Isaya 29
29
Mapenzi aati sikile Jerusalemu
1Maawe ku-Arieli! Maawe ku-Arielil munzi Davida nkwaakakala-kala. Mwaka ubikilwe mwaka, ziindi zyamapobwe ziboole, 2elyo kabe kaindi njoopenzya Arieli, nkabela kuyooba kulila akoomoka. Uyooba mumeso aangu mbuli Arieli. 3Njooyaka zilao zyangu zyakukulwisya. Njookusinkinizya angazi, akubusya maanda malamfu aakukusinkila. 4#Is 8:19Elyo uyoofwinsigwa mane uambe kuzwa ansi, majwi aako ayoomvwigwa kuzwa kubulongo, Ijwi lyako liyoozwa ansi mbuli ijwi lyamusangu, amajwi aako ayoovwiya-vwiya kuzwa kubulongo. 5Makamu makamu aabasinkondonyoko ayooba mbuli lusuko lupepuluka. Makamu makamu aabasintaze bayoosya bayooba mbuli buungu. Lino ndilyonya cakufwambaana, 6muyooswayigwa Jehova wamakamu. Uzooboola akundindima amuzunzumo wanyika ajwi ipati. Uzooboola akambizi aguwo amabangabanga aamulilo uuyakisya. 7Lino makamu makamu aabantu balwisya Arieli, boonse bamulwisya amacijilo aakwe akumupenzya, bayooba mbuli ciloto ambuli cilengano camasiku. 8Kuyooba mbuli muntu uufwa inzala naalota kuti ndalya, elyo asinsimuka ulajana kuti mwida lyakwe tamukwe cintu; na mbuli muntu uufwa nyota naalota kuti ndanywa, elyo asinsimuka ulajana kuti ucilikateede amoyo wakwe ucisukama. Mbuboobu mbwiiyooba misyobo yoonse yabantu iilwisya cilundu ca-Zioni.
9Amulindilile, mukagambe. Amulyoofwaazye, mukoofwale. Balikeled we, pele teensi bukoko bwabakola. Baladadalika, pele teensi zyakunywa zyabadadalisya. 10#Mik 3:6; 2 Tes 2:10; Int 69:23; Is 6:10; Rom 11:8Nkaambo Jehova wamutilila muuya waŋonzi, Wamufwinya kumeso nubasinsimi, anywebo nubasicilengano wamuvumba kumitwe. 11#Dan 12:4; Mt 11:25; Ciy 5:1Lino cilengano coonse camubeda mbuli majwi aabbuku linamatikidwe. Bapa muntu uuiyide, bati, Kobala, pele ulavuwa kuti, Nsikonzyi kubala pe nkaambo lilinamatikidwe. 12Alimwi bapa muntu uutaiyide ibbuku, bati, Kobala, pele ulavuwa kuti, Nsicibwene kubala.
13 #
Int 17:1; Is 48:1,2; Jer 12:2; Ezk 33:31; Mt 6:5; Kol 2:22; Mt 15:8-9; Mk 7:6-7 Mwami waamba kuti, Bantu aba balandiswenenya mulomo wabo, balandilemya amilomo yabo, pele myoyo yabo baitantamuna kule, akuyoowa kwabo nkubandiyoowa ngumulao wabantu buyo ngubaiyide. 14#Jer 49:7; 1 Kor 1:19Nkaambo kako amubone mbunti cite. Njoobeleka milimo iigambya akati kabantu aba. Njoocita milimo iigambya iiyoosya. Busongo bwabasongo babo buyooloba, abucenjezu bwabacenjede babo buyoosiswa.
15 #
Job 22:13,14; Int 10:11,13 Maawe kulibaabo basolekesya kusisa makanze aabo kumeso aa-Jehova! Milimo yabo ili mumudima, aboobo balabuzya kuti, Ino nguni uukonzya kutubona? Nguni uukonzya kuziba? 16#Int 94:9; Is 45:9; Rom 9:20Ma! Mulipilingene! Sa mubumbi ulyeelene abulongo bwakwe? Sa cintu cipangidwe cilakonzya kwaamba ayooyo iwakacipanga kuti, Teewakandipanga? Sa cintu cibumbidwe cilakonzya kwaamba aayooyo iwakacibumba kuti, Teewakandibumba? 17Kabe kaindi, sa Lebano takooyooba muunda wambolezi, amuunda wambolezi sa tokooyooyeeyegwa kuba lusaka? 18Lino mubuzuba obo basinkematwi bayoomvwa majwi aabbuku, ameso aaboofu ayoobona kuzwa kumudima uusia mubabede. 19#Joh 15:11; Jak 2:5Abalo babombede mumyoyo bayooyungizya lukondo lwabo lwamuli-Jehova, abantu bacete bayoosekelela muli-Uusalala waIsrayeli. 20#Mik 2:1Nkaambo sintaze uuyoosya wafwiinsigwa, amusampauzi taciwo, aboonse bayandaula bubi banyonyooka, 21#Am 5:10; Tus 28:21abo ibawisya muntu muzibi kumajwi aabo, akusoleka kuca oyo uutapatila bataluleme mumulyango wamunzi, akuleesya baluleme kucintu cabuyo. 22#Jos 24:3Nkaambo kako mbuboobu Jehova iwakanununa Abrahamu mbwaamba aaluzubo lwa-Jakobo. Jakobo takooyoofwa limbi insoni, abusyu bwakwe tabukooyoousana limbi. 23#Is 19:25; Ef 2:10; 1 Pet 4:11; Hos 3:5Pele abona bana bakwe, balenge bamaanza aangu, mukati kacisi cakwe, bayoosalazya izina lyangu. Ii, bayoosala zya Uusalala wa-Jakobo akulemeka Leza wa-Israyeli, 24#Is 28:7Lino abo bajisi myoyo yakuleya bayoofunda busongo, abaabo batongauka bayootambula makani.
Currently Selected:
Isaya 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
