Deuteronomo 8
8
Munyika imbotu ya-Kanana Ba-Israyeli tabeelede kuluba Leza iwakabalela munkanda
1Malailile oonse ngendamulailila buzuba obuno, amucenjele kuti mwaabambe, kuti mupone akuzyalisya akuyoovuba nyika Jehova njaakakonke zya kulibamauso. 2#Int 136:16; Am 2:10; 2 Mak 32:31; Joh 2:25Mutalubi inzila yoonse Jehova Leza wanu njaakamweenzya, myaka eyi iili makumi one, munkanda, kuti amubombye, amusunke, azibe makani aali mumyoyo yanu, na inga mulakonzya kubamba malailile aakwe na pe. 3#Mt 4:4; Lk 4:4; Kul 16:2; Int 78:23-25; 105:40,41; 1 Kor 10:3,4; Int 104:29; Lk 12:29-31; Heb 13:5,6Wakamubombya, wamujazya inzala, wamusanizya mana, cilyo ncimwatakezi nywebo nibaba bamauso, kuti amuzibye kuti teensi insimi ilike iiponya muntu; muntu ulapona kumajwi oonse aazwa mumulomo wa-Jehova. 4#Dt 29:5; Neh 9:21Zyakusama zyanu teezyakazakaala, amaulu aanu taakwakazimba, myaka eyi yoonse iili makumi one. 5#2 Sam 7:14; Int 89:32; Tus 3:12; Heb 12:5; Ciy 3:19Lino amuzibe mumyoyo yanu kuti, mbubonya mbuli muntu mbwatambisya mwanaakwe, Jehova Leza wanu ulamutambisya anywebo. 6Amubambe milazyo ya-Jehova Leza wanu, amweende munzila zyakwe akumuyoowa. 7Nkaambo Jehova Leza wanu ulamusisya kunyika imbotu, nyika yatulonga twamaanzi, nyika yatusensa amatoolo, maanzi mwaazwa akati kamakuti aazilundu, 8nyika yabulotwe abbaale, yamasaansa amakuyu amapomegranite, nyika yamaolifa aali amafuta, abuci, 9nyika nkomukonzya kulya cakukuta, nkomutakonzyi kubula cintu, nyika iili amabwe aabutale, azilundu nkomukonzya kusya mukuba. 10#Int 103:2; 1 Kor 10:31; 1 Tes 5:18; 1 Tim 4:3Lino muyoolya akukuta, akulongezya Jehova Leza wanu nkaambo kanyika imbotu njamupa.
11 #
Hos 13:5-6
Lino amucenjele kuti mutalubi Jehova Leza wanu, mutaleki kubamba malailile aakwe ambeta zyakwe amilazyo yakwe njendi mukumulailila obuno buzuba. 12#Tus 30:9; Hos 13:6Ambweni mwalya cakukuta akuyaka maanda mabotu akukala mulingao, 13aŋombe zyanu ambelele zyanu zyavula, ayalo insiliva angolida zyamuvulila, ambono zyanu zyoonse zyavula, 14#1 Kor 4:7; Int 106:21elyo myoyo yanu iyoolisumpula, aboobo muyooluba Jehova Leza wanu iwakamugwisya munyika ya-Egepita amuŋanda yabuzike, 15#Is 63:12; Jer 2:6; My 21:6; Hos 13:5; My 20:11iwakamweenzya munkanda impati iiyoosya, mwakali inzoka inkali atubanze anyika yacimpayuma iitaakwe maanzi, iwakamugwisizya maanzi mundomba ijumu, 16#Kul 16:15; Rom 8:28; 2 Kor 4:17; Heb 12:11; Jak 1:12; 1 Pet 1:7iwakamusanizya mana omo munkanda, cilyo bamauso neebatakezi, kuti amubombye, amusunke, akumucitila kabotu kumamanino. 17#Dt 9:4; 1 Kor 4:7Amucenjele kuti mutaambi mumyoyo yanu kuti, Inguzu zyangu abuyumu bwajanza lyangu nzezyakandileletela buvubi obu. 18#Tus 10:22; Hos 2:8Amwiingasile Jehova Leza wanu, nkaambo ngonguwe uumupa inguzu zyakuletya buvubi, kuti azuzikizye cizuminano cakwe ncaakakonkezya kuli bamauso, mbukubede asunu. 19Ncobeni na mwaluba Jehova Leza wanu, na mwatobela baleza bambi akubamanina milimo akubakotamina, ndamucenjezya loko buzuba obuno kuti kasimpe muyoonyonyooka. 20#Malo 1:1-22; 2:17; Ezk 5:5-17; Dan 9:12; Zek 1:6Muyoonyonyooka anywebo mbubonya mbuli bamasi Jehova mbanyonyoona kunembo lyanu, nkaambo kakutaswiilila ijwi lya-Jehova Leza wanu.
Currently Selected:
Deuteronomo 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.