Deuteronomo 7
7
Ba-Israyeli mbubakalaililwa kunyonyoona zilengwa zyoonse zyaba-Kanana
1 #
Inc 13:19
Jehova Leza wanu naayoomusisya kunyika eyo njemuyoovuba, alimwi naayoomukukwida misyobo minji yabantu, nkokuti ba-Hiti, ba-Girigasi, ba-Amori, ba-Kanana, ba-Perizi, ba-Hivi aba-Jebusi, misyobo iili musanu aibili mipati iili anguzu kwiinda ndinywe, 2#Jos 6:17; 11:11; Kul 23:32; Jos 2:14; Bab 1:24; 2:2alimwi Jehova Leza wanu naayoobaaba mumaanza aanu kuti mubazunde, muleelede kubanyonyweda limwi. Mutatangani abo cizuminano nekuba kubafwida insoni. 3#Jos 23:12; 1 Bam 11:2; Ezr 9:2Mutakwatani abo; mutapi bana babo balombe bana banu basimbi, nekuba kubweza bana babo basimbi kuti bakwatwe kubana banu balombe, 4Nkaambo balalesya bana banu kunditobela, kuti bakombe mizimu imbi aboobo bukali bwaJehova bulamubukila nkabela ulafwambaana kumunyonyoona. 5#Dt 12:3; Kul 23:24; 34:13Pele mbuboobu mbumweelede kubacitila. Muleelede kumwaya zipaililo zyabo, kupwayaula malende aabo, kugonka minsemu yabo, akutenta zikozyano zyabo zibezedwe mumulilo.
6 #
Kul 19:5; Dt 4:20; 14:2; 26:18; Tit 2:14; 1 Pet 2:9; Int 50:5; Jer 2:3; Am 3:2; 1 Kor 6:19,20; Int 135:4 Nkaambo nywebo muli bantu basalala kuli-Jehova Leza wanu. Jehova Leza wanu wamusala akati kamisyobo yoonse yabantu baansi ano, kuti mube bantu bakwe bayandika. 7Teensi kwaamba kuti Jehova wakamuyanda akumusala nkaambo kakuvula kwanu, pe, nkaambo kamutali banji, kamuli bace kwiinda misyobo yoonse. 8#Kul 32:13; Int 105:8; Lk 1:55; Kul 13:3Pele Jehova ulamuyandisya, alimwi ulazuzikizya cikonke ncaakakonkezya kuli bamauso; nciceeco Jehova ncaakamugwisya ajanza ijumu, ncaakamununwida muŋanda yabuzike, mumaanza aa-Farao mwami wa-Egepita. 9#Kul 20:5-6; 34:6-7; My 14:18; Dt 5:9-10; Is 49:7; 1 Kor 1:9; 10:13; 2 Kor 1:18; 1 Tes 5:24; 2 Tim 2:13; Heb 11:11; 1 Joh 1:9; Neh 1:5; Dan 9:4Amuzibe kuti Jehova Leza wanu ngu-Leza uusyomeka, uubamba cizuminano cakwe aluzyalo lwakwe kulibaabo bamuyanda akubamba imbeta zyakwe, mane kusikila kumazyalani aali cuulu, 10#Int 21:8; Tus 11:31; Is 59:18; Nah 1:2; Rom 12:19pele abo bamusulide, ulabapilusizya milandu yabo antangalala akubanyonyoona, Takonzyi kumuka kuliya inkoto kuliyooyo uumusula, ulamupilusizya milandu yakwe antangalala. 11Nkaambo kako amucenjele kubamba milazyo amalailile ambeta nzendamulailila buzuba obuno.
