Deuteronomo 9
9
Ba-Israyeli tabeelede hulisumpula
1 #
Dt 4:38; 7:1; 11:23; 1:28 Amuswiilile noba-Israyeli! Sunu mulazubuka Jordano kuyoovuba nyika yamisyobo mipati iili anguzu kwiinda ndinywe, minzi mi pati iili amabaya aasika kujulu, 2#My 13:22bantu bapati balamfu, bana ba-Anaki, Mulibabwene. Mulimvwide kasimpi kaamba kuti, Ino ngwani uukonzya kulwisya bana ba-Anaki. 3#Dt 31:3; Jos 3:11; Mik 2:13; Ciy 19:11-15; Dt 4:24; Is 30:27; 33:14; Nah 1:5,6; 2 Tes 1:8; Heb 12:29; Kul 23:31; Dt 7:24Lino amuzibe buzuba obuno kuti oyo uumuzulwida kuya mutala ngu-Jehova Leza wanu, mulilo uusyukutya. Ulabanyonyoona akubabombya kunembo lyanu, aboobo muyoofwambaana kubatanda akubanyonyoona, mbubonya mbuli Jehova mbwaakamwaambila.
4 #
Dt 8:11,17; Ezk 36:32; Rom 11:6; 1 Kor 4:4; Matl 15:16; Lev 18:24; Dt 18:12 Lino Jehova Leza wanu nasi mane kubatanda kubusyu bwanu, mutaambi mumyoyo yanu kuti, Nkaambo kabululami bwesu Jehova ncaatuletela munyika ino kuti twiivube. Nkaambo kabubi bwamisyobo eyi Jehova ncaabatandila kubusyu bwanu. 5#2 Tim 1:9; Tit 3:5; Matl 12:7; 13:15; 15:7; Kul 32:13; Lk 1:54,55; Inc 13:32,33; Rom 15:8Teensi kaambo kabululami bwanu nanka kubota kwamyoyo yanu neemwazida kuzoovuba nyika yabo pe; nkaambo kabubi bwabantu aba Jehova ncaabatandila kubusyu bwanu, akukuzuzikizya majwi aakwe Jehova ngaakakonkezya bamauso, Abrahamu a-Izaka a-Jakobo.
Musa mbwaakaibalusya bantu makani aabusicinguni bwabo bwaku-Horebu
6Amuzibe kuti teensi kaambo kabululami bwanu Jehova Leza wanu ncamupeda nyika eyi imbotu kuti mwiivube, pe, nkaambo muli bantu bayumumyoyo. 7#Kul 14:11; 16:2; 17:2; My 11:4; 14:1; 20:2Amuyeeye! Mutalubi mbumwakakalazya Jehova Leza wanu munkanda. Kuzwa kubuzuba obo nemwakazwa munyika ya-Egepita mane mwakasika kubusena obuno, mwali kupapila Jehova. 8#Kul 32:4; Int 106:19Aku-Horebu mwakakalazya Jehova, nkabela Jehova wakamunyemena, kayanda kumunyonyoona. 9#Kul 24:18; 34:28; Lk 4:1Ciindi eciya nendakatanta mucilundu kuyootambula mabwe aamilao, mabwe aacizuminano Jehova ncaakatangana anywe, ndakakala mpoonya awo acilundu mazuba aali makumi ono, isikati amasiku, Teendakalya insima na kunywa maanzi, pe. 10Elyo Jehova Leza wakandipa mabwe obile, aakalembedwe amunwe wakwe. Alingao akalilembedwe majwi oonse Jehova ngaakamwaambila kucilundu kuzwa mukati kamulilo kubuzuba bwambungano. 11Naakamana mazuba aali makumi one, isikati amasiku, Jehova wakandipa mabwe ayo obile, mabwe aacizuminano. 12#Kul 32:7; Dt 31:29; Bab 2:17Elyo Jehova wakandaambila kuti, Nyampuka, ufwambaane kuseluka, nkaambo bantu bako mbowakagwisya munyika ya-Egepita babisya. Bafwambaana kuleya munzila njendabalailila, balicitila cikozyano cifulidwe.
