Amosi 8
8
Cilengano camicelo yamainza. Mamanino asika
1Mbuboobu Mwami Jehova mbwaakandibonya. Ndakabona cisuwo camicelo yamainza. 2#Jer 1:12; Malo 4:18; Ezk 7:2Lino wakandibuzya kuti, Ncinzi ncobona, Amosi? Ndakati, Ncisuwo camicelo yamainza. Elyo Jehova wakandaa-mbila kuti, Mamanino asika kubantu bangu ba-Israyeli. Nsikooyoobalekelela limbi. 3Nkabela nyimbo zyantempele ziyooba malilo mubuzuba obo, mbwaamba Mwami Jehova. Ayalo mitunta iyoovula, koonse koonse bayooiwaala anze cakuumuna wi.
4Amuswiilile majwi aya, inywe nomukataazya bacete akupenzya batengwana bamucisi. 5#Neh 13:15; Mik 6:10Mulati, Ipobwe lyamwezi mupya lilamana lili, tuuzye maila, abuzuba bwa-Sabata, tusambale bulotwe? Tucesye cisuwo cakweelesya akukomezya ili lyasekeli lyakuula, akubelesya zipimyo zyakweena. 6Tuule bacete ansiliva, abatengwana tubaule ansangu, alimwi atuuzye busenga bwabulotwe. 7#Int 68:34; Hos 8:13Jehova wakonkezya kubupati bwa-Jakobo kuti, Ncobeni nsikooyooluba lyoonse milimo yabo. 8#Hos 4:3; Am 9:5Sa nyika tiikooyookankama nkaambo kaceeci? Abalo boonse bakede mulinjiyo sa tabakooyoolila? Ncobeni nyika yoonse iyoofuta mbubonya mbuli lwizi, iyooselauka akuyosa alimwi mbuli mulonga waku-Egepita,
9 #
Job 5:14; Is 13:10; Jer 15:9; Am 4:13; Mik 3:6; 1 Tes 5:2,3 Lino mubuzuba obo, mbwaamba Mwami Jehova, njoobbizya izuba ciindi casikati, akusizya nyika buzuba nibucili bupati. 10#Jer 6:26; Zek 12:10; Lk 7:12,13Nkabela njoosandula mapobwe aanu abe koomoka, azyalo nyimbo zyanu zyoonse ziyooba zyakulizya. Zibuno zyoonse njoozisamika zisani zyamasaka, amitwe yoonse iyoonyoolwa. Njoocita kuti kube mbuli kulila mwana uuzyedwe alike, amamanino ayooba mbuli buzuba bulula,
11 #
1 Sam 3:1; Int 74:9; Ezk 7:26; Mik 3:6 Amubone! Mazuba aleza, mbwaamba Mwami Jehova, ngensi tumine nyika inzala, Teensi kwaamba kuti ninzala yansima nanka nyota yamaanzi pe. Ninzala yakuswiilila majwi aa-Jehova. 12Elyo bayooya butuntulika kuzwa kulwizi akusikila kulwizi, akuzwa kunyika akusikila kujwe. Bayooya buzelengana cakuyandaula ijwi lya-Jehova, pele tabakooyoolijana pe. 13Mubuzuba obo basimbi beebesi abakubusi boonse bayoowizuka nkaambo kanyota. 14#Dt 9:21; 1 Bam 12:30; Hos 8:5,6; 10:5; Mik 1:5Abaabo bakonkezya kumulandu wa-Samariya, baamba kuti, Mbwali muumi Leza wako, O Dani, nanka, Mbiili ngumi inzila yaBeereseba, bayoowida ansi akutabuka limbi.
Currently Selected:
Amosi 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.