2 Samuele 18
18
Mbuyakalwigwa inkondo yabantu ba-Abisalomu abantu ba-Davida
1Lino Davida wakabunganya bantu mbaakali abo akubabikila basilutwe bazyuulu abasilutwe bamyaanda. 2#2 Sam 15:19Nkabela Davida naakatuma bantu, wakabika cipanzi catatu mumaanza aa-Joabu, acipanzi catatu mumaanzanza aa-Abisai mwana wa-Zeruya munyina Joabu, acipanzi catatu mumaanza aa-Itai mu-Giti, Lino mwami wakaambila bantu kuti, Ncobeni ambe ndainka anywe. 3#2 Sam 21:17Pele bantu bakavuwa kuti, Toelede kwiinka pe, nkaambo na twacija, tabakooyoobika myoyo yabo kulindiswe pe. Nanka cisela cesu twafwa, tabakooyoobika myoyo yabo. Pele uwe uleelene azyuulu zili ikumi akati kesu. Lino cintu cibotu nceeci. Kolibamba kutugwasya kumunzi. 4Mpawo mwami wakabaambila kuti, Kufumbwa cintu cibota kumeso aanu njoocicita. Nkabela mwami wakaima kubbazu lyamulyango, abantu boonse bakali kwiinda myaanda myaanda azyuulu zyuulu.
5Lino mwami wakalailila Joabu a-Abisai a-Itai kuti, Amucitile mulombe Abisalomu cabuuya. Nkabela bantu boonse bakamvwa aya makani mwami ngaakalailila basilutwe boonse aa-Abisalomu. 6#Jos 17:15,18Elyo bantu bakainka musokwe kuyooswanana aba-Israyeli, nkabela inkondo yakalwigwa mulusaka lwaEfraimu. 7#Tus 11:21Lino bantu ba-Israyeli bakazundwa kumaanza aabalanda baDavida, nkabela obo buzuba kakuli bujayi bupati bwabantu bali zyuulu zili makumi obile. 8Lino inkondo yakali kuya bumwaika anyika yoonse, alimwi lusaka ndulwakali kulya bantu banji kwiinda bantu ibakajayigwa apanga obo buzuba. 9#2 Sam 14:26; 17:23; Job 18:5-14; Mt 27:5; 1 Kor 11:14Mpawo Abisalomu wakaswanana abalanda baDavida, Kalitantide ambongolo, elyo imbongolo yakainda kunsi lyamitabi iivovwede yamusamu mupati, nkabela isusu lyakwe lyakajatwa omo mumusamu, aboobo wakasyaala kazumuka akatikati kajulu anyika, ambongolo njaakatantide yakaindilila.
10Elyo umwi muntu wakamubona, waakulwiida Joabu makani. Wakati, Ncobeni ndabona Abisalomu ulazumuka mumusamu. 11Mpawo Joabu wakaambila oyo muntu iwakamulwiida makani kuti, Ma! Na wamubona, ino nkaambonzi nowatamuuma akumuwisya ansi mpoonya awo? Nowacita obo nongakupa mali aatuba aali ikumi alutambo. 12Lino oyo muntu wakaambila Joabu kuti, Nowabika mumaanza aangu mali aali cuulu, nsikonzyi kutandabika ijanza lyangu cakujaya mwana wamwami, nkaambo mwami wakamulailila, uwe a-Abisai a-Itai, mumatwi esu, wakati, Kutabi muntu uubi sizya mulombe pe. 13Nondamucitila cakweena akumujaya, ncobeni taakwe cintu cisisidwe kumeso aamwami, nkabela uwe omwini nowanduumunina buyo.
14Mpawo Joabu wakati, Nsikonzyi kusowa ciindi kukwaambaula and uwe pe, Elyo wakabweza mivwi yotatwe akwiinjizya mumoyo wa-Abisalomu naakacili muumi mukati kamusamu. 15Nkabela balombe bali ikumi basikuyumuna zilwisyo zya-Joabu bakamuzyungulusya Abisalomu akumuuma akumujaya.
16Mpawo Joabu wakalizya mweembo, nkabela bantu boonse bakaleka kutobela ba-Israyeli, nkaambo Joabu wakabakasya. 17#Jos 7:26; 8:29; Jer 22:18,19; Malo 3:53Lino wakabweza Abisalomu akumusowa mucilindi cipati camulusaka, wakamulundikila mulwi mupati loko wamabwe, elyo bantu boonse bakacija kumaanda aabo.
