2 Samuele 24
24
Davida mbwaakabisya kukubala bantu
1 #
2 Sam 16:10; 21:1; 1 Bam 22:22; 1 Mak 21:1; Jak 1:13; 1 Mak 27:23 Lino bukali bwa-Jehova bwakabuka lwabili kuba-Israyeli, nkabela mumoyo wa-Davida wakabika muyeeyo wakuti, Nkabale bantu ba Israyeli aba-Juda. 2#Matl 26:4; Dt 8:13,14; 2 Mak 32:25,26; Tus 18:12; 29:23; Jer 17:5Elyo mwami wakaambila Joabu silutwe wampi ngwaa-kali awe kuti, Koya bwiinda akati kamikowa yoonse ya-Israyeli, kuzwa kuDani akusikila ku-Beereseba, mukabale bantu, nkazibe mweelwe wabantu. 3Mpawo Joabu wakaambila mwami kuti, Jehova Leza wako avuzye bantu kut, kufumbwa mweelwe wabo mbuubede sunu, bainde nguwo ziindi zili mwaanda. Meso aamwami simalelaangu abone cintu eci naacipona. Pele nkaambonzi mwami simalelaangu ulayanda kucita mbwaamba? 4#1 Mak 21:4; Muk 8:4; Inc 5:29Nekubaboobo ijwi lyamwami ndilyakazunda Joabu abasilutwe bampi, aboobo Joabu abasilutwe bampi bakazwa kubusyu bwamwami kuyoobala bantu ba-Israyeli. 5#Dt 2:36; My 32:1,3Nkabela bakazubuka Jordano, baakukala-kala ku-Aroeri, kubbazu lyalulyo lyamunzi uuli mumumpata wa-Gadi, aku-Jazeri, 6#Jos 19:47; Bab 18:28,29; Jos 19:28alimwi bakasika kuGileadi, akunyika ya-Tatimuhodesi, alimwi bakasika ku-Dani-Jaana, akuzwa oko bakazyunguluka kuya ku-Zidoni, 7elyo bakasika kumampangala aaTuro akuminzi yoonse yaba-Hivi ayaba-Kanani, aboobo bakasika kubupunu bwacisi ca-Juda, ku-Beereseba. 8Lino nibakamana kwiinda kunyika yoonse, bakaboola ku-Jerusalemu nikwakamana myezi iili musanu aine amazuba aali makumi obile. 9#1 Mak 21:5Nkabela Joabu wakalwiida mwami mweelwe wabantu babalidwe. Baalumi basintaze basimapanga bamu-Israyeli kabali zyuulu zili myaanda iili musanu aitatu, abantu ba-Juda kabali zyuulu zili yosanwe.
10 #
1 Sam 24:5; Tus 18:4; 1 Joh 3:20; 2 Sam 12:13; 1 Mak 21:8; Job 33:27,28; Int 25:11; 1 Sam 13:13 Mpawo Davida wakayaswa mumoyo naakamana kubala bantu, wakaambila Jehova kuti, Ndabisya loko kucintu eci ncindacita, pele lino kogwisya mulandu wamulanda wako, nkaambo ndacita cabufubafuba loko. 11#1 Sam 22:5; 9:9Nkabela Davida naakabuka cifumo, ijwi lya-Jehova lyakasika kuli-Gadi musinsimi, musondi wa-Davida, lyakati, 12Koya ukaambile Davida kuti, Mbuboobo mbwaamba Jehova, Nzeezi zintu zyotatwe. Kolisalila comwe canzizyo, kuti nkakucitile ncico. 13#1 Mak 21:12Mpawo Gadi wakeza kuzooambila Davida. Wakamwaambila kuti, Sa ulayanda kusikilwa myaaka iili musanu aibili yanzala okuno kucisi cako? Na sa ulayanda kuba amyezi yotatwe yakucija kuzwa kubasinkondonyoko baku tanda? Na sa ulayanda kuti kube mazuba otatwe aabulwazi kucisi cako? Koyeeya, ukazibe na cintu cibotu ncicili, nkabweedezye makani kuliyooyo iwakandituma. 