Ezekieli 26
26
Makani Ezekieli ngaakasinsima aa-Turo
1 #
Is 23:1-18; Joel 3:4-8; Am 1:9-10; Zek 9:1-4; Mt 11:21-22; Lk 10:13-14 Lino mumwaka wakumi aumwi, mubuzuba butaanzi bwamumwezi, ijwi lya-Jehova lyakandisikila, liti, 2#Is 23:1; Jer 25:22; Am 1:9; Ezk 25:3; Int 40:15; Malo 1:1; Joel 3:4-6Omwana amuntu, Turo waamba aa-Jerusalemu kuti, Ehe! Citendele cabantu camwayigwa, ndajalwidwa, lino njoovuba, nkaambo wasaalwa. 3Nkaambo kako mbuboobu mbwaamba Mwami Jehova. Bona! Ndi sinkondonyoko, O Turo. Njookubusizya misyobo minji yabantu mbubonya mbuli lwizi mbulubusya mayuwe aalo. 4Bayoonyonyoona malambo aa-Turo akumwaya maanda aawo malamfu, Njooupalila bulongo bwawo, ube igale buyo antangalala. 5#Ezk 27:32; Mt 4:19-21Uyooba ciyanikilo camazamba akati kalwizi, nkaambo mbuboobo mbundaamba, mbwaamba Mwami Jehova. Uyooba cisaalo cabamasi, 6#Int 83:18; Is 37:20; Ezk 25:5abalo bana basimbi bakwe bali musokwe bayoojazigwa ipanga, Lino bayooziba kuti ndime Jehova.
7 #
Ezr 7:12; Dan 2:37 Nkaambo mbuboobu mbwaamba Mwami Jehova. Amubone! Ndaletela Turo Nebukadinezara mwami wa-Babuloni, mwami wabami, uuzwa kulubazu lwakunyika, Uleza ambizi ankalaki abasimabbiza amakamu makamu aabantu. 8#2 Sam 20:15; Jer 52:4; Ezk 21:22Lino bana basimbi bako bali musokwe uyoobajazya ipanga. Uyooyaka bulambo bwakukulwisya, uyoolundika zitantaala zyakukusinkinizya, uyoobika lululi lwakulitabilila kuti akulwisye. 9Kuuma kwamincini yakwe uyookuumya malambo aako, amaanda aako malamfu uyooagonkauzya tuleba. 10Kuvula kwambizi zyakwe kuuyookutubulusya lusuko. Malambo aako ayoozungana nkaambo kamisindo yabasimabbiza amavili ankalaki naazoonjila mumilyango yako mbubonya mbuli bantu mbubanjila mumunzi uumwayidwe. 11Insumba zyambizi zyakwe uyoozilyatauzya migwagwa yako yoonse, abantu bako uyoobajazya ipanga, aziimikilo zyako ziyumu ziyoowida ansi. 12Bayoosaala imbono zyako akunyonyoona zisambalo zyako. Bayoomwaya malambo aako, amaanda aako mabotu bayooakolomona. Mabwe aako azisamu zyako abulongo bwako, zyoonse buyo bayoozisowa mumaanzi. 13#Is 14:11; 23:7,16; Jer 7:34; 16:9; Hos 2:11; Ciy 18:22Njoolesya kuyobeka kwanyimbo zyako, ajwi lyatuntimbwa twako talikooyoomvwigwa limbi. 14Njoocita kuti ube igale buyo antangalala. Uyooba ciyanikilo camazamba. Tokooyooyakululwa limbi pe, nkaambo ndime nde-Jehova ndaamba obo, mbwaamba Mwami Jehova.
15 #
Jer 49:21
Mbuboobu Mwami Jehova mbwaambila Turo, Inkomwe zyalwizi sa tazikooyoozungaana, muzumo wabuwe bwako nuuyoomvwigwa, bayasidwe nibayootongela, bantu nibayoojayigwa mukati kako? 16#Is 23:8; 3:26; Joh 3:6; Job 2:13; Ezk 32:10; Ciy 18:9-10Bami boonse bakulwizi bayooseluka kuzwa kuzyuuno zyabo, bayoosamununa zikobela zyabo akugwisya zyakusama zyabo zyamanyengwe manyengwe, bayoosama buyoofu, bayookala ansi, bayookankama ciindi coonse cakugamba nduwe. 17#Ciy 18:9; Is 23:4Bayookucitila cilizyo, bayookwaambila kuti, Ma! Wanyonyooka buti, uwe cikalilo cabasilwizi, munzi wampuwo iwakajisi inguzu mulwizi! Webo abantu ibakakede mulinduwe mwakali kuyoosya bantu boonse banyika. 18Lino sunu tusuwa tulayoowa mubuzuba bwakuwa kwako. Tusuwa tuli mukati kalwizi tulakankama nkaambo kakulobelela kwako.
19Nkaambo mbuboobu mbwaamba Mwami Jehova. Ninjoocita kuti ube munzi uusaalidwe mbuli minzi iitana kukalwa, ninjookuletela izambangulwe kuti maanzi manji akuvumbe, 20#Ezk 32:18; Lk 10:15; Is 4:5lino njookuselusya antoomwe abaabo baselemukila mucilindi, bantu bakalekale mobabede. Njoocita kuti ukale munyika yakwacimvumwe, mbubonya mbuli matongo aakalekale, antoomwe abaabo baselemukila mucilindi, kuti utakalwi limbi nikuba kujanwa munyika yabaumi. 21#Ezk 27:36; Int 37:36; Jer 51:64; Ciy 18:21Njoocita kuti ube ciyoosyo. Tokooyooba limbi. Nekuba kuti ulayandaulwa, tokooyoojanwa limbi mane kukabe kutamani, mbwaamba Mwami Jehova.
Currently Selected:
Ezekieli 26: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