18 #
Matl 14:17; 2 Sam 14:27; Job 13:12; 18:17,19; Int 34:16; 109:13; Tus 2:22; Int 49:11 Lino Abisalomu ciindi ncaakacili muumi wakayakide ciibalusyo mumumpata wamwami, nkaambo wakati, Nsijisi mwana wakwiibalusya izina lyangu, Eco ciibalusyo wakacibanda mbuli izina lyakwe, aboobo cicaambwa asunu kuti nciibalusyo ca-Abisalomu.
19 #
2 Sam 15:36; 17:17 Elyo Ahimaazi mwana wa-Zadoki wakati, Nzuzaane kuyootolela mwami aya makani aakuti Jehova wamukoyekela basinkondonyina. 20Pele joabu wakamwaambila kuti, Pe, toelede kutola makani sunu, ulatola buzuba bumbi, Tokonzyi kutola makani buzuba obuno, nkaambo kakuti mwana wamwami wafwa. 21Mpawo Joabu wakaambila mu-Kusi kuti, Koya uwe ukaambile mwami nciwabona, Elyo oyo mu-Kisi wakakotamina Joabu, wakainka bucijaana. 22Lino Ahimaazi mwana wa-Zadoki wakabuzya Joabu alwabili kuti, Taakwe makani. Nzuzaane ambebo kutobela mu-Kusi, joabu wakavuwa kuti, Ino nkaambonzi noyanda kuya, mwanaangu? Tojisi makani aakonzya kukujanina bulumbu. 23Wakati, Taakwe makani, njanda kuya, Wakati, Mbubo, koya. Mpawo Ahimaazi wakatola inzila yakunkanda, wakamweenzya mu-Kusi.
Davida mbwaakalila Abisalomu
24 #
1 Sam 1:9; 4:13; 2 Sam 13:34; 2 Bam 9:17; Is 31:6-9 Lino Davida kakede akati kamilyango yobile, elyo sikulanga wakatanta kulululi lwamulyango lwakubwaanda, nkabela naakalyalala wakabona muntu ulazuzaana alike. 25Mpawo sikulanga wakoonzomoka akulwiida mwami, Mwami wakati, Na uli alike oku nkukwaamba kuti ulaleta makani. Elyo wakeza buswena afwiifwi. 26Mpawo sikulanga wakabona muntu wabili ulazuzaana, wakoonzomokela simulyango kuti, Ndabona muntu ulazuzaana alike. Mwami wakati, Alakwe ulaleta makani, 27#1 Bam 1:42Lino sikulanga wakati, Ndabona kuzuzaana kwamuntu mutaanzi mbukubede. Kuli mbuli kuzuzaana kwa-Ahimaazi mwana wa-Zadoki, Mpawo mwami wakati, Muntu mubotu oyo. Ulaleta makani mabotu,
28Mpoonya awo Ahimaazi wakoonzomokela mwami, akumujuzya. Lino wakakotamina ansi kubusyu bwamwami, wakati, Alumbwe Jehova Leza wako, nkaambo abo bantu ibatambika maanza aabo kumwami simalelaangu wabaaba. 29Elyo mwami wakabuzya kuti, Mulombe Abisalomu uli kabotu na? Ahimaazi wakavuwa kuti, Ciindi eco Joabu naakandituma ndemulanda wako, ndakabona lupyopyongano lupati, pele nsizi na cakaba anzi. 30Mwami wakati, Mbubo, ima awo, Elyo wakaima mpoonya.
31 #
Int 27:2; 55:18 Lino wakasika mu-Ku si, wakati, Ndijisi makani, O mwami simalelaangu, nkaambo buzuba obuno Jehova wabeteka makani aako kubantu abo ibakakubisizya. 32Elyo mwami wakabuzya mu-Kusi kuti, Mulombe Abisalomu uli kabotu na? Mu-Kusi wakati, Boonse basinkondonyina mwami simalelaangu abantu boonse balisumpula kukukubisizya, babe mbubonya mbwaabede oyo mulombe. 33#2 Sam 19:4; Tus 10:1; 19:13Mpawo mwami wakakankama, wakatanta kuŋanda yakujulu kumulyango, wakaya bulila, nkabela mbuboobo mbwaakaamba naakali kuya, wakati, Maawe mwanaangu Abisalomu! Mwanaangu! Abisalomu! Nindakafwa ndemwini mucibaka cako! Abisalomu mwanaangu! Mwanaangu!
Currently Selected:
2 Samuele 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
