Deuteronomo 5
5
Musa mbwaakaibalusya bantu mbubakapegwa milao ku-Horebu
1Lino Musa wakaita ba-Israyeli boonse, wakabaambila kuti, Amuswiilile nuba-Israyeli eyi milao ambeta nzendi mukwaamba mumatwi aanu sunu, mukaziiye akuzibamba akuzicita. 2#Kul 19:5; 24:7,8; Dt 4:23; Heb 8:6-13; 9:19-23Jehova Leza wesu wakatutanganya cizuminano mu-Horebu. 3#Mt 13:17; Heb 8:9Teensi bamawiseesu Jehova mbaakatangana abo eci cizuminano, pe, wakatangana andiswe tubeni toonse notuli waano notucipona buzuba obuno. 4#Kul 19:9,19; 20:22; Dt 4:33,36; 34:10Jehova wakaambaula anywe kumeso ameso kuzwa kucilundu mukati kamulilo. 5#Kul 19:16; 20:21; My 16:48; Int 106:23; Jer 30:21; Gal 3:19; Heb 12:18,19; Kul 24:2(Nkabela mebo ndakaliimvwi akati ka-Jehova andinywe kuciindi eco nciconya, kuti mulwiide majwi aa-Jehova nkaambo mwakali kuyoowa mulilo, ncimwatakainkila kucilundu). Wakati, 6#Kul 20:2; Lev 26:1; Dt 6:4; Int 81:10Ndime Jehova Leza wako iwakakugwisya kucisi ca-Egepita kuzwa kuŋanda yabuzike.
7 #
Kul 20:3
Utabi amizimu imbi kunembo lyangu.
8 #
Lev 26:1; Dt 4:15-18; 27:15; Kul 20:4; Int 97:7; Inc 17:29 Utalicitili cikozyano cibezedwe, neciba cacintu cili kujulu nanka cili ansi ano nanka cili mumaanzi kunsi anyika. 9#Kul 34:6-7; My 14:18; Dt 7:9-10Toelede kuzikotamina nekuba kuzimanina milimo, nkaambo ndime Jehova Leza wako, ndi Leza sibuzuba. Ndabweedezya milandu yabamawisi kumitwe yabana mane kusikila kumuzukulu watatu awane wabaabo bandisulide, 10#Jer 32:18; Dan 9:4; 1 Joh 1:7pele ndabafwida luzyalo bantu bali zyuulu akati kabaabo bandiyanda akulondola milazyo yangu.
11 #
Lev 19:12; Kul 20:7; Jak 5:12; Mt 5:33 Utasampauli izina lya-Jehova Leza wako, nkaambo Jehova ulamupa mulandu uusampaula izina lyakwe.
12 #
Kul 16:23-30; 31:12-14; Kul 20:8 Utalubi buzuba bwa-Sabata, ubulemye, mbubonya mbwaakakulailila Jehova Leza wako. 13#Kul 23:12; 31:15; 34:21; 35:2; Lev 23:3; Ezk 20:12Mazuba aali musanu abumwi uleelede kubeleka akumana milimo yako yoonse. 14#Matl 2:2; Kul 16:29; Heb 4:4Pele buzuba bwamusanu aabili mbuzuba bwa-Sabata bwa-Jehova Leza wako, Toelede kubeleka milimo abuniini, noba nduwe omwini naba mwana wako mulombe naba mwana wako musimbi naba muzike wako naba mulanda wako musimbi naha musune wako niiba imbongolo yako neziba iŋombe zyako zyoonse naba mweenzu uukala kulinduwe, kuti muzike wako amulanda wako musimbi balyokezye mbubonya mbuli nduwe. 15Nkabela uleelede kwiingasila kuti yebo omwini koli muzike mucisi ca-Egepita, nkabela Jehova Leza wako wakakugwisya nkukonya oko ajanza lili anguzu akuboko kutandabede, nciceeco Jehova Leza wako ncaakakulailila kulemya buzuba bwa-Sabata.
16 #
Dt 27:16; Mt 15:4; 19:19; Mk 7:10; 10:19; Lk 18:20; Ef 6:2,3; Lev 19:3; Kol 3:20; Dt 4:40 Lemeka uso abanyoko, mbubonya mbwaakakulailila Jehova Leza wako, kuti mazuba aako avule, ukale kabotu munyika eyo njaakupa Jehova Leza wako.
