2 Samuele 15
15
Abisalomu mbwaakazangila Davida
1 #
2 Sam 12:11; 1 Bam 1:5; Tus 11:2; 16:18 Lino musule lyayaaya Abisalomu wakalibambila iŋola ambizi abantu bali makumi osanwe bakuzuzaana kunembo lyakwe. 2#Tus 1:16Nkabela Abisalomu wakali kufuma kubuka, akwiima kumbali anzila iiya kumulyango, elyo kufumbwa muntu iwakajisi makani aakuleta kunkuta kumwami, Abisalomu wakamwiita akumubuzya kuti, Ino uzwa kumunzinzi uwe? Lino oyo muntu wakavuwa kuti, Ime ndemulanda wako ndazwa kumukowa oyo wa-Israyeli. 3#Tus 12:2Nkabela Abisalomu wakamwaambila kuti, Bona! Makani aako mabotu, aliluleme, pele taakwe muntu ngwaabika mwami uukonzya kukuswiilila. 4#Bab 9:29Mpawo Abisalomu wakati, No cakali cibotu bwami nobwakali mumaanza aangu, elyo muntu woonse uuli amakani aakubeteka naakasika kulindime nondakakonzya kumubetekela cakululama. 5#Int 12:2Lino muntu naakaswena afwiifwi kuzoomukotamina, wakali kutandabika ijanza lyakwe akumujata akumumyonta. 6#Rom 16:18Mbubonya obo Abisalomu mbwaakali kucitila boonse bantu ibakasika kumwami kuzoobetekwa, aboobo Abisalomu wakabba myoyo yabantu ba-Israyeli.
7 #
2 Sam 2:1
Lino nikwakamana myaaka yone, Abisalomu wakaambila mwami kuti, Njiinke kuyoocitila Jehova cikonkezyo cangu ncindakamukonkezya muHebroni. 8#1 Sam 16:2; Matl 28:20; 1 Sam 1:11; Int 56:12; 2 Sam 13:38; 14:23,32Nkaambo ndemulanda wako ndakakonkezya cikonkezyo ciindi eco ncindakakede ku-Gesuri mucisi ca-Aramu, Ndakati, Na Jehova ulandiboozya ku-Jerusalemu, elyo njoomanina Jehova milimo. 9Nkabela mwami wakamwaambila kuti, Koya caluumuno. Mpawo wakanyamuka, wakaya ku-Hebroni,
10Lino Abisalomu wakatuma batumwa mumikowa yoonse ya-Israyeli, wakati, Kufumbwa ciindi ncimuyoomvwa mweembo kulila, amwaambe kuti, Abisalomu waba mwami mu-Hebroni. 11#1 Sam 9:13; 16:3,5; Matl 20:5; Tus 14:15; Mt 10:16; Rom 16:18,19Nkabela Abisalomu wakeenda abantu bali myaanda yobile kuzwa ku-Jerusalemu. Aba bantu bakalitambidwe, bakaya camoyo uululeme, teebakazi makani pe. 12#Int 41:9; 55:12; Mik 7:5,6; Jos 15:51; Int 3:1Elyo Davida wakatuma kuyooita Ahitofeli mu-Giloni, sinkuta wa-Davida, kumunzi wakwe ku-Gilo, naakali kupaila zipaizyo, Nkabela oku kuzangila kwakakomena, nkaambo bantu Abisalomu mbaakali abo bakali kuya buvula.
13 #
Bab 9:3
Lino kwakasika kuli-Davida muntu sikuleta makani, wakati, Myoyo yabantu ba-Israyeli ili kuli-Abisalomu. 14#2 Sam 19:9Mpawo Davida wakaambila balanda bakwe boonse mbaakali abo mu-Jerusalemu kuti, Amubuke, tucije, nkaambo twatacija tatukooyookonzya kuloboka kumaanza aa-Abisalomu. Amufwambaane kunyamuka, kuti atafwambaani kutweenzya akutuletela bubi akusaala munzi apanga. 15Elyo balanda bamwami bakamwaambila kuti, Kufumbwa zintu mwami simalelo esu nzyati sale, tulazicita nzizyonya. 16#2 Sam 12:11; 16:21; 20:3Mpawo mwami wakainka abasiŋanda bakwe boonse baleenda amaulu. Nkabela mwami wakasia banakazi basimamambe bali ikumi kuti balindile iŋanda. 17Lino mwami wakainka, abantu boonse bakamutobela, nkabela bakaima kuŋanda iili kule. 18#2 Sam 8:18Elyo balanda bakwe boonse bakali kwiinda kubbazu limwi, aba-Kereti aba-Peleti aboonse ba-Giti, bantu bali myaanda iili musanu aumwi ibakamutobela kuzwa ku-Gati, bakali kwiinda kubusyu bwamwami.