13 #
Kul 32:9; Dt 10:16; 31:27; 2 Bam 17:14 Lino Jehova wakandaambila kuti, Ndibwene bantu aba mbubabede. Ncobeni mbantu bayumumyoyo. 14#Dt 29:20; Int 9:5; 109:13Undileke, mbanyonyoone akuziminganya izina lyabo ansi, lino njoocita kuti yebo ube musyobo mupati uuli anguzu kwiinda mbabo. 15Mpawo ndakapiluka, ndaseluka kuzwa kucilundu, cilundu kaciyaka mulilo, aalo mabwe obile aacizuminano akali mumaanzanza aangu. 16Elyo ndakalanga, ndabona kuti ncobeni mwabisizya Jehova Leza wanu, mwalicitila moombe uufulidwe, mwafwaambana kuleya munzila Jehova njaakamulailila. 17#Int 69:9; 119:139Mpawo ndakabweza ayo mabwe obile, ndaasowa kuzwa mumaanza aangu, ndaapwayaula mumeso aanu. 18#Kul 34:28; Int 106:23Nkabela ndakavundama kubusyu bwa-Jehova, mbubonya mbuli kumatalikilo, mazuba aali makumi one, isikati amasiku; teendakali kulya insima nekuba kunywa maanzi, nkaambo kazibi zyanu zyoonse nzemwakacita kumeso aa-Jehova kukumukalazya. 19#Heb 12:21,29; Kul 32:10,11,14; 33:17; Dt 10:10; Int 106:23; Jak 5:15; Am 7:1-6Ndakali kuyoowa bukali buyoosya Jehova mbwaakamukalalila, bukali bwakati munyonyoone. Pele Jehova wakandiswiilila ciindi eco acalo. 20Alakwe Aroni, Jehova wakamukalalila loko, wakati munyonyoone, pele ndakakombela Aroni alakwe kuciindi eco nciconya. 21#Kul 32:20; Is 2:18-21; 30:22; 31:7; Hos 8:11Lino cibi canu, nkokuti moombe ngomwakabumbide, ndakacibweza, ndakacitenta mumulilo. Ndakacipwayaula akuciziya mane cakaba mbuli lusuko, alusuko lwaco ndakalusowa mukalonga keenda kuzwa kucilundu.
22 #
My 11:3,34; Kul 17:7 Akwalo ku-Tabera aku-Masa aku-Kibiroti Hatava, koonse mwakali kukalazya Jehova. 23#My 13:3,17; 14:1; Int 78:22; 106:24; Dt 1:21,26; Heb 3:16; 4:2Alimwi Jehova naakamutuma kuzwa ku-Kadesi Barinea, naakaamba kuti, Kamuya mukaivube nyika njendamupa, mwakapapila mulazyo wa-Jehova Leza wanu, mwakakaka kumusyoma akuswiilila ijwi lyakwe. 24#Dt 31:27Lyoonse mwakali kupapila, kuzwa kubuzuba obo nendakataanguna kumuziba.
25Ndakavundama kubusyu bwa-Jehova mazuba aali makumi one, isikati amasiku, Ndakavundama nkaambo kajwi lya-Jehova lyakumunyonyoona. 26#Kul 32:11; 1 Sam 7:9; Tus 15:29; Jer 15:1Ndakakomba kuli-Jehova ndati, O Mwami Jehova, utanyonyooni bantu bako alukono lwako, bantu mbonunwide mubulemu bwako, mbowakagwisya mucisi ca-Egepita ajanza ijumu. 27Ibaluka balanda bako, Abrahamu a-Izaka a-Jakobo, Utabiki moyo wako kubuyumu bwabantu aba, kukubisya kwabo akububi bwabo, 28#Matl 41:57; 1 Sam 14:25; Kul 32:12; My 14:16; Dt 32:26,27; Jos 7:7-9; Int 115:1,2; Is 48:9-11kuti bantu bacisi eco nkutwakazwa bataambi kuti, Jehova wakakacilwa kunjizya bantu abo munyika njaakaamba, alimwi wakabasula, aboobo wakabagwisya kuti abajaye munkanda. 29#Dt 4:20; 1 Bam 8:51; Neh 1:10; Int 95:7Sa tabeensi bantu bako alukono lwako, bantu mbowakagwisya anguzu zyako zigambya akuboko kwako kutandabede.
Currently Selected:
Deuteronomo 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.