Babetesi 10
10
Makani aa-Tola a-Jairi
1 #
Bab 2:16; 3:9 Lino Abimeleki naakamana kufwa, kwakabuka aumwi iwakavuna ba-Israyeli, nkukuti Tola mwana wa-Puwa mwana wa-Dodo, muntu waluzubo lwa-Isakara, iwakakede ku-Samiri mutulundulundu twa-Efraimu. 2Wakabeteka ba-Israyeli myaka iili makumi obile aitatu, elyo wakafwa, wakazikwa ku-Samiri.
3Kusule lyayooyo kwakabuka Jairi mu-Gileadi, wakabeteka ba-Israyeli myaka iili makumi obile aibili. 4#Bab 5:10; Dt 3:14Kazyede bana bali makumi otatwe, ibakali kuya bweenda balitantide ambongolo zili makumi otatwe, alimwi kabajisi minzi iili makumi otatwe iyakaambwa kuti Havoti-Jairi, mbubonya mbiicaambwa asunu. Ili mucisi ca-Gileadi. 5Elyo Jairi naakafwa wakazikwa mu-Kamoni.
Ba-Israyeli mbubakaboola kubisizya Jehova
6 #
Bab 2:11; 4:1; 6:1; 3:1; 2:13; 3:7; 2 Mak 28:23; Int 106:36; 1 Bam 11:33; 2 Bam 17:16 Nkabela bantu ba-Israyeli bakaboola alimwi kubisya kumeso aa-Jehova, bakali kukomba ba-Baala aba-Asitaroti, mizimu yaba-Aramu, mizimu yabaSidoni, mizimu yaba-Moabu, mizimu yaba-Amoni, amizimu yaba-Filisti. Bakaleka Jehova, teebakali kumumanina milimo pe. 7#1 Sam 12:9Mpawo bukali bwaJehova bwakabukila ba-Israyeli, nkabela wakabaaba mumaanza aaba-Filisti amumaanza aaba-Amoni, 8elyo bakapwaya bana ba-Israyeli akubapenzya mwaka oyo. Myaka iili ikumi amusanu aitatu bakali kupenzya bantu boonse ba-Israyeli ibakakede mutala lya-Jordano munyika yaba-Amori, nkukuti mucisi ca-Gileadi, 9Nkabela ba-Amoni bakazubuka Jordano kuzoolwisya bana ba-Juda abana ba-Benjamini amukowa wa-Efraimu, aboobo ba-Israyeli bakafwaba loko.
10 #
1 Sam 12:10
Elyo bana ba-Israyeli bakakwiilila Jehova, bakati, Twakubisizya, nkaambo twaleka Leza wesu, alimwi twakomba ba-Baala. 11#Kul 14:30; 1 Sam 12:8; My 21:21; Bab 3:12,31Mpawo Jehova wakaambila bantu ba-Israyeli kuti, Sa teensi ndime ndakamuvuna kumaanza aaba-Egepita, aba-Amori, aba-Amoni, aba-Filisti na? 12#Bab 5:19; 6:3; Int 106:42Abalo ba-Sidoni aba-Amaleki aba-Maoni bakamupenzya, elyo nimwakandikwiilila, ndakamuvuna kumaanza aabo. 13#Dt 32:15; Bab 2:12; 1 Mak 28:9; Jer 2:13Nekubaboobo mwandileka, mwakomba mizimu imbi. Nkaambo kako nsikoomuvuna limbi pe. 14#2 Bam 3:13Kamuya, mukakwiilile mizimu yanu njimusalide. Yalo imuvune kuciindi ecino camapenzi aanu, 15#1 Sam 3:18Mpawo bana ba-Israyeli bakaambila Jehova kuti, Twabisya. Kotucitila kufumbwa cibota mumeso aako, pele kotuvuna buzuba obuno. 16#2 Mak 7:14; Int 106:44Nkabela bakagwisya mizimu myeenzu iyakali akati kabo, bakamanina Jehova milimo, elyo moyo wakwe wakaciswa nkaambo kamapenzi aa-Israyeli.
17Lino bana ba-Amoni bakayoboloka, bakayaka zilao mu-Gileadi, abalo bana ba-Israyeli bakabungana, bakaliyakila zilao ku-Mizipa. 18#Matl 31:49Nkabela bantu, bami ba-Gileadi, bakaamba umwi aumwi amweenzinyina, bakati, Ino muntu nguuli uukonzya kutaanguna kulwisya bana ba-Amoni? Uyooba mwami wabantu boonse bakede mu-Gileadi.
Currently Selected:
Babetesi 10: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