19 #
2 Sam 18:2
Mpawo mwami wakaambila Itai mu-Giti kuti, Nkaambonzi ayebo noli aswe? Kobweeda kuyookala amwami, nkaambo uli mweenzu mutande. Kobweeda kulinduwe. 20#1 Sam 23:13Wakasika jilo buyo, Sa sunu ndakonzya kukucita kuti twiinke ayebo ciindi ecino ncindi mukweendeenda kufumbwa nkunja? Kobweeda akubweedezya abalo bananyokwe, Luzyalo alusinizyo lube ayebo. 21#Rut 1:16; 1 Sam 20:3; 2 Bam 2:2-6; Tus 17:17Pele Itai wakavwiila mwami kuti, Ncobeni Jehova mbwali muumi, amwami simalelaangu mbali muumi, kufumbwa nkwaabede mwami simalelaangu, nimuba mulufu nimuba mubuumi, nkukonya oko nkunjooba ndemulanda wako ambebo. 22Elyo Davida wakaambila Itai kuti, Mbubo, koya kunembo. Lino Itai mu-Giti wakainda kunembo abantu bakwe boonse abanikenike mbaakali abo. 23#1 Bam 2:37; 2 Mak 30:14; Joh 18:1; 2 Sam 16:2; Mt 3:1-3Nkabela cisi coonse cakali kulila, abantu boonse bakali kwiinda kunembo, elyo mwami alakwe wakazubuka kalonga ka-Kedroni, abantu boonse bakainda munzila iiya kunkanda. 24#My 4:15Lino Zadoki wakeza alakwe aboonse ba-Levi, balayumuna ibbokesi lyacizuminano ca-Leza, elyo bakatula ibbokesi lya-Leza, nkabela Abiyatara wakatanta kujulu, mane bantu boonse bamana kwiindilila kuzwa kumunzi.
25 #
Int 43:3; 2 Sam 6:17 Mpawo mwami wakaambila Zadoki kuti, Bweedezya ibbokesi lya-Leza kumunzi. Na ndijene luzyalo kumeso aa-Jehova, elyo ulandiboozya kuzoobona ndilyo abukalo bwakwe. 26#My 14:8; 2 Sam 22:20; 1 Bam 10:9; 2 Mak 9:8; Is 62:4; 1 Sam 3:18Pele na waamba kuti, Nsikuyandi, elyo ulakonzya kundicitila kufumbwa cintu ncayanda. 27#2 Sam 24:11; 1 Sam 9:9Alimwi mwami wakaambila Zadoki mupaizi kuti, Sa toli musondi na? Bweeda kumunzi caluumuno antoomwe abana banu bobile, Ahimaazi mwana wako a-Jonatani mwana wa-Abiyatara. 28Bona! Njoolindila azito zyamusokwe mane nkasikilwe makani aazwa kulinduwe. 29Mpawo Zadoki a-Abiyatara bakabweedezya ibbokesi lya-Leza ku-Jerusalemu akukala nkuko.
30 #
Zek 14:4; Mt 21:1; Lk 19:20; Inc 1:12; Es 6:12; Is 20:2; Jer 14:3; Int 126:6; Mt 5:4; Rom 12:15 Lino Davida wakali kutanta cilundu ca-Elaioni, kuya bulila, kalivumbide kumutwe, alimwi keenda ama ulu buyo, Nkabela bantu boonse mbaakali abo abalo bakalivumba kumutwe akuya butanta balalila. 31#Int 3:1; 55:12; 2 Sam 16:23Elyo Davida wakaambilwa kuti, Ahitofeli alakwe ulagwasyanya a-Abisalomu mukuzangila kwakwe, Mpawo Davida wakati, O Jehova, kosandula lulungunwido lwaAhitofeli kuti lube lwabufubafuba. 32#2 Sam 1:2; 13:9Lino Davida naakasika kumutwe wacilundu, nkukonya oko nkubakali kukomba Leza, wakabona Husai muAriki uleza kuzoomucinga, zyakusama zyakwe zyakalideluukide, alimwi kali avu amutwe. 33#2 Sam 19:35Mpawo Davida wakamwaambila kuti, Na wandisindikila nkunja, ulandikataazya buyo, 34pele kuti kopiluka kumunzi akwaambila Abisalomu kuti, Mbe mulanda wako, O Mwami, nkakumanine milimo mbubonya mbundakali kumanina bauso milimo ciindi cakamana, elyo uyookonzya kundizundila lulungunwido lwa-Ahitofeli. 35Sa toli a-Zadoki a-Abiyatara bapaizi na? Lino kufumbwa makani ngoswiilila kuŋanda yamwami uleelede kwaambila Zadoki a-Abiyatara bapaizi. 36Nkaambo bana babo bobile mpobali, Ahimaazi mwana wa-Zadoki a-Jonatani mwana wa-Abiyatara, mbembabo mboelede kutuma kuzoondaambila makani oonse ngoswiilila. 37#2 Sam 16:15,16; 1 Mak 27:33; Tus 17:17Elyo Husai mweenzinyina Davida wakapiluka kumunzi, nkabela Abisalomu alakwe wakasika ku-Jerusalemu.
Currently Selected:
2 Samuele 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
