2 Samuele 19
19
Davida mbwaakaboola ku-Jerusalemu
1Lino Joabu wakaambilwa kuti, Bona! Mwami ulalila akubiizika nkaambo ka-Abisalomu. 2Nkabela buzuba obo lufutuko lwakasa nduka akuba kulila buyo kubantu boonse, nkaambo bantu bakamvwa kuti, Mwami wafwaba nkaambo kamwanaakwe. 3Lino bantu nibakanjila mumunzi buzuba obo, bakali kuya busobelela buyo mbubonya bantu mbu-basobelela cakufwa bweeme ciindi cakucija kunkondo. 4#2 Sam 15:30; 1 Sam 4:12; 2 Sam 18:33Nkabela mwami wakalivumba kubusyu, wakalila ajwi ipati, wakati, Maawe! Abisalomu mwanaangu! Abisalomu mwanaangu! Mwanaangu!
5Lino Joabu wakeza kumwami muŋanda, wakati, Sunu wabausya bweeme hoonse balanda bako, mbembabo bavuna buumi bwako buzuba obuno, abuumi bwabana bako balombe abana bako basimbi abanakazi bako abasimamambe bako. 6Nkaambo ulabayanda bakusulide akusula bakuyandide. Waamba kuti basilutwe abalanda bako boonse tabakwe makani kulinduwe. Ncobeni ndabona kuti Abisalomu niwakacili muumi sunu, aswebo toonse nitwakafwa, cintu eci nicakalulama mumeso aako. 7#Tus 14:28Lino buka, koya anze, ukaumuzye myoyo yabantu, nkaambo ndakonkezya kuzina lya-Jehova kuti na tozwi obo, kutakooba muntu naba omwe uuti syaale kulinduwe masiku aya. Lino eci cintu cilakubijila kwiinda mapenzi oonse nguwasikilwa mazuba oonse kuzwa kubwanike bwako akusikila sunu. 8#Rut 4:1; 2 Sam 18:4,24; 2 Bam 14:12; 1 Bam 12:16Mpawo mwami wakabuka, wakaakukala kumulyango, nkabela bantu boonse bakaambilwa kuti, Mwami ulikede kumulyango. Elyo bantu boonse bakasika nkwaakabede mwami.
Lino ba-Israyeli boonse bakamwaika akuya kumaanda aabo. 9#2 Sam 5:18; 1 Sam 17:1; 18:1; 2 Sam 15:14Nkabela bantu bakali kukazyanya mumikowa yoonse ya-Israyeli. Bakati, Mwami nguwakatuvuna kumaanza aabasinkondoma besu, nguwakatuvuna kumaanza aaba-Filisti, pele sunu wacija kuzwa kucisi nkaambo ka-Abisalomu. 10Alimwi oyo Abisalomu ngutwakananika kuti abe mwami wesu, wafwa munkondo. Lino nkaambonzi tamufwambaani kuboozya mwami?
11Elyo mwami wakatumina Zadoki a-Abiyatare bapaizi, wakati, Amubuzye bapati ba-Juda kuti, Ino nkaambonzi nomwamuka kuboozya mwami kuŋanda yakwe? Ba-Israyeli boonse balaamba makani aakuboozya mwami kuŋanda yakwe. 12#Matl 2:23; Bab 9:2; 2 Sam 5:1Lino ndinywe basimukowama, zifuwa zyesu nzimwi anyama yesu njimwi. Nkaambonzi nomwamuka kuboozya mwami? 13#2 Sam 17:25; 1 Mak 2:16,17; 12:18; Rut 1:17; 1 Bam 19:2; 2 Sam 3:29,30; 8:16; 18:14Alimwi amutolele Amasa aya majwi aakuti, Sa tatuli zifuwa zimwi anyama imwi ayebo na? Leza andicitile mbubonya na kwiinda na tobi silutwe wampi mazuba oonse mucibaka ca-Joabu. 14#Bab 20:1; Int 110:2,3; Inc 4:32Nkabela wakakombelezya myoyo yabantu boonse ba-Juda mbuli moyo wamuntu omwe, aboobo bakatumina mwami, bakati, Boola, webo abalanda bako boonse. 15#Jos 5:9; 1 Sam 11:14,15Mpawo mwami wakaboola, wakasika ku-Jordano. Nkabela ba-Juda bakasika ku-Giligala kuyoocinga mwami akumuzubusya Jordano.
