Ezekieli 24
24
Cikozyano cacilongo cili asinkalwe
1Lino mumwaka wamusanu aine, mumwezi wakumi, mubuzuba bwakumi bwamumwezi, ijwi lya-Jehova lyakandisikila, liti, 2#2 Bam 25:1; Jer 52:4; 39:1O mwana amuntu, lemba buzuba, nkukuti buzuba obuno mbubonya. Nkaambo mubuzuba obuno mbubonya mwami wa-Babuloni watalika kusinkinizya jerusalemu. 3#Int 78:2; Mik 2:4; Ezk 17:12; 11:3; Mk 12:12; Lk 8:10; Jer 1:13Alimwi ambila luzubo lukataazya cikozyano, Kobaambila kuti, Mbuboobu mbwaamba Mwami Jehova, Simpika cilongo! Simpika! Bika maanzi mulincico! 4Alimwi bika zituli mumo, zituli zibo tu zyoonse, zituli zyazibelo azyamabekete, akucizuzya zifuwa zibotu. 5Sala imbelele imbotu. Sika inkuni zinji kunsi lyaco. Abile maanzi aakujisya zituli zyaco. Jika zifuwa mukati kaco.
6 #
2 Bam 21:16; Ezk 22:3; Mik 7:2; Nah 3:1; Joel 3:3; Ob 1:11; Nah 3:10 Nkaambo mbuboobu mbwaamba Mwami Jehova. Maawe kumunzi wabulowa, cilongo cicijisi sinkalwe, citana kusanzigwa sinkalwe waco! Gwisya zituli cimwi cimwi. Utasalauli pe. 7#Lev 17:13; Dt 12:16Nkaambo bulowa mbuwakatila bwaboneka mukati kawo, Wakabubika agale buyo antangalala, taakwe naakabutila ansi nikuba kubuvwikila abulongo. 8#Jer 16:17; Mt 7:2Kubusya bukali bwangu kuti nkaliye inkoto yabubi, nciceeco ncindabikila bulowa bwawo agale buyo antangalala, kuti butasisigwi. 9#Nah 3:1; Hab 2:12Nkaambo kako mbuboobu mbwaamba Mwami Jehova, Maawe kumunzi wabulowa! Ambebo njoovuzya inkuni. 10Sika inkuni zinji, mulilo uvule, Jikisya nyama, musinza uleme, azifuwa zyoonse zibe bulekete. 11#Ezk 22:15Wamana obo, simpika cilongo buyo amakala, kuti cipye, mukuba waco upye, kuti bubi bwaco bweenzunuke mukati kaco asinkalwe waco amanisigwe. 12Ma! Ndalikataazya buyo! Sinkalwe waco munji, tazwi mumulilo pe. 13#Am 4:6; Ezk 5:13; 8:18Sinkalwe waco nkukuti zisapi zyako zisofweede, Mbuli mbundakali kuyanda kukusalazya pele wakakaka kusalazigwa busofwi bwako, tokooyoosalazigwa limbi mane nkakutye bukali bwangu kulinduwe. 14#My 23:19; 1 Sam 15:29; Int 33:9; Ezk 5:11Ndime nde-Jehova ndaamba. Kuyooba obo. Njoocicita. Nsikooyoofwa insoni nikuba kuleka. Njookubeteka mbubonya mbukweelede inzila zyako amilimo yako, mbwaamba Mwami Jehova.
Ezekieli mbwaakafwidwa mukakwe. Mbwaakabeda ba-Juda citondezyo
15Lino ijwi lya-Jehova lyakandisikila, liti, 16O mwana amuntu, swiilila, Ndakongomokela kukunyanzya muyandwi wameso aako, nekubaboobo toelede kulila nikuba koomoka nikuba kumbulumusya misozi. 17#My 20:29; Jer 16:5; Lev 10:6; 2 Sam 15:30; Mik 3:7Sintimuka cakuumuna buyo. Utalili uufwide pe. Anga citambala cako akusama insangu zyako kumaulu. Utavumbi milomo yako nikuba kulya zilyo zyabasidilwe. 18Lino cifumo ndakaambila bantu, nkabela mangolezya mukaangu wakafwa. Lino nibwakaca, ndakacita mbubonya mbundakalaililwa.
19 #
Ezk 12:9
Lino bantu bakandibuzya kuti, Sa toyandi kutupandulwida aya makani mbwaamba? Nkaambonzi nocita obo? 20Ndakabavwiila kuti, Ijwi lyaJehova lyakandisikila, liti, 21#Jer 7:14; Ezk 7:20; Int 27:4Ambila luzubo lwa-Israyeli kuti, Mbuboobu mbwaamba Mwami Jehova. Ndaamba kubisizya busena bwangu busalalisya, mbumulikankaizizya canguzu, cintu ciyandwi cameso aanu, myoyo yanu nciiyandisya. Abalo bana banu balombe abasimbi mbemusiide bayoojazigwa ipanga. 22#Jer 16:6Pele muleelede kucita mbubonya mbundacita mebo, Mutavumbi milomo yanu nikuba kulya zilyo zyabasidilwe. 23#Job 27:15; Int 78:64; Lev 26:39; Ezk 33:10Zitambala zyanu zibe amitwe yanu, ansangu zyanu kumaulu aanu. Mutalili nikuba koomoka. Munooya bukotela-ketela mukati kamilandu yanu akutongela umwi aumwi kumweenzinyina. 24#Is 20:3; Jer 17:15; Ezk 12:6; 25:5; Joh 13:19Aboobo Ezekieli uyoomubeda citondezyo. Zintu zyoonse nzyaakacita, anywebo muyoocita mbubonya. Lino aya makani naazooba, muyooziba kuti ndime Mwami Jehova
25Lino uwe, O mwana amuntu, mubuzuba obo nzoobanyanzya ciyubilo cabo, lukondo lwabo abulemu bwabo, zintu zibotezya meso aabo, amyoyo yabo nziiyanda, bana babo balombe abasimbi, 26mubuzuba obo sa uulobokede takooyoosika kulinduwe kuzookulwiida makani? 27#Ezk 3:26Mubuzuba obo mulomo wako uyooasamunwa kuti uambile oyo uulobokede. Uyooamba, tokooyooba limbi syataambi, aboobo uyoobabeda citondezyo, nkabela bayooziba kuti ndime Jehova.
Currently Selected:
Ezekieli 24: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