12 #
Dt 11:13-17
Lino kuyooba kuti, mbuli mbumuswiilila imbeta ezi akuzibamba akuzicita, Jehova Leza wanu uciyoomubambila cizuminano aluzyalo, mbubonya mbwaakakonkezya kuli bamauso. 13#Kul 23:25; Int 1:3; 11:7; Tus 15:9; Joh 14:21; 1 Joh 2:5Uyoomuyandisya, uyoomulongezya, uyoomuvuzya. Uyoolongezya mazyalilo aanu amicelo yamunyika yanu, maila aanu amisaansa yanu amafuta aanu, bana baŋombe zyanu abana bambelele zyanu, mpoonya awo anyika njaakakonkezya kulibamauso kumupa. 14Muyoojana coolwe kwiinda bantu boonse. Takukooyooba mwaalumi naba mwanakazi uutazyali akati kanu naaba akati kaŋombe zyanu. 15#Kul 9:14; 15:26; Dt 28:27; Int 105:37Alimwi Jehova uyootantamuna malwazi oonse kulindinywe; takooyoomubikila malwazi mabi oonse aaku-Egepita ngemubwene pe, uyooawaala kulibaabo bamusulide. 16#Bab 8:27; Int 106:36Lino muleelede kunyonyoona bamasi boonse Jehova Leza wanu mbaaba mumaanza aanu. Meso aanu atabafwidi insoni pe, alimwi mutakombi baleza babo, nkaambo kucita obo kuyoomubeda ŋunzuunzu.
17 #
My 33:53
Lino na mwaamba mumyoyo yanu kuti, Misyobo eyi ili abantu banji kwiinda ndiswe; tulabatanda buti? 18#Bab 6:13; Int 77:11; 105:5; 135:8-10; Is 63:11-15Mutabayoowi pe. Ncobeni muleelede kwiingasila Jehova Leza wanu ncaakacitila Farao aba-Egepita boonse, 19masunko mapati ngemwakabona ameso aanu, zitondezyo amaleele, ijanza ijumu akuboko kutandabede, zyoonse Jehova Leza wanu nzyaakabelesya kukumupozya, Jehova Leza wanu ulacita mbubonya obo kulibamasi boonse mbemuyoowa. 20#Kul 23:28; Jos 24:12Jehova Leza wanu uyootuma manko akati kabo, mane lumwi boonse basyeede aboonse bayubide bamaninine. 21#My 14:9; 16:3; Jos 3:10; Dt 10:17; Neh 1:5; 4:14; 9:32Mutabayoowi pe, nkaambo Jehova Leza wanu uli akati kanu, Leza mupati uuyoosya. 22Jehova Leza wanu uyookukulula bamasi abo kunembo lyanu buniini buniini. Tamukonzyi kufwambaana kubamanisya pe, kuti banyama bamusokwe batamuvulili. 23Jehova Leza wanu ulabaaba kunembo lyanu, ulabapyopyonganya alupyopyongano lupati mane abanyonyoone. 24#Jos 10:24; 12:1; Dt 11:25; Jos 1:5; 10:8; 23:9Abalo bami babo ulabaaba mumaanza aanu, nkabela muyoonyonyoona izina lyabo ansi ano. Takukooyooba muntu naba omwe uukonzya kulitabilila kulindinywe mane ukabanyonyoone. 25#Kul 32:20; Dt 12:3; 1 Mak 14:12; Kul 20:17; Jos 7:1; Lk 12:15; Kol 3:5; Bab 8:27; Zef 1:3; Dt 17:1Zikozyano zibezedwe zyabaleza babo muyoozitenta mumulilo. Muteemuzyi insiliva niiba ingolida iili alinzizyo, mutaitoli pe, kuti itamuleteli iŋunzuunzu, nkaambo ncisesemyo kuli-Jehova Leza wanu. 26#Lev 27:28; Jos 6:17Mutaniizyi cisesemyo mumaanda aanu, kuti mutabi cintu cisampukide mbuli ncico. Ncobeni muleelede kucisesemwa akuvundaukwa kulincico, nkaambo cilisampukide.
Currently Selected:
Deuteronomo 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.