16 #
2 Sam 16:5-13; 1 Bam 2:8,36,46 Lino Simeyi mwana wa-Gera, mu-Benjamini waku-Bahurimu, wakafwambaana kusindikila bantu ba-Juda kuyoocinga mwami Davida, 17#2 Sam 9:2,10; 16:1,2wakeza abantu ba-Benjamini bali cuulu, a-Ziba mulanda waluzubo lwa-Saulo abana bakwe bali ikumi amusanu abazike bakwe bali makumi obile. Nkabela bakafwambaana kulimba mulonga kumeso aamwami. 18Elyo kwakainka bwaato kuyoozubusya basiŋanda bamwami akucita kufumbwa cintu ncaakayanda. Nkabela Simeyi mwana wa-Gera wakakotama ansi kumeso aamwami naakazubuka Jordano. 19#1 Sam 22:15; Int 32:2; Rom 4:6,8; 2 Kor 5:19; 2 Sam 16:5,6; Tus 28:13; Mt 5:25; 2 Sam 13:33Wakaambila mwami kuti, Simalelaangu atandipi mulandu, akutayeeya busicinguni bwangu mbundakabisya ndemulanda wako obo buzuba mwami mbwaakazwa ku-Jerusalemu. Mwami atabiki moyo wakwe kulimbubo pe. 20#2 Sam 16:5Nkaambo ndemulanda wako ndizi kuti ndakabisya, nciceeco ncindasikila sunu cakusaangunina mukowa woonse wa-Josefa kuzoocinga mwami simalelaangu. 21#Kul 22:28; 1 Sam 24:6; 26:9; 2 Sam 16:5,7,13; Muk 10:20; Inc 23:5; 2 Pet 2:10,11; Jud 1:8Mpawo Abisai mwana wa-Zeruya wakavuwa kuti, Sa Simeyi teelede kujayigwa nkaambo kamakani aya na? Ikuti wakatuka munanike wa-Jehova. 22#1 Sam 26:8; 2 Sam 16:10; Mt 8:29; 1 Sam 11:13Pele Davida wakati, Tujisi makaninzi anywebo nobana ba-Zeruya? Nkaambonzi nomwandikataazya sunu? Sa kulajayigwa muntu mu-Israyeli sunu? Ndizi kuti buzuba obuno ndijisi bwami bwa-Israyeli. 23#1 Bam 2:8,9,37,46Elyo mwami wakaambila Simeyi kuti, Tokoofwa pe, Nkabela mwami wakakonkezya mbubonya,
24 #
2 Sam 9:1-13; 16:1-4 Mpawo kwakasika Mefibosete mwana wa-Saulo kuzoocinga mwami, Katana kusamba kumaulu, nikuba kunyoola cilezu cakwe, nikuba kusanzya zyakusama zyakwe, kuzwa kubuzuba obuya mwami naakainka akusikila kubuzuba naakaboola caluumuno. 25#2 Sam 16:17Elyo naakasika ku-Jerusalemu kuzoocinga mwami, mwami wakamubuzya kuti, Mefibosete, nkaambonzi notwatakainka ayebo? 26Wakati, O mwami simalelaangu, mulanda wangu wakandeena. Nkaambo ndemulanda wako ndakati, Ndibambile imbongolo, nkatante alinjiyo, nkaye kumwami, nkaambo ndemulanda wako ndi cilema. 27#2 Sam 16:3; Int 15:3; 63:11; Tus 21:6; 26:28; Jer 9:4,5; 1 Sam 29:9; 2 Sam 14:17,20Lino wandilengelezya ndemulanda wako kumwami simalelaangu. Pele mwami simalelaangu uli mbuli angelo wa-Leza. Kocita kufumbwa cintu cabota kumeso aako. 28#2 Sam 9:7-13Nkaambo basiluzubo boonse babata kabali mbuli bafu kumeso aamwami simalelaangu, pele ime ndemulanda wako wandibika akati kabaabo balya insima kutafule lyako. Lino sa ncibotu kuti nkencililila cintu kumwami? 29#Dt 19:16-21; Int 82:2; 101:1-8; Tus 29:4Mpawo mwami wakamwaambila kuti, Nkaambonzi nocaamba makani aako? ndaamba kuti uwe a-Ziba muleelede kwaabana nyika. 30Nkabela Mefibosete wakaambila mwami kuti, Atole yoonse buyo nkaambo mwami simalelaangu waboola caluumuno kuŋanda yakwe.
