Deuteronomo 3
3
1Lino kuzwa oko twakatozya munzila yaku-Basana. Nkabela Ogi mwami wa-Basana wakeza kuzootulwisya, walo abantu bakwe boonse, ku-Edrei. 2#My 21:24Pele Jehova wakandaambila kuti, Utamuyoowi pe, nkaambo ndamwaaba mumaanza aako, walo abantu bakwe anyika yakwe. Ulamucitila mbubonya mbowakacitila Sihoni mwami waba-Amori iwakakede ku-Hesiboni. 3Lino Jehova Leza wesu wakaaba mumaanza esu alakwe Ogi mwami wa-Basa na abantu bakwe boonse, nkabela twakamuzunda mane lumwi teetwakamusiila muntu naba omwe. 4#Dt 29:8; 1 Bam 4:13Nkabela twakatola minzi yakwe yoonse kuciindi eco nciconya katakwe munzi nuuba omwe ngutwatakatola-minzi iili makumi aali musanu alimwi, cisi coonse ca-Arigobi, bwami bwa-Ogi bwaku-Basana. 5Eyi minzi yoonse yakali amabaya amilyango milamfu aminkulu, kutaamba minzi imwi iyatakajisi mabaya minji loko. 6#Dt 2:24; Int 135:10-12; 136:19-21Nkabela twakabanyonyoona mbubonya mbutwakacitila Sihoni mwami wa-Hesiboni. Minzi yoonse buyo, baalumi abanakazi abana, twakabanyonyoona boonse. 7Pele iŋombe, ambono zyoonse zyamuminzi, twakazisaala kuti zibe zyesu. 8Mbuboobo mbutwakanyanzya nyika kuciindi eco kuzwa kumaanza aabami bobile babaAmori ibakali mutala lya-Jordano, kuzwa kukalonga ka-Arinoni kusikila kucilundu ca-Herimoni, 9#Int 29:6; 89:12; 1 Mak 5:23(Ba-Sidoni balaamba kuti Herimoni nguSirioni, aba-Amori balaamba kuti ngu-Seniri), 10#Dt 4:49; Jos 12:5; 13:11minzi yoonse yaatala, acisi coonse ca-Gileadi aca-Basana, kusikila ku-Saleka aku-Edrei, minzi yabwami bwa-Ogi bwaku-Basana. 11#Am 2:9; Matl 14:5; 2 Sam 12:26; Jer 49:2; Ezk 21:20; Am 1:14(Nkaambo Ogi mwami wa-Basana nguwakasyaala alike akati kaba-Refai. Bulo bwakwe bwakali bulo bwabutale, Sa tabuboneki ku-Raba kucisi cabana ba-Amoni? Bulamfu bwabo bwakali tukokola tuli musanu atune, abwaamba bwabo bwakali tukokola tone, nkokuti cakupima akakokola kamuntu).
12 #
Dt 2:36; Jos 12:2; 13:9-12; 2 Bam 10:33; My 32:33-38 Njeeyo nyika njitwakatola kuciindi eco, nkabela ndakapa ba-Rubeni aba-Gadi nyika yoonse kuzwa ku-Aroeri kunkomwe yakalonga ka-Arinoni, acisela cacilundu ca-Gileadi aminzi yaco. 13#My 32:39-42; Jos 13:29Acimwi cisela ca-Gileadi, acisi coonse ca-Ogi caku-Basana, nkokuti cisi coonse ca-Arigobi, ndakacipa cisela camusyobo wa-Manase. (Cisi eco ca-Basana cilaambwa kuti ncecisi cabaRefai. 14#1 Mak 2:22; 2 Sam 3:3; 10:6Jairi mwana wa-Manase nguwakatola cisi coonse ca-Arigobi, nkokuti Basana, kusikila kumugaano waba-Gesuri awaba-Maakari, aboobo cisi cakaulikwa izina lya-Havoti-Jairi, mbocicaambwa asunu.) 15#32:39; Jos 17:1Ndakapa Makiri cisi ca-Gileadi. 16#2 Sam 24:5; My 21:24Aba-Rubeni aba-Gadi, ndakabapa nyika kuzwa ku-Gileadi kusikila kukalonga ka-Arinoni, (Mugaano wakali akatikati kakalonga), akusikila kukalonga ka-Jaboki, mugaano wabana ba-Amoni, 17#My 34:11; Matl 13:10; 14:3; Jos 12:3ayalo nyika ya-Araba, kusikila kumugaano waku-Jordano, kuzwa ku-Kineroti kusikila kulwizi lwaku-Araba, lwizi lwamunyo, kunsi lyaminkuni ya-Pisiga kujwe.
18 #
Jos 1:12-15
Lino kuciindi eco ndakamulailila kuti, Jehova Leza wanu wamupa nyika eyi kuti mwiivube. Lino muleelede kuzubuka azilwisyo zyanu kunembo lyabana bakwanu bana ba-Israyeli, nkokuti boonse baalumi basilumamba. 19Pele banakazi banu abana banu aŋombe zyanu, (Ndizi kuti mulijisi iŋombe zinji), balasyaala muminzi yanu njindamupa, 20#Jos 22:4mane Jehova akabape zilyokezezyo bana bakwanu, mbubonya mbwamupa kale, mane abalo bakavube nyika njabapa Jehova Leza wanu mutala lya-Jordano. Kwaba boobo, muyoopiluka umwi aumwi kulukono lwakwe ndondakamupa. 21Alakwe Joshua ndakamulailila kuciindi eco, ndati, Meso aako abona zintu zyoonse Jehova Leza wako nzyaakacitila bami aba bobile. Jehova ulacita mbubonya obo kuzisi zyoonse zyamutala nkosi ye. 22#Kul 14:14; Dt 1:30; 20:4Mutabayoowi, nkaambo Jehova Leza wanu nguumulwida.
23 #
My 27:12-14; Dt 32:48-52 Lino ndakakumbila kuli-Jehova kuciindi eco, ndati, 24#Dt 11:2; Neh 9:32; Int 106:2; 145:3,6; Jer 32:18-21; Kul 15:11; 2 Sam 7:22; Int 71:19; 86:8O Mwami Jehova, watalika kunditendezya mebo ndemulanda wako bupati bwako abuyumu bwamaanza aako. Sa kuli Leza umbi, nekuba kujulu naaba ansi, uukonzya kucita milimo iigambya mbuli nduwe? 25#Kul 3:8; Dt 4:22Sa inga ndazubuka kuyoobona nyika imbotu iili mutala lya-Jordano, eco cisi cibotu cazilundulundu, a-Lebano? 26Pele Jehova wakandikalalila nkaambo kandinywe, aboobo takwakandiswiilila. Jehova wakandaambila kuti, Uleke kwaamba, Utandaambili limbi aya makani. 27Tanta amutwe wacilundu ca-Pisiga, ukatambye meso aako kumbo akunyika akumusanza akujwe, ukaibone ameso aako, nkaambo tokooyoozubuka oyu mulonga wa-Jordano pe. 28#My 27:18; Dt 1:38; 31:3,7Pele lailila Joshua, umuyumyeyumye, abe singuzu nkaambo ngonguwe uuyoozubuka kunembo lyabantu aba, abavubye nyika njoyoobona. 29#Dt 4:46Elyo katucikede kukuti kulangene a-Beti-peori.
Currently Selected:
Deuteronomo 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.