Isaya 27
27
Jehova mbwazoobamba muunda wakwe wamasaansa
1 #
Ezk 29:3; Job 41:1; Int 74:14; 104:26 Mubuzuba obo Jehova uyoobelesya ipanga lyakwe litakonkomani ipati ijumu kuti akome Leviyatani inzoka iicijisya a-Leviyatani inzoka iilizingaila, alimwi uyoojaya intale iili mulwizi.
2Mubuzuba obo muunda mubotu wamasaansa muyoouimbila. 3Mebo nde-Jehova ndaulanga, ndautuntulwida lyoonse. Ndaulanga masiku asikati kuti kutabi uubisizya. 4#2 Sam 23:6Nsikwe bukali. Nicakabota myuunga amitubetube niyakabikwa kuti indilwisye. Nindakailyataula, akwiiumpa yoonse antoomwe, 5#Job 22:21; Is 53:4,5; Ef 2:12-14Cita ajate inguzu zyangu kuti tuyanzane awe. Ncobeni atuyanzane awe. 6#Is 37:31; Hos 14:5,6Muziindi ziciza luzubo lwa-Jakobo luyoosimpa miyanda, abaIsrayeli bayoosyuuka akucita malubaluba, elyo bayoozuzya luwa loonse micelo.
7Sa wabauma mbubonya mbwaakauma basikubauma? Sa balijayidwe mbubonya mbuli basikubajaya mbubakajayigwa? 8#Job 23:6; Int 6:1; Jer 10:24; 1 Kor 10:13Kutanda wakamutanda, wakakazyanya awe, Wamutandya kuunga kwakwe mubuzuba bwamuuwo wakujwe. 9Lino ncinzi cikonzya kumanya milandu ya-Jakobo? Ncinzi cikonzya kugwisya zibi zyakwe? Cita ataangune kusowa mabwe oonse aacipaililo mbuli mulambo uupwayawidwe kuti zikozyano zya-Aseri azikozyano zyazuba zitabuki limbi. 10#Is 17:2Nkaambo munzi uuzyungulukidwe lubaya ulisaalidwe, waba matongo, walekwa, wabula bantu mbubonya mbuli inkanda. Nkukooko nkubacela boombe, nkukooko nkubalalalala akulya matu aawo. 11#Dt 32:18,28; Int 28:5; Is 1:3; 44:2,21,24; Jer 4:22; 2 Tes 1:8Mitabi yawo yanyana buyo, iyoogonkwa, elyo kuyoosika banakazi kuti baitente. Bantu aba tabamvwisyi makani pe. Nkaambo kako sikubalenga takooyoobafwida zyalo, ayooyo iwakababumba takooyoobafwida buuya.
12Lino mubuzuba obo Jehova uyoovwimbula maila aakwe kuzwa kulwizi kusikila kukalonga ka-Egepita, nkabela muyoobunganisigwa omwe omwe nubana ba-Israyeli. 13#Is 2:11; My 10:2; Int 81:3; Hos 8:1; Mt 24:31; Ciy 11:15Mubuzuba obo kuyoolizigwa mweembo mupati, elyo abo ibakali kunyonyooka mucisi ca-Asuri, abaabo ibakatandidwe munyika ya-Egepita bayoosika boonse, bayookomba Jehova mucilundu cisalala caku-Jerusalemu.
Currently Selected:
Isaya 27: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
