo Jefita wakainka abapati ba-Gileadi, nkabela bantu bakamubika kuti abe mwami wabo amubetesi wabo. Nkabela Jefita wakaamba majwi aakwe oonse kubusyu bwa-Jehova ku-Mizipa.
12Lino Jefita wakatuma batumwa kumwami wabana ba-Amoni, wakati, Waba anzi kulindime? Ino nkaambonzi weza kuzoolwisya cisi cangu? 13#My 21:24; Matl 32:22Nkabela mwami wabana ba-Amoni wakaambila batumwa ba-Jefita kuti, Nkaambo kakuti ba-Israyeli bakandinyanzya nyika yangu ciindi eciya nibakazwa ku-Egepita, Bakanyanzya nyika yoonse kuzwa ku-Arinoni kusikila ku-Jaboki aku-Jordano. Lino amwiiboozye caluumuno. 14Mpawo Jefita wakaboola lwabili kutuma batumwa kumwami wabana ba-Amoni, 15#My 22:13-15; Dt 2:9,19; 2 Mak 20:10wakati, Swiilila mbwaamba Jefita, Ba-Israyeli teebakanyanzya nyika yaba-Moabu anyika yabana ba-Amoni pe. 16#My 14:25; Dt 1:40; Jos 5:6; My 13:26; 20:1; Dt 1:46Nkaambo nibakazwa ku-Egepita, ba-Israyeli bakainda akati kankanda kusikila ku-Lwizi Lusalala, alimwi bakasika kuKadesi. 17#My 20:1,14-21Lino ba-Israyeli bakatuma batumwa kumwami wa-Edomu, bakati, Njiinde akati kacisi cako. Pele mwami wa-Edomu takwakamvwa pe, Alimwi bakatumina mwami wa-Moabu, pele alakwe takwakazumina, Nkaambo bako ba-Israyeli bakasyaala nkukonya oko ku-Kadesi. 18#My 21:4; Dt 2:1-8; My 21:11Elyo bakainda kunkanda akuzyunguluka nyika ya-Edomu anyika ya-Moabu, aboobo bakasika kubbazu lyakujwe lyanyika ya-Moabu, bakayaka zilao zyabo mutala lya-Arinoni. Teebakanjila mucisi ca-Moabu pe, nkaambo Arinoni ngomunyinza wa-Moabu. 19#My 21:21-24; Dt 2:26; 3:1-17; Jos 13:8-12Alimwi ba-Israyeli bakatuma batumwa kuliSihoni mwami waba-Amori, mwami wa-Hesiboni, Ba-Israyeli bakamwaambila kuti, Atwiinde akati kacisi cako, tuye kulindiswe. 20Pele Sihoni takwakazumizya ba-Israyeli kwiinda mucisi cakwe pe. Sihoni wakabunganya bantu bakwe boonse, elyo bakaliyakila zilao mu-Jahazi, bakaakulwisya ba-Israyeli. 21#My 21:24; Dt 2:33,34Nkabela Jehova Leza wa-Israyeli wakaaba Sihoni abantu bakwe boonse mumaanza aaba-Israyeli, aboobo bakabazunda, elyo baIsrayeli bakavuba nyika yoonse yaba-Amori ibakakede omo mucisi. 22Bakavuba cisi coonse caba-Amori kuzwa ku-Arinoni kusikila ku-Jaboki, akuzwa kunkanda kusikila ku-Jordano. 23Ncobeni Jehova Leza waIsrayeli nguwakavubya bantu ba-Israyeli nyika yaba-Amori. Lino inywe sa mulaivuba na? 24#My 21:29; 1 Bam 11:7; Jer 48:7; Kul 23:28,31; 34:11; My 33:50,54; Dt 7:16,24; Jos 3:10; 2 Mak 7:20; Int 44:2,3; Inc 13:19Sa tamukooyoovuba kufumbwa Kemosi Leza wanu ncaamuvubya? Mbubonya obo iswe tuyoovuba coonse Jehova Leza wesu ncaatuvubya. 25#My 22:1-6; Dt 23:3,4; Jos 24:9; Mik 6:5Lino inywe mwabota buti kwiinda Balaki mwana waZipori mwami wa-Moabu Walo sa wakabusya inkondo aba-Israyeli? Sa wakabalwisya? 26#Dt 2:36Ba-Israyeli nibakakede mucisi ca-Hesiboni amuminzi yaco, amucisi ca-Aroeri amuminzi yaco, amuminzi yoonse iibambene aArinoni, myaka iili myanda yotatwe, nkaambonzi teemwakaivuna kuciindi eco? 27#Matl 18:25; Job 9:15; Joh 5:22,23Mebo nsikwe ncindabisya pe. Nduwe obisya kulindime kukundilwisya. Jehova abe mubetesi, abeteke buzuba obuno makani aabana baIsrayeli abana ba-Amoni. 28Nekubaboobo mwami wabana ba-Amoni takwakamvwa majwi aa-Jefita ngaakamutumina.
