2 Samuele 20
20
Seba mbwaakazangila Davida
1 #
1 Bam 12:16; 2 Mak 10:16; 2 Sam 12:10; Dt 13:13; Bab 19:22; 1 Sam 2:12; 10:27; 2 Sam 23:6; 1 Bam 21:10,13; 2 Mak 13:7; 2 Sam 19:43 Lino kakuliko umwi muntu wa-Saatani, izina lyakwe kali Seba mwana wa-Bikri mu-Benjamini. Oyu muntu wakali zya mweembo, wakati, Iswe tatujisi caabilo muli-Davida, tatukwe lukono mumwana wa-Jese. Kamuya nyoonse kumaanda aanu nuba-Israyeli. 2#Tus 17:14Mpawo bantu boonse ba-Israyeli bakaleka kutobela Davida, bakaakutobela Seba mwana wa-Bikri, pele bantu ba-Juda bakakakatila kumwami wabo kuzwa ku-Jordano akusikila i ku-Jerusalemu. 3#2 Sam 15:16; 16:22Elyo Davida wakasika kuŋanda yakwe mu-Jerusalemu. Nkabela mwami wakabweza abo banakazi abasimamambe bali ikumi mbaakasiide kulinda iŋanda, wakababika muntolongo, nkabela wakali kubalela, pele teewakala kuswanana abo pe, aboobo kabajalidwe mazuba oonse mane kusikila kukufwa kwabo, bakali kupona mbubonya mbuli bamukamufu.
4Mpawo mwami wakaambila Amasa kuti, Kondiitila bantu ba-Juda, lino amana buyo mazuba otatwe, ube okuno. 5Mpawo Amasa wakaya kuyooita ba-Juda, pele wakamuka akusotoka ciindi ncaakamubikila. 6#1 Sam 26:6; 2 Sam 2:18; 18:2; 11:11; 1 Bam 1:33Elyo Davida wakaambila Abisai kuti. Lino ncobeni Seba mwana wa-Bikri ulatubisizya kwiinda Abisalomu. Koya uwe, ukatole balanda basimalelaako akumutobela, kuti atalijanini minzi iili alubaya akutuloboka. 7#2 Sam 8:18; 1 Bam 1:38Mpawo bantu ba-Joabu bakainka kuyoomutobela, aba-Kereti aba-Peleti aboonse baalumi basintaze. Bakainka kuzwa ku-Jerusalemu kuyootobela Seba mwana wa-Bikri.
8Lino nibakasika kubbwe ipati lyaku-Gibeeni, Amasa wakeza kuzoobacinga. Nkabela Joabu kasamide zikobela zyakwe zyakulwisya nzyaakasama, alimwi kajisi ipanga mucibunu cakwe lyaangidwe munkomo yalyo, nkabela naakanyampuka, yakawida ansi. 9#Mt 26:49; Lk 22:47; Matl 4:8; 2 Sam 2:23; 3:27; 1 Bam 2:5Elyo Joabu wakabuzya Amasa kuti, Sa ula pona kabotu, mukwesu? Nkabela Joabu wakajata Amasa kucilezu ajanza lyakwe lyalulyo, kuti amumyonte. 10Pele Amasa teewakabika moyo wakwe kupanga ilyakali mujanza lya-Joabu, aboobo wakamuyasya andilyo abumbu, wakatila mala aakwe ansi, nkabela takakamuyasa lwabili pe, nkaambo wakafwa mpoonya awo. Lino joabu a-Abisai mukulana wakwe bakaya butobela Seba mwana wa-Bikri. 11Nkabela kwakaima umwi mulombe wa-Joabu nkukonya nkwaakabede Amasa, wakati, Kufumbwa muntu uuli abuzolwani kwa-Joabu akuyanda Davida, ainke buyo kutobela Joabu. 12Pele Amasa wakali kulikanda mubulowa akati kanzila. Lino oyo muntu naakabona kuti bantu boonse baliimvwi, wakagwisya Amasa munzila, wakamutola musokwe akumuvumbya isani, nkaambo wakabona kuti kufumbwa bantu basika balaima buyo mpoonya. 13Lino naakamana kumugwisya munzila, bantu boonse bakainda kunembo kutobela Joabu kuya butanda Seba mwana wa-Bikri,
14 #
1 Bam 15:20; 2 Bam 15:29; 2 Mak 16:4 Nkabela Seba wakainda kumikowa yoonse ya-Israyeli, wakaakusika ku-Abeli aku-Betimaaka akuba-Beri boonse, elyo bakayoboloka abalo akumutobela. 15#2 Bam 19:32; Jer 32:24; 33:4; Lk 19:43Lino bakeza kuzoosinkilizya ku-Abeli waku-Betimaaka, nkabela bakalundika citantilo cavu anze amunzi mane cakeelana abulamfu bwabulambo, alimwi bantu boonse joabu mbaakali abo bakatalika kuuma-uma bwaanda kuti babumwaye.
16Elyo umwi mwanakazi musongo wamumunzi wakapozomoka wakati, Amuswiilile! Amuswiilile! Amwaambile Joabu kuti, Boola okuno. Njanda kwaamba ayebo. 17Lino naakasika afwaafwi, mwanakazi wakamubuzya kuti, Sa nduwe joabu P Wakati, Ndime. Elyo wakati, Swiilila majwi aangu ndemulanda wako. Wakati, Mbubo, ndaswiilila. 18Mpawo wakaamba kuti, Kalekale kakwaambwa kuti, Ku-Abeli nkokubuzigwa makani, aboobo makani akamana. 19#1 Sam 26:19Ime ndi umwi wabasiluumuno awabasyomesi bamu-Israyeli. Uwe ulayandakunyonyoona munzi abanyina bana bakookuno ku-Israyeli. Nkaambonzi noyanda kumenenena lukono lwa-Jehova? 20Mpawo Joabu wakavuwa kuti, Pe; pe, cilatonda kulindime kumenenena nanka kunyonyoona. 21Takuli boobo pe. Makani ngaaya. Kuli umwi muntu wakucilundu ca-Efraimu, izina lyakwe ngu-Seba mwana wa-Bikri, watambika ijanza lyakwe kukubisizya mwami Davida. Amutupe oyo muntu alike, elyo ndaleka munzi. Mpawo mwanakazi wakaambila Joabu kuti, Bona! Mutwe wakwe uyoowaalwa nkobede anze alubaya. 22#Muk 7:19; 9:14Elyo mwanakazi wakainda kubantu boonse cabusongo, nkabela bakakosola mutwe waSeba mwana wa-Bikri akuuwaala nkwaakabede Joabu, Lino wakalizya mweembo, nkabela bantu boonse bakamwaika kuzwa kumunzi akuya kumaanda aabo. Alakwe Joabu wakapiluka ku-Jerusalemu kumwami.
Basinkuta ba-Davida
23 #
2 Sam 8:16
Lino joabu kali musololi wampi yoonse ya-Israyeli, a-Benaya mwana wa-Jehoyada kali silutwe waba-Kereti aba-Peleti, 24#1 Bam 4:6; 12:18; 4:3a-Adoramu nguwakali kubelesya basicibalo, a-Josafati mwana wa-Ahiludi nguwakali kulemba makani, 25#2 Sam 8:17alimwi Seva kali mulembi, a-Zadoki a-Abiyatara kabali bapaizi, 26#2 Sam 23:38a-Ira mu-Jairi kali silutwe wa-Davida.
Currently Selected:
2 Samuele 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
