Amosi 7
7
Cilengano cacisozi
1Mbuboobu Mwami Jehova mbwaakandibonya. Ndakabona kuti uli mukucita cisozi ciindi nciwakatalika kusyuuka mweemvu wabili, nkokuti mweemvu wabili nikwakamana kumwidwa kwamwami. 2Nkabela nicakamana kulya zintu zyoonse zimena zyamunyika, ndakati, O Mwami Jehova, kolekelela. Jakobo ulabuka buti? Nkaambo muniini buyo. 3#Dt 32:36; Int 106:45; 1 Mak 21:15; Hos 11:8; Joel 2:14; Joh 3:10; Jak 5:16Elyo Jehova wakeempwa kumakani aya. Taakooyooba obo, pe, mbwaamba Jehova.
Cilengano camulilo
4Mbuboobu Mwami Jehova mbwaakandibonya. Ndakabona kuti Mwami Jehova uli mukwiita mulilo wakubetesya, nkabela wakalya bulondo bupati bwamaanzi, wakaamba kulya nyika ayalo. 5Elyo ndakaamba kuti, o Mwami Jehova, koleka. Jakobo ulabuka buti? Nkaambo muniini buyo. 6#Int 102:17Lino Jehova wakeempwa kumakani aya. Aya aalo taakooyooba obo, pe, mbwaamba Mwami Jehova.
Cilengano cacipimyo
7Mbuboobu mbwaakandibonya. Ndakabona kuti Mwami uliimvwi abulambo bupimidwe, acipimyo kacili mujanza lyakwe. 8#2 Bam 21:13; Is 28:17; Mik 7:18Lino Jehova wakandibuzya kuti, Ncinzi ncobona, Amosi? Ndakati, Ncipimyo. Elyo Mwami wakaamba kuti, Bona! Ndabika cipimyo akati kabantu bangu ba-Israyeli, nkabela nsikooyooboola limbi kubalekelela. 9#Matl 26:23; 2 Bam 15:10Pele zilundu zya-Izaka ziyoomwaikilwa bantu, aalo makuta aa-Israyeli ayoosaalwa, nkabela njoobuka apanga lyakulwisya mukowa wa-Jeroboamu,
Amaziya mbwaakakazyanya a-Amosi
10 #
1 Bam 12:32; 2 Bam 14:23 Lino Amaziya mupaizi waku-Beteli wakatuma kuli-Jeroboamu mwami wa-Israyeli, wakati, Amosi wakuvwiya mukati kamukowa wa-Israyeli, Nyika yaata kumajwi aakwe. 11Nkaambo mbuboobu mbwaamba Amosi. Wati, Jeroboamu uyoojayigwa apanga, abalo ba-Israyeli bayootolwa mubuzike kuzwa kucisi cabo.
12Alimwi Amaziya wakaambila Amosi kuti, Uwe sicilengano, koya ukacije kucisi ca-Juda, ukalye insima akusinsima nkuko. 13#Am 2:12Pele utabooli limbi kusinsima ku-Beteli, nkaambo ndikuta lyamwami, alimwi mbukalilo bwabwami, 14#2 Bam 2:5; Zek 13:5Mpawo Amosi wakavwiila Amaziya kuti, Ime teendakali musinsimi nanka mwana wamusinsimi, pe, ndakali mweembeli asikucela inkuyu. 15Lino Jehova wakandilesya kweembela imbelele, Jehova wakandaambila kuti, Koya ukasinsimine bantu bangu ba-Israyeli. 16#Is 30:10; Mik 2:6Lino swiilila ijwi lya-Jehova. Uwe ulaamba kuti, Utasinsimi cakutapatila mukowa wa-Israyeli, utaambi majwi aakubijila luzubo lwa-Izaka. 17#Jer 28:12; 29:21; Malo 5:11Nkaambo kako Jehova wati, Mukaako uyoovuula mumonya mumunzi, abana bako balombe abasimbi boonse bayoojayigwa apanga, anyika yako iyooabwa antambo yakweelesya, ayebo uyoofwa munyika iisofweede, abalo ba-Israyeli bayootolwa mubuzike kuzwa kucisi cabo.
Currently Selected:
Amosi 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.