Deuteronomo 4
4
Musa mbwaakaibalusya bamu imbela zya-Leza
1 #
Ezk 20:11; Rom 10:5 Swiilila, O Israyeli, milao ambeta nzensi mwiiyisye, kuti muzicite, kuti mupone akunjila kuyoovuba nyika njamupa Jehova Leza wabamauso. 2#Ciy 22:18-19; Dt 12:32; Jos 1:7; Tus 30:6; Mt 15:9Mutayungizizyi cintu nekuba kugwisya cintu, kumakani ngendamulailila, kuti mubambe malailile aa-Jehova Leza wanu ngemulailila. 3#My 25:1-9Meso aanu alibwene ncaakacita Jehova ku-Baala-Peori, nkaambo bantu boonse akati kanu ibakatobela Baala waku-Peori, Jehova Leza wanu wakabanyonyoona; 4pele nywebo nemwakakakatila kuli-Jehova Leza wanu mucili baumi asunu. 5Amubone! Ndamwiiyisya milazyo ambeta, mbubonya mbuli Jehova Leza wangu mbwaakandilailila, kuti muzicite mukati kanyika njemuyoovuba. 6#Job 28:28; Int 19:7; 111:10; Tus 1:7; 2 Tim 3:15; 1 Bam 10:6,9; Dan 1:20; 4:9; Mal 3:12; Inc 4:13Amuzibambe akuzicita, nkaambo kucita obo nkokuyooba busongo bwanu amaanu aanu akati kabamasi; nebayoomvwa milazyo eyi yoonse bayooamba kuti, Ncobeni oyu musyobo mupati mbantu basongo bacenjede. 7#2 Sam 7:23; Kul 25:8; 29:45; Lev 26:12; 1 Bam 6:13; Int 46:1; 145:18; Is 55:6; Zek 2:10; Ef 2:17; Jak 4:8Sa kuli musyobo umbi mupati uuli a-Leza uuli kufwaafwi mbubonya mbuli Jehova Leza wesu mbwali kufwaafwi kulindiswe kufumbwa ciindi netumwiita? 8Alimwi sa kuli musyobo umbi mupati uuli amilazyo ambeta ziluleme mbuli milao eyi yoonse njendamubikila buzuba obuno?
9 #
Tus 4:23; 23:19; 3:1,3; 4:21; Matl 18:19; Dt 6:7; 11:19; Int 78:5,6; Tus 22:6; Ef 6:4 Pele amucenjele akubamba kabotu myoyo yanu, kuti mutalubi makani ngaabwene meso aanu; atazwi mumyoyo yanu mazuba oonse aabuumi bwanu; amwaazibye bana banu akubana babana banu. 10#Kul 19:9,16; 20:18; Heb 12:18Amubazibye makani aabuzuba obo nemwakaimvwi kubusyu bwa-Jehova Leza wanu ku-Horebu, Jehova naakandaambila kuti, Bunganya bantu kulindime kuti nkabamvwisye majwi aangu, baiye kundiyoowa mazuba oonse aakukala kwabo ansi ano, akwiiyisya bana babo. 11#Kul 19:16-18; Heb 12:18-19Lino mwakaswena afwaafwi, mwaimikila munsi ecilundu, nkabela cilundu cakali kuyaka amulilo mane kusikila kujulu, alimwi cakalivumbidwe amudima amayoba aasia mbi. 12#Kul 20:22; 1 Bam 19:12Mpawo Jehova wakamwaambila kuzwa akati kamulilo. Mwakamvwa majwi aakwe, pele mutumba tamukuubwene pe, cita ijwi luzutu. 13#Kul 31:18; 34:28; Dt 9:10Wakamulwiida cizuminano cakwe ncaakamulailila kuti mucicite, nkokuti milao iili ikumi, nkabela wakailemba amabwe obile. 14#Kul 21:1Ambebo Jehova wakandilailila kuciindi eco nciconya kuti mwiiyisye milazyo ambeta, muzicite munyika eyo yamutala njemuyoovuba.
