2 Samuele 17
17
1Lino Ahitofeli wakaambila Abisalomu kuti, Nsale bantu bali zyuulu zili ikumi azibili, nyamuke kuyootobela Davida masiku, 2#Dt 25:18; 2 Sam 16:14; 1 Bam 22:31; Joh 11:50; Zek 13:7; Mt 21:38elyo ndakonzya kusika nkwaabede ciindi ncakataala akulyokezya, njoomuyoosya, aboobo bantu boonse mbaali abo bayoocija. Nkabela mwami alike ngunti kaume, 3#Jer 6:14elyo bantu boonse njoobaboozya kulinduwe mbubonya mbuli sikubwinga mbwaboola kumulumaakwe. Kojaya buyo muntu omwe, elyo bantu boonse bayookala caluumuno. 4Nkabela aya majwi akabota mumeso aa-Abisalomu amumeso aabapati boonse ba-Israyeli.
5Mpawo Abisalomu wakati, Amwiite Husai mu-Ariki, kuti tumuswiilile alakwe mbwaamba. 6Elyo Husai naakasika kuli-Abisalomu, Abisalomu wakamwaambila kuti, Mbuboobu mbwaamba Ahitofeli. Sa tucite mbwaamba? Na uwe wayeeya buti? 7Nkabela Husai wakaambila Abisalomu kuti, Lulungunwido ndwaalungununa Ahitofeli taluli lubotu kuciindi ecino pe. 8#Bab 18:25; Hos 13:8Husai wakati, Ulizi uso mbwabede abantu bakwe mbubabede, nkaambo mbaalumi basintaze, alimwi myoyo yabo ililulide mbuli moyo wasuntwe naanyanzigwa bana musokwe. Alimwi uso muntu wankondo, takooyoona akati kabantu pe. 9Ciindi ecino uliyubide mumwi mudindi nanka mubusena bumwi, lino basaanguna buyo kuwa bamwi bantu, kufumbwa muntu uuswiilila ulaamba kuti, Kuli kujayigwa akati kabantu batobela Abisalomu. 10Mpawo oyo uuswiilila, nekuba kuti ngumwaalumi sintaze uuli amoyo mbuli moyo wamulavu, moyo wakwe ulayaaya, nkaambo ba-Israyeli boonse balizi kuti uso ngumulwani, abalo bantu mbaali abo mbaalumi basintaze. 11#Matl 22:17Nkaambo kako ndakulungunwida kuti uleelede kuyobolola ba-Israyeli boonse kuzwa ku-Dani kusikila ku-Beereseba, bantu banji loko mbuli muse wakunkomwe yalwizi, alimwi uleelede kuya kunkondo omwini akati kabo. 12Aboobo tuyoomujana kufumbwa nkwabede, tuyoomuzida mbuli mume mbuuwida ansi, elyo takukooyoosyaala muntu naba omwe akati kabantu boonse mbaali abo. 13Nkabela na wanjila mumwi mumunzi, elyo ba-Israyeli boonse baleelede kuleta intambo kumunzi oyo, kuti tuukwele kumulonga, kutasyaali mulinguwo kabwe nikaba komwe.
14 #
2 Sam 15:31,34; Int 9:15 Mpawo Abisalomu abantu boonse ba-Israyeli bakati, Lulungunwido lwa-Husai mu-Ariki ndubotu kwiinda lulungunwido lwa-Ahitofeli. Nkaambo aya makani akazwa kuli-Jehova, ngonguwe wakazunda lulungunwido lubotu lwa-Ahitofeli kuti aletele Abisalomu bubi. 15Lino Husai wakaambila Zadoki a-Abiyatara bapaizi kuti, Ahitofeli wakalungunwida Abisalomu abapati ba-Israyeli obo, pele mebo ndakabalungunwida obo. 16Lino amufwambaane kutuma kuyooambila Davida kuti, Utaoni sunu kucito cakunkanda, pe, kozubuka buyo, kuti batamenwi mwami abantu boonse mbaali abo.
