2 Samuele 16
16
Davida mbwaakaswanana a-Ziba
1 #
2 Sam 9:9-10; 15:30; 9:2 Lino Davida naakainda kunembo buniini kuzwa amutwe wacilundu, wakaswanaana a-Ziba mulanda wa-Mefibosete uleza ambongolo zyobile zyaangidwe ziyumwide zinkwa zili myaanda yobile amitunge yamisaansa iiyanikidwe iili mwaanda azibunge zyamicelo zili mwaanda ankomo yawaini. 2#Bab 5:10; 10:4; 2 Sam 15:1; 19:26; 1 Sam 25:27; 2 Sam 15:23; 17:29; Tus 31:6; Int 104:15; 1 Tim 5:23Mpawo mwami wakabuzya Ziba kuti, Ino ezi zintu zili amulimonzi? Nkabela Ziba wakavuwa kuti, Imbongolo nzyakutanta basiŋanda bamwami, azinkwa amicelo nzyakulya balombe, awaini ngwakunywa abo bakateede munkanda. 3#2 Sam 19:26-27Elyo mwami wakabuzya kuti, Ino uli kuli mwana wasimalelaako? Nkabela Ziba wakaambila mwami kuti, Ncobeni ulikede mu-Jerusalemu, nkaambo wati, Sunu luzubo lwa-Israyeli lulandiboozezya bwami bwataata. 4#2 Sam 14:10,11; Tus 18:13Mpawo mwami wakaambila Ziba kuti, Bona! Zintu zyoonse zya-Mefibosete zyaba zyako, Nkabela Ziba wakati, Twakabomba! Nkajane luzyalo kumeso aamwami simalelaangu.
Simeyi mbwaakatuka Davida
5 #
2 Sam 19:16; 1 Bam 2:8 Lino mwami Davida naakasika ku-Bahurimu, kwakazwa oko umwi muntu waluzubo lwa-Saulo, izina lyakwe kali Simeyi mwana wa-Gera, uleza butuka. 6Nkabela wakafusa Davida mabwe, abalanda bakwe boonse abantu boonse abasilumamba mbaakali abo kululyo akulumwensi. 7Mbuboobo mbwaakaamba Simeyi mukutuka kwakwe, Wakati, Zwa! Zwa! Uwe ootila bulowa! Uwe omwana wa-Saatani. 8#Bab 9:24; 1 Bam 2:32,33; Ciy 16:6; 2 Sam 1:16; 3:28,29; 4:11,12Jehova wakubweedezezya mulandu wabulowa boonse bwaluzubo lwa-Saulo nguwakanyanzya bwami bwakwe. Jehova waaba bwami mumaanza aamwanaako Abisalomu. Sunu wasikilwa mapenzi, nkaambo uli sibulowa. 9#Kul 22:28Mpawo Abisai mwana wa-Zeruya wakaambila mwami kuti, Sa oyu mubwa uufwide ulakonzya kuzumizigwa kutuka mwami simalelaangu? Njiinke kuyoomugonka mutwe. 10#2 Sam 3:39; 19:22; 1 Pet 2:23; 2 Bam 18:25; Malo 3:38; Rom 9:20Pele mwami wakati, Ino ndijisi makaninzi anywebo nubana ba-Zeruya? Na watuka, alimwi na Jehova nguwakamwaambila kuti, Kotuka Davida, sa kuli muntu naba omwe uukonzya kumwaambila kuti, Ino nkaambonzi nocita obo? 11Alimwi Davida wakaambila Abisai abalanda bakwe kuti, Amubone! Mwanaangu iwakazwa mubula bwangu ndemwini uli mukuyandaula buumi bwangu. Lino oyu mwana wa-Benjamini sa takooinda kucita obo na? Amumuleke, atuke, nkaambo Jehova nguwakamulailila. 12#Matl 29:32; 1 Sam 1:11; Int 25:18; 37:7; Jer 24:5-7; Malo 3:22-26; Mt 5:11,12; Rom 8:28; 2 Kor 4:17Ambweni Jehova ulabona mafwabi aangu akundiboozezya coolwe mubusena bwamatusi aakwe ngaandituka sunu. 13Elyo Davida abantu bakwe kabaceenda munzila, nkabela Simeyi keenda mbubonya kumunkuni wacilundu, kaya butuka akufusa mabwe akuliyila lusuko. 14Lino mwami abantu boonse mbaakali abo bakasika cakukataala ku-Jordano, bakalyokezya nkuko.
Abisalomu mbwaakalungunwidwa a-Ahitofeli a-Husai
15Lino Abisalomu abantu boonse ba-Israyeli bakasika ku-Jerusalemu, alakwe Ahitofeli kaliko. 16Nkabela Husai mu-Ariki mweenzinyina Davida, naakasika kuli-Abisalomu, wakamwaambila kuti, Apone mwami! Apone mwami! 17#2 Sam 15:32,37; 19:25; Tus 17:17Elyo Abisalomu wakaambila Husai kuti, Sa mbuboobu mbofwida mweenzinyoko luzyalo? Nkaambonzi tona kwiinka amweenzinyoko? 18Lino Husai wakavwiila Abisalomu kuti, Pe, nkaambo oyo ngwasala Jehova angubasala aba bantu abantu boonse ba-Israyeli, ambebo ndeelede kuba wakwe akukala awe. 19#1 Sam 28:2; 2 Sam 15:34Alimwi, nguni ngunjeelede kumanina milimo? Sa tacili cibotu kuti nkamanine mwanaakwe milimo? Mbuli mbundakabeleka kulibauso, nkacite mbubonya kulinduwe.
20 #
Kul 1:10; Int 2:2; 37:12-15; Tus 21:30; Mt 27:1 Lino Abisalomu wakaambila Ahitofeli kuti, Amutulungunwide. Tucite buti? 21#Matl 35:22; 2 Sam 12:11; 15:16; Matl 34:30; 1 Sam 13:4; 2 Sam 2:7; Zek 8:13; Lev 18:8; 20:11; Dt 22:30; 27:20; Tus 28:7; Is 3:9; Mik 7:3,6Nkabela Ahitofeli wakaambila Abisalomu kuti, Koswanaana abasimamambe bauso mbaakasia kuti balindile iŋanda, elyo ba-Israyeli boonse balamvwa kuti bauso bakusesemwa, aboobo maanza aabo boonse mboli abo alayumizigwa. 22#2 Sam 12:11-12Mpawo bakabambila Abisalomu itente atala alululi, nkabela wakaswanaana abasimamambe bawisi mumeso aaba-Israyeli boonse. 23#2 Sam 15:12Lino lulungunwido lwa-Ahitofeli ndwaakalungununa mumazuba alya akayeeyegwa mbuli majwi aa-Leza. Mbuboobu mbulwakabede lulungunwido lwakwe loonse, nikuba kuli-Davida nikuba kuli-Abisalomu.
Currently Selected:
2 Samuele 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