15 #
Jos 23:11; Tus 4:23,27; Jer 17:21; Mal 2:15; Is 40:18; Inc 17:24-29 Amucenjele loko! Katakwe mutumba ngumwakabona mubuzuba obo Jehova naakamwaambila ku-Horebu kuzwa akati kamulilo. 16#Kul 20:4; Lev 26:1; Dt 5:8; 27:15; Rom 1:23Nkaambo kako mutabisyi kukulicitila cikozyano cibezedwe neciba comwe, cikozyano cili mbuli mwaalumi na mwanakazi, 17#Rom 1:23cikozyano camunyama waansi, na cikozyano camuyuni uuli amababa aakuuluka kujulu, 18na cikozyano cacintu ciyavula ansi, na cikozyano canswi iikala mumaanzi kutako lyalwizi. 19#Dt 17:3; Job 31:26; Jer 8:2; Matl 2:1; 2 Bam 17:16; 21:3Alimwi amucenjele kuti mutatambyi meso aanu kujulu kubona izuba amwezi anyenyeezi, nkokuti makamu oonse aakujulu, akukweelelwa nkuko kuti uzikotamine akuzimanina milimo, zintu Jehova Leza wanu nzyaabide kubantu bamisyobo yoonse yaansi. 20#Kul 19:5; Dt 7:6; 14:2; 26:18; Tit 2:14; 1 Pet 2:9Pele inywe, Jehova wamubweza, wamugwisya muceengelo cabutale, nkokuti mu-Egepita, kuti mumubede bantu bakukona, mbomubede asunu. 21#My 20:12Alimwi Jehova wakandikalalila mebo nkaambo kanu, nkabela wakakonkezya kuti nsikazubuki Jordano, alimwi nsikanjili munyika imbotu Jehova Leza wanu njamupa kuti mwiikone. 22#2 Pet 1:13Nkaambo mebo ndafwa munyika ino, nsikooyoozubuka Jordano pe. Inywe muyoozubuka, mukavube nyika eyo imbotu. 23Amucenjele kuti mutalubi cizuminano ca-Jehova Leza wanu ncaakatangana anywebo, nekuba kulicitila cikozyano cibezedwe cacintu neciba comwe Jehova Leza wako ncaakakasya. 24#Heb 12:29; Kul 24:17; Dt 9:3; Is 33:14; Kul 20:5; Dt 6:15; Is 42:8; 48:11Nkaambo Jehova Leza wanu ngomulilo uusyukutya, Leza sibuzuba.
25 #
2 Bam 17:17
Mwaakuzyala bana abazukulu banu, akoongola munyika, na mwabisya kukulicitila cikozyano cibezedwe cacintu neciba comwe akukucita bubi mumeso aa-Jehova Leza wanu cakumukalazya, 26#Dt 30:18,19; Is 1:2; Mik 6:2ndaita ijulu anyika buzuba obuno kuti zibe bakamboni bakuluula kuti ncobeni muyoofwambaana kunyonyooka munyika eyo yamutala lya-Jordano njemuyoovuba. Tamukooyoopona ciindi cilamfu mulinjiyo pe, muyoonyonyooka ncobeni. 27#Dt 28:36; Lev 26:33; Dt 28:62,64; Neh 1:8; Ezk 12:15; 32:26Jehova uyoomumwaya akati kabamasi, mane mukabe kampolongondo muzisi ezyo Jehova nkwayoomutandila. 28#Dt 28:36,64; Jer 16:13; Ezk 20:32,39; Inc 7:42Oko muyookomba ba-Leza babumbidwe kumaanza aabantu, bazisamu abamabwe, batakonzya kubona nekuba kumvwa nekuba kulya nekuba kununkuzya. 29#Jer 29:13; 2 Mak 15:4; Neh 1:9; Is 55:6Lino nkukonya oko muyooyandaula Jehova Leza wanu, nkabela muyoomujana na mwamuyandaula camoyo woonse acamuuya woonse. 30#Matl 49:1; Dt 31:20; Jer 23:20; Hos 3:5; Jer 4:1,2; Joel 2:12Nemunooli mumapenzi, amakani aya oonse naayoomusikila, kumamanino aaciindi muyooboola kuli-Jehova Leza wanu akuswiilila ijwi lyakwe. 31#Kul 34:6; My 14:18; 2 Mak 30:9; Neh 9:31; Job 8:8; Int 86:5,15; 103:8; 111:4; Joh 4:2Nkaambo Jehova Leza wanu nguLeza siluzyalo, Takooyoomulekelezya nekuba kumunyonyoona nekuba kuluba cizuminano cakwe ncaakaakonkezya bamauso.