17 #
2 Sam 15:27,36; Jos 2:4; 15:7; 1 Bam 1:9 Lino Jonatani a-Ahimaazi bakali kukala ku-Enirogeli, nkabela musimbi wakali kubatolela makani, aboobo bakali kuya kuyooambila mwami Davida, nkaambo bakayoowa kubonwa kumunzi. 18#2 Sam 3:16; 16:5Pele umwi mulombe wakababona, wakaakulwiida Abisalomu. Lino bakeenda lubilo boonse bobile, bakasika kuŋanda yamuntu umwi waku-Bahurimu. Oyo muntu kali acikala mulubuwa lwakwe, elyo bakaseluka omo mucikala. 19#Jos 2:6Nkabela mwanakazi wakabweza cisani akucivumbya amulomo wacikala akuyanika maila mpoonya awo, pele katakwe cintu cakazibwa. 20#Kul 1:19; Jos 2:4; 1 Sam 19:14-17; 21:2Mpawo balanda ba-Abisalomu nibakasika kumwanakazi kuŋanda, bakabuzya kuti, Bali kuli ba-Ahimaazi a-Jonatani? Mwanakazi wakati, Bazubuka kale mutala amulonga. Elyo bakaya bubalangaula, pele teebakabajana pe, aboobo bakapiluka ku-Jerusalemu.
21Lino bainke buyo, bakazwa mucikala mubakabede, baakulwiida mwami Davida. Bakaambila Davida kuti, Amunyamuke, mufwambaane kuzubuka mutala amulonga, nkaambo mbuboobu Ahitofeli mbwaakalungununa aandinywe. 22Mpawo Davida wakanyamuka abantu boonse mbaakali abo, bakazubuka Jordano, nkabela nibwakaca katakwe muntu naba omwe iwatakalina kuzubuka Jordano. 23#2 Sam 15:12; 2 Bam 20:1; 1 Sam 31:4,5; Int 55:23; Job 31:3; Mt 27:5Nkabela Ahitofeli naakabona kuti lulungunwido lwakwe taluswiilidwe, wakabamba imbongolo yakwe, wakanyamuka, wakaya kuŋanda yakwe kumunzi, nkabela naakamana kubamba makani aakwe, wakalisina. Mbuboobo mbwaakafwa, nkabela wakazikwa kumavwiko aawisi.
Abisalomu mbwaakazubuka mulonga
24 #
Matl 32:2; Jos 13:26; 2 Sam 2:8 Lino Davida wakasika ku-Mahanaimu, alakwe Abisalomu wakazubuka Jordano, abantu boonse ba-Israyeli mbaakali abo. 25Nkabela Abisalomu wakabika Amasa mucibaka ca-Joabu mbuli silutwe wampi. Oyu Amasa kali-mwana wamuntu umwi mu-Israyeli, izina lyakwe kali Itra, kaswanene a-Abigayeli mwana musimbi wa-Nahasi mucizi wa-Zeruya banyina Joabu. 26Elyo ba-Israyeli aba-Abisalomu boonse bakayaka zilao mucisi ca-Gileadi,
Davida mbwaakasamausigwa ku-Gileadi
27 #
1 Sam 11:1; 2 Sam 10:1; 12:30; Ezr 2:61; 2 Sam 9:4; 19:31,32; 1 Bam 2:7 Mpawo Davida naakasika ku-Mahanaimu, kwakeza Sobi mwana waNahasi waku-Raba munzi waba-Amoni, a-Makiri mwana wa-Amiyeli waku-Lodebara, a-Barizilai mu-Gileadi waku-Rogelimu. 28#1 Sam 25:18; Tus 11:25; Mt 5:7Aba bantu bakaleta malo, ambede, azibiya zyabulongo, abulotwe, abbaale, abusu, amisozya, anyangu, anyemu, abuntele, 29#Dt 15:7; Bab 8:4-6; Int 34:8-10; Tus 21:26; Muk 11:1; Is 58:7-12; Lk 6:30-36; Rom 12:13abuci, amaumba, ambelele, amafuta aaŋombe, akuzileta zyoonse kuli-Davida zyakusanina bantu mbaakali abo, nkaambo bakati, Bantu bafwa inzala akukataala akufwa nyotwa musokwe mubabede.
Currently Selected:
2 Samuele 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