14#Int 103:8; 119:156; Is 47:6; Zek 1:15Lino Davida wakaambila Gadi kuti, Moyo wangu wama akati kamapenzi mapati. Lino atwaabwe mumaanza aa-Jehova, nkaambo luzyalo lwakwe ndupati, pele intaabwi mumaanza aabantu pe. 15#1 Mak 21:14; 27:24Aboobo Jehova wakatuma bulwazi mu-Israyeli kuzwa kucifumo mane kusikila kuciindi cibikidwe, nkabela kwakafwa akati kabantu boonse, kuzwa ku-Dani akusikila ku-Beereseba, bantu bali zyuulu zili makumi aali musanu aabili. 16#Kul 12:23; 1 Mak 21:15; Int 104:4; Matl 6:6; 1 Sam 15:11; Int 78:38; Jer 18:5-10; Joel 2:13; Joh 3:10; 1 Mak 21:15Pele angelo naakatambika ijanza lyakwe kuti anyonyoone Jerusalemu, Jehova wakausa insoni, wakaambila oyo angelo iwakali kujaya bantu kuti, Mbubo, kolesya ijanza lyako. Nkabela angelo kali kufwaafwi kucipolelo ca-Amuna mu-Jebusi.
17 #
1 Mak 21:17
Nkabela Davida, naakabona angelo iwakali kujaya bantu, wakaambila Jehova, wakati, Bona! Mebo ndabisya, ndijisi mulandu, pele ezi imbelele zyacitanzi? Ijanza lyako alibe kulindime akumukowa wataata.
18 #
1 Mak 21:18
Lino obo buzuba Gadi wakeza kuli-Davida, wakamwaambila kuti, Koya, ukayakile Jehova cipaililo mucipolelo ca-Arauna mu-Jebusi. 19Mpawo Davida wakaya mbubonya mbwaakaamba Gadi, mbwaakamulailila Jehova. 20Nkabela Arauna naakatambya meso aakwe, wakabona mwami abalanda bakwe baleza nkwaabede, elyo Arauna wakainka kuyookotamina mwami wakuvundama ansi. 21#Matl 23:8; My 16:48Lino Amuna wakabuzya kuti, Ino mwami simalelaangu wazidanzi kulindime ndemulanda wakwe? Mpawo Davida wakati, Ndeza kuula cipolelo cako, njakile Jehova cipaililo, kuti bulwazi buleke kukataazya bantu. 22#1 Bam 19:21Nkabela Arauna wakaambila Davida kuti, Mwami simalelaangu acibweze, apaizizye Jehova kufumbwa ncayanda. Bona, mbaaba basune bakupaizya azyakupola azintu zyabasune zyakutentya. 23#Int 20:3; 119:108; Ezk 20:40; 1 Pet 2:5Ezi zintu zyoonse, O Mwami, Arauna wapa mwami. Alimwi Arauna wakaambila mwami kuti, Jehova Leza wako abotelwe ncocita, 24#1 Mak 21:24Pele mwami wakaambila Arauna kuti, Pe, ncobeni njoocuula amali aaelede. Nsiyandi kupaizizya Jehova Leza wangu zipaizyo nzinsina kubbadela cintu. Aboobo Davida wakaula cipolelo abasune masyekeli aansiliva aali makumi osanwe. 25#1 Mak 21:28; 22:1; 2 Sam 21:14; 2 Mak 33:13; Is 19:22Mpawo Davida wakayakila Jehova cipaililo nkukoaya oko, wakatuula zituuzyo azipaizyo zyakutontozya, elyo Jehova wakakombelezegwa kulekelela nyika, aboobo bulwazi bwakalesegwa kubantu ba-Israyeli.
Currently Selected:
2 Samuele 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