32 #
Job 8:8; Kul 15:11; 1 Sam 2:2; 2 Sam 22:31,32; Is 44:6,8; 45:5,18; Mt 24:31; Mk 12:29 Amubuzye makani aaciindi cakamana, kuciindi nemwatakalina kuzyalwa, kuzwa kubuzuba obo Leza naakalenga muntu ansi. Amubuzye koonse koonse kuzwa kumasimpilo aajulu kusikila kumasimpilonyina, Sa makani mapati aali boobu akaba kale? Sa makani aali boobu akamvwigwa? 33Sa nkobali bantu ibakamvwa ijwi lya-Leza ulaambaula abo mukati kamulilo, mbubonya mbumwakamvwa nywebo, akupona bacipona? 34Na sa kuli Leza umbi iwakasoleka kuligwisizya musyobo wabantu akati kamusyobo umbi, azisunko azitondezyo amaleele ankondo, mbubonya mbuli Jehova Leza wanu mbwaakamucitila nywebo ku-Egepita kumeso aanu? 35#Mk 12:29,32; Dt 32:39; 1 Sam 2:2; 2 Sam 22:32; Is 45:5,18Aya makani mwakaatondezegwa kuti muzibe kuti Jehova ngu-Leza, taakwe umbi. 36#Kul 19:9,19; 20:18,22; 24:16; 1 Mak 29:11; 2 Mak 20:6; Heb 12:18Wakamumvwisya ijwi lyakwe kujulu, kuti amwiiyisye, alimwi ansi wakamubonya mulilo wakwe uuyoosya, nkabela mwakamvwa majwi aakwe mukati kamulilo. 37Wakayandisya bamauso; wakasala lunyungu lwabo; wakamupozya kuzwa mu-Egepita, kali anywebo anguzu impati, 38kuti amutandile misyobo mi pati miyumu kwiinda ndinywe, kuti amunjizye munyika yabo, mwiivube, mbubonya mbukubede asunu. 39#Jos 2:11; Is 42:8; Dan 4:35Nkaambo kako muzibe buzuba obuno, akubika makani mumyoyo yanu, muzibe kuti Jehova ngu-Leza wakoonse koonse, kujulu aansi. Taakwe umbi pe. 40#Lev 22:31; Dt 5:16; 6:3,18; 12:25,28; 22:7; Ef 6:3Amubambe imbeta zyakwe amilazyo yakwe njendi mukumulailila buzuba obuno, kuti mukale kabotu, nywebo abana banu baciza, kuti muongole mumonya munyika Jehova Leza wanu njamupa kukabe kutamani.
Musa mbwaakasala minzi yotatwe yamayubilo
41 #
Jos 20:8-9; My 35:6 Lino Musa wakasala minzi yotatwe mutala lya-Jordano kubuzwezuba, 42kuti sikujaya muntu acijile nkuko, nkokuti muntu uujaya mweenzinyina cakutaziba katamusulide, kuti acijile muluumwi waminzi eyo, alifutule. 43Wakasala Bezeri munkanda munyika yaatala yaba-Rubeni, a-Ramoti waku-Gileadi waba-Gadi, a-Goladni wamu-Basana waba-Manase.
44Njeeyo milao Musa njaakabikila bana ba-Israyeli. 45Ngemalailile amilazyo ambeta Musa nzyaakaambila bana ba-Israyeli kuciindi cakuzwa ku-Egepita, 46#Dt 3:29mutala lya-Jordano, mukuti lilangene a-Beti-peori, munyika ya-Sihoni mwami waba-Amori iwakakede ku-Hesiboni, ngubakazunda ba-Musa abana ba-Israyeli kuciindi nibakazwa ku-Egepita. 47#My 21:35; Dt 3:3,4Bakavuba nyika yakwe, ayalo nyika ya-Ogi mwami wa-Basana, bami bobile babaAmon ibakakede mutala lya-Jordano kubuzwezuba, 48#Dt 2:36; 3:12; Int 133:3nyika yoonse kuzwa ku-Aroeri kunkomwe yakalonga ka-Arinoni kusikila kucilundu ca-Sirioni, nkokuti Herimoni, 49antoomwe acisi coonse ca-Araba mutala lya-Jordano kubuzwezuba, mane kusikila kulwizi lwa-Araba, kunsi lyaminkuni ya-Pisiga.
Currently Selected:
Deuteronomo 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.