Amosi 9
9
Cilengano calunyonyooko lwacisi
1Ndakabona Mwami uliimvwi kucipaililo, wakati, Uma misemu, kuti zikunguzyo zizungaane. Kozityolaula kumitwe yabo boonse. Nkabela abo basyeede njoobajazya ipanga, elyo takukooyooba naba omwe akati kabo uucija, takukooyooba naba omwe uuvunwa. 2#Int 139:8; Job 20:6; Ob 1:4Nekuba kuti basya munyika mane kusikila kucikalilo cabafu, njoobagwisya mumonya omo. Nekuba kuti batanta kujulu, njoobaselusya oko akwalo. 3#Jer 23:24Nekuba kuti bayuba kumutwe wacilundu ca-Karameli, njoobayandaula akubagwisya nkuko. Nekuba kuti balisisa cakutabonwa atako lyalwizi, oko akwalo njoolazya inzoka kuti ibalume, 4#Dt 28:65; Lev 17:10Nekuba kuti batolwa mubuzike kulibasinkondonyina, akooko njoolazya ipanga kuti libajaye. Njoobadongomwena meso aangu cakubabisizya, nsikooyoobacitila bubotu pe.
5 #
Mik 1:4
Nkaambo Mwami Jehova wamakamu nguuampa nyika, elyo ileenzunuka. Boonse bakede mulinjiyo bayoolila. Iyoofuta yoonse mbubonya mbuli lwizi, akuyosa alimwi mbuli mulonga waku-Egepita. 6Nguuyaka maanda aakwe kujulu, azyalo intalisyo zyalululi lwakwe wazijatya ansi. Nguuita maanzi aamulwizi akwaatila ansi. Izina lyakwe ngu-Jehova.
7 #
Dt 2:23; Jer 47:4; Am 1:5 Sa tamuli mbubonya mbuli bana ba-Etiopiya mumeso aangu, nubana ba-Israyeli? mbwaamba Jehova. Sa teensi ndime ndakagwisya ba-Israyeli kuzwa mucisi ca-Egepita, aboonse ba-Filisti kuzwa ku-Kafitori, aboonse ba-Aramu kuzwa ku-Kiri? 8#Int 11:4; Jer 30:11Amubone! Meso aa-Mwami Jehova alalanga cisi cabasizibi. Njoociziminganya kuzwa kubusyu bwanyika.
Leza ulaboola kulongezya cisi kuciindi ciza
Nekubaboobo nsikooyoofwidilizya mukowa wa-Jakobo cakutabuka, mbwaamba Jehova, 9Nkaambo amubone mbundalaililal Njooseba mukowa wa-Israyeli akati kamasi oonse mbubonya mbuli maila mbwaasebwa mucisebyo, nkabela takuyoowida ansi inseke niiba yomwe. 10Bayoojazigwa ipanga boonse basizibi akati kabantu bangu, baamba kuti, Mapenzi taakooyootusikila nanka kutujana.
11 #
Inc 15:16-18
Mubuzuba obo njoobusya itente lyambungano lya-Davida limwaikide, akuyakulula mazwazwa aalyo. Njoobusya matongo aakwe akwaayakulula, abe mbuli kuciindi cakalekale, 12#Ob 1:19; My 24:18kuti bavube abo basyeede akati kabaEdomu azisi zyoonse izina lyangu mpolyaambwa, mbwaamba Jehova uucita aya makani.
13 #
Lev 26:5
Amubone! Mazuba aleza, mbwaamba Jehova, sikupanda muunda nazooenzya sikutebula, alakwe sikulyataula misaansa uyooenzya sikubyala imbuto. Nkabela zilundu zilawisya imbote iilweela, amituntatunta yoonse ilayaaya. 14#Is 61:4Njoolesya buzike bwabantu bangu ba-Israyeli, elyo bayooyaka minzi iisaalidwe akukala mulinjiyo, alimwi bayoobyala myuunda yamasaansa akunywa waini wanjiyo, bayoolima myuunda akulya micelo yayo. 15#Is 60:21Nicobakalika nji munyika yabo, batakaluluki limbi anyika yabo njindabapa, mbwaamba Jehova Leza wako.
Currently Selected:
Amosi 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.