17 #
Matl 9:6; Lev 24:17; Mt 5:21; 19:18; Mk 10:19; Lk 18:20; Rom 13:9; Jak 2:11 Utajayi,
18 #
Lev 20:10; Mt 5:27; 19:18; Mk 10:19; Lk 18:20; Rom 13:9; Jak 2:11 Utaciti bumambi,
19 #
Lev 19:11; Mt 19:18; Mk 10:19; Lk 18:20; Rom 13:9 Utabbi.
20 #
Kul 23:1; Mt 19:18; Mk 10:19; Lk 18:20; 1 Bam 21:10 Utalengeleli mweenzinyokwe kaambo,
21 #
Rom 7:7; 13:9; Mik 2:2; Hab 2:9; Lk 12:15; Gal 5:14 Uteemuzyi mwanakazi wamweenzinyokwe, uteemuzyi iŋanda yamweenzinyokwe, nuuba muunda wakwe, naba muzike wakwe, naba mulanda wakwe musimbi, naba musune wakwe, niiba imbongolo yakwe, neciba cintu cili buti ncajisi.
22 #
Heb 12:18-19; Kul 24:12 Ngaonya aya majwi Jehova ngaakamwaambila nyoonse, nemwakabungene mucilundu, kuzwa mukati kamulilo amujoba amumudima uusia mbi, Taakwe ambi ngaakabika, Nkabela wakaalemba amabwe obile akwaapa ndime. 23Lino nemwakamvwa ijwi lizwa mumudima, cilundu kaciyaka, mwakaswena kulindime, nkokuti basilutwe boonse bamisyobo yanu abapati banu, 24mwakati, Bona! Jehova Leza wesu watutondezya bulemu bwakwe abupati bwakwe, alimwi tulimvwide ijwi lyakwe lizwa mukati kamulilo. Sunu twabona kuti Leza ulakonzya kwaambaula amuntu, nekubaboobo ucipona. 25Lino sa ncibotu kuti tufwe? Nkaambo oyu mulilo mupati ulatusyukutya. Na twamvwa ijwi lya-Jehova Leza wesu alimwi, tulafwa. 26#Dt 4:33Sa kuli muntu naba omwe iwakamvwa ijwi lya-Leza muumi ulaamba kuzwa mukati kamulilo, mbutwamvwa swebo, nekubaboobo ucipona? 27#Heb 12:19Swena kufwaafwi yebo, umvwe makani oonse Jehova Leza wesu ngasi ambe. Zintu zyoonse Jehova Leza wesu nzyasi kwaambile, utulwiide zyoonse, nkabela tulaziswiilila akuzicita.
28Lino Jehova wakamvwa majwi aanu ngemwakandaambila, nkabela Jehova wakandaambila kuti, Ndamvwa majwi aabantu abo ngebaamba kulinduwe, Baamba kabotu. 29#Dt 32:29; Int 81:13; Is 48:18; Jer 44:4; Lk 19:42; 2 Kor 5:20; 6:1; 7:1; Heb 12:25; Dt 11:1; Int 119:1-5; Lk 11:28; Joh 15:14; Ciy 22:14Necili cibotu nebalijisi moyo uuli boobu lyoonse, moyo wakundiyoowa awakubamba milazyo yangu yoonse, kuti kube kabotu kulimbabo akubana babo lyoonse. 30Koya, ukabaambile kuti, Amupiluke kuzilao zyanu. 31#Mal 4:4; Gal 3:19Pele yebo, ima ano kulindime, nkwaambile milazyo yoonse amalailile oonse ambeta zyoonse nzyoelede kubaiyisya, kuti bazicite munyika eyo njendabavubya. 32#Dt 17:20; 28:14; Jos 1:7; 23:6; Tus 4:27Lino amucenjele kuti mucite zintu zyoonse Jehova Leza wanu nzyamulailila. Mutaleyi, nekuba kululyo nekuba kulumwesi. 33#Dt 10:12; Int 119:6; Muk 8:12; Jer 7:23; Lk 1:6; 1 Tim 4:8; Dt 4:40; 12:25,28; 22:7; Ef 6:3Amweende munzila zyoonse Jehova Leza wanu nzyaakamulailila, kuti mukale kabotu, moongole munyika yalukono lwanu.
Currently Selected:
Deuteronomo 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.