29 #
Bab 3:10
Mpawo Muuya wa-Jehova wakaboola kuli-Jefita, nkabela wakainda akati kacisi ca-Gileadi acisi ca-Manase, alimwi wakasika ku-Mizipa mucisi ca-Gileadi, akuzwa ku-Mizipa waku-Gileadi wakainka kucisi caba-Amoni. 30#Matl 28:20; My 30:2; 1 Sam 1:11; Muk 5:1,2Lino Jefita wakakonka cikonkyo kubusyu bwa-Jehova, wakati, Na ncobeni ulaaba ba-Amoni mumaanza aangu, 31#Lev 27:2; 1 Sam 1:11elyo kufumbwa uuzwa kumulyango waŋanda yangu kuzoondicinga ciindi ncenti boole aluumuno kuzwa kubana ba-Amoni uyooba wa-Jehova, nkabela njoomutuula mbuli cituuzyo. 32Mpawo Jefita wakainda kubana ba-Amoni kuyoobalwisya, nkabela Jehova wakabaaba mumaanza aakwe. 33#Ezk 27:17Wakabazunda kuzwa ku-Aroeri kusikila ku-Miniti, minzi iili makumi obile, akusikila ku-Abeli-kerami, Kakuli bujayi bupati loko, aboobo bana ba-Amoni bakakomwa kubana ba-Israyeli.
34 #
Bab 10:17; Kul 15:20; 1 Sam 18:6; Int 68:25; Jer 31:4 Elyo jefita wakabweeda kuŋanda yakwe ku-Mizipa, nkabela mwanaakwe musimbi wakazwa kuzoomucinga, weza buuma kantimbwa akuzyana. Oyo musimbi kali mwanaakwe simuzyalwa alike, katajisi aumwi naba mulombe naba mwanakazi. 35#My 30:2; Matl 37:29; 42:36-38; 2 Sam 13:30,31; 18:33; Job 1:20; Muk 5:2-5; Int 15:4Mpawo naakamubona, wakadeluula zyakusama zyakwe, wakati, Maawe, mwanaangul Ncobeni wandikataazya sunu. Wandiletela mapenzi, nkaambo ndakaasama amulomo wangu kubusyu bwa-Jehova, lino nsikonzyi kuleka pe. 36#My 30:2; 2 Sam 18:19Mpawo wakamwaambila kuti, Ta! Mbuli mboaseme amulomo wako kubusyu bwa-Jehova, kocita coonse ncoambide, Nkaambo Jehova wakakuzundya basinkondonyoko bana ba-Amoni, 37#Matl 30:23; Lk 1:25Alimwi wakaambila wisi kuti, Mbuboobo mboelede kundicitila. Undileke myezi yobile, kuti nkenja bweendeenda azilundu akulilila kutakwatwa kwangu, mebo abeenzuma. 38Wakamwaambila kuti, Koya, Aboobo wakamutuma myezi yobile, nkabela wakainka abeenzinyina, bakaakulilila kutakwatwa kwakwe atala azilundu. 39#1 Sam 1:22Lino myezi yobile niyakamana, wakaboola kuliwisi, elyo wakamucitila mbubonya mbwaakakonkezya. Takwakaswanana amwaalumi pe. Lino eci cakaba ciyanza mucisi caIsrayeli. 40Myaka yoonse bana basimbi ba-Israyeli bakali kuya kulilila mwana musimbi wa-Jefita mu-Gileadi mazuba one aamwaka.
Currently Selected:
Babetesi 11: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
