Ezekieli 25
25
Makani Ezekieli ngaakasinsima aaba-Amoni
1 #
Jer 49:1-6; Ezk 21:28-32; Am 1:13-15; Zef 2:8-11 Lino ijwi lya-Jehova lyakandisikila, liti, 2#Jer 49:1; Am 1:13; Zef 2:9O mwana amuntu, langa cankayikayi bana ba-Amoni akusinsima aambabo. 3#Tus 17:5Ambila bana ba Amoni kuti, Amuswiilile ijwi lya-Mwami Jehova. Mbuboobu mbwaamba Mwami Jehova. Nkaambo kajwi lyako lyakuweela busena bwangu busalalisya nibwakasofwaazigwa anyika ya-Israyeli niyakasaalwa aluzubo lwa-Israyeli nibakatolwa mubuzike, 4#Matl 45:18ndakwaaba mumaanza aabana bakujwe kuti bakuvube. Bayooyaka zilao zyabo mukati kako akubika zikalilo zyabo munyika yako. Bayoolya micelo yako akunywa malili aako. 5#2 Sam 12:26; Is 13:21; Ezk 21:20; Zef 2:14Njoocita kuti Raba ube macelelo aankamele, anyika yabana ba-Amoni ibe mabutelo aambeleleo Elyo muyooziba kuti ndime Jehova. 6Nkaambo mbuboobu mbwaamba Mwami jehovu. Nkaambo kakuti wakamba amaanza aako akulyatalyata amaulu aako akusekelela camoyo wako woonse nkaambo kamapenzi aanyika ya-Israyeli, 7njootandabika ijanza lyangu kukulwisya akukwaaba mumaanza aabamasi kuti bakusaale. Njookulobya akati kamisyobo yabantu akukumanisya akati kazisi. Njookunyonyoona, elyo uyooziba kuti ndime Jehova,
Ngaakasinsima aaba-Moabu
8 #
Dt 2:4,5; Is 15:1–16:14; 25:10-12; Jer 48:1-47; Am 2:1-3; Zef 2:8-11 Mbuboobu mbwaamba Mwami Jehova. Nkaambo kamajwi aa-Moabu aakwaamba kuti, Ncobeni luzubo lwa-Juda luli mbubonya mbuli misyobo yoonse yabantu, 9ncobeni njookwamauna makuko aanyika ya-Moabu koonse koonse kuzwa kuminzi yakumugaano wayo, njenjiyo bulemu bwacisi, Beti-Jesimoti a-Baalameoni a-Kiriyataimu. 10Njooaba cisi antoomwe acisi caba-Amoni mumaanza aabana bakujwe, kuti bacivube, aboobo tacikooyooyeeyegwa limbi akati kabamasi. 11Njoobeteka ba-Moabu, elyo bayooziba kuti ndime Jehova.
Ngaakasinsima aaba-Edomu
12 #
2 Mak 28:17; Int 137:7; Malo 4:22; Is 34:5-17; 63:1-6; Jer 49:7-22; Ezk 35:1-15; Am 1:11-12 Mbuboobu mbwaamba Mwami Jehova. Nkaambo kakuti ba-Edomu bakacitila luzubo lwa-Juda cakuliya inkoto, alimwi babisya loko mukuliya inkoto zyabo, 13mbuboobu mbwaamba Mwami Jehova. Njootandabika ijanza lyangu kukulwisya cisi ca-Edomu, nkabela njoonyonyoona bantu abanyama boonse mukati kaco. Njoocita kuti cibe matongo buyo. Kuzwa ku-Temani akusikila ku-Dedani, koonse bayoojazigwa ipanga. 14#Is 11:14Njooliya inkoto yabubi bwa-Edomu kumaanza aabantu bangu ba-Israyeli. Bayoocita mucisi ca-Edomu mbuli zyabukali bwangu ambuli zyalunyemo lwangu, Elyo bayooziba kuti ndaliya inkoto, mbwaamba Mwami Jehova.
Ngaakasinsima aaba-Filisti
15 #
Is 14:29-31; Jer 47:1-7; 25:20; Joel 3:4-8; Am 1:6-8 Mbuboobu mbwaamba Mwami Jehova. Nkaambo kakuti ba-Filisti bakacita cakuliya inkoto, alimwi mukuliya inkoto zyabo kabajisi lusulo mumyoyo yabo abusinkondonyina butamani, 16#1 Sam 30:14mbuboobu mbwaamba Mwami Jehova, Njootandabika ijanza lyangu kukulwisya ba-Filisti, abalo ba-Kereti njoobamanisya, akunyonyoona bantu bamwi boonse bakunkomwe yalwizi. 17#Int 9:16; Is 26:11; Ezk 6:7Njoobaliya inkoto imbi loko, akubaumauma cabukali. Ndaakumana buyo kuliya inkoto, bayooziba kuti ndime Jehova.
Currently Selected:
Ezekieli 25: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