31 #
2 Sam 17:27-29; 1 Bam 2:7; Ezr 2:61; Neh 7:63 Mpawo Barizilai mu-Gileadi wakazwa ku-Rogelimu, mwami naakazubuka Jordano, kuti amusindikizye mutala lya-Jordano. 32#2 Sam 17:27Oyo Barizilai wakacembaala loko, kali amyaaka iili makumi aali musanu aatatu, Ngonguwe wakalela mwami ciindi naakakede ku-Mahanaimu, nkaambo kali muntu mulemu loko. 33Elyo mwami wakaambila Barizilai kuti, Atwiinke ayebo, nkakulele kulindime ku-Jerusalemu. 34#Matl 47:9; Int 39:4,5; Jak 4:14Pele Barizilai wakaambila mwami kuti, Myaka yabuumi bwangu ili yongae? Njiinke buti amwami ku-Jerusalemu? 35#Int 90:10; Muk 12:3-6Sunu ndijisi myaaka iili makumi aali musanu aatatu, Sa ndizi cintu mbucibede, na cibi na cibotu? Sa ncikonzya kulabila cintu ncindya na cintu ncinywa? Sa ncikonzya kumvwa majwi aabalumi abanakazi basikwiimba? Lino ime ndemulanda wako nkamulemene buti mwami simalelaangu? 36Ndemulanda wako njanda kusindikizya mwami buniini buyo mutala lya-Jordano. Nkaambonzi mwami nayanda kundilumbula bulumbu buli boobo? 37#1 Bam 2:7; Jer 41:7Ndemulanda wako nkabweede kuyoofwa mumunzi wangu, mumonya mukabede kabanda kabata abama. Pele bona, ngooyu mulanda wako Cimamu. Mwami simalelaangu ainke ayooyu, umucitile kufumbwa cintu cibotu mumeso aako. 38Elyo mwami wakati, Mbubo, tulainka a-Cimamu, Njoomucitila kufumbwa cintu cibotu mumeso aako, ayebo omwini njookucitila zintu zyoonse nzoyanda, 39#Matl 31:55; 14:19; Kul 39:43; Jos 22:6; 1 Sam 2:20Elyo bantu boonse bakazubuka Jordano, alakwe mwami wakazubuka. Nkabela mwami wakamyonta Barizilai akumulazya kabotu, elyo wakapiluka kulinguwe.
40Aboobo mwami wakazubuka kuyoosika ku-Giligala, alakwe Cimamu wakazubuka awe. Bantu boonse ba-Juda acisela cabantu ba-Israyeli mbubakazubusya mwami. 41#2 Sam 19:15Elyo bantu boonse ba-Israyeli bakali kuza kumwami, bakaambila mwami kuti, Ino nkaambonzi bakwesu ba-Juda nobakubba? Mbembabo bazubusya mwami Jordano, abasiŋanda bakwe, abantu boonse ba-Davida mbali abo. 42#2 Sam 19:12; Rut 4:12,18-22; 1 Mak 2:3-15; Int 78:68,70; Mt 1:1-6Mpawo bantu boonse ba-Juda bakavwiila bantu ba-Israyeli kuti, Nkaambo mwami ngusimukowama, Nkaambonzi nomubijilwa kumakani aya? Sa tulilide cintu kumwami na? Sa kuli cintu ncaakatupa na? 43#1 Bam 11:30,31; Bab 8:1; 12:1Nkabela bantu ba-Israyeli bakavwiila bantu ba-Juda kuti, Zipanzi zili ikumi zyamwami nzizyesu, alimwi iswe tuleelede kuba amwami kwiinda ndinywe. Nkaambonzi nomwakatusampaula akutukasya kusaanguna kwaamba makani aakuboozya mwami? Nkabela majwi aabantu ba-Juda akali abukali kwiinda majwi aabantu baIsrayeli.
Currently Selected:
2 Samuele 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
