2 Samuele 13
13
Amnoni mbwaakabisisya mwananyina musimbi Tamara
1 #
2 Sam 3:2,3; 1 Mak 3:2,9 Lino musule lyayaaya Abisalomu mwana wa-Davida kajisi mucizr mwee be si, izina lyakwe kali Tamara. Nkabela Amnoni mwana wa-Davida kamuyandisya. 2Elyo Amnoni kapengede loko mumoyo wakwe, wakaciswa, nkaambo kamwananyina musimbi Tamara, nkaambo katakwetwe, pele wakayeeya kuti ndakacilwa kumucitila cintu. 3#1 Sam 16:9; 1 Mak 2:13Lino Amnoni kajisi muzolwani, izina lyakwe kali jonadabu mwana wa-Simeya mukulana wa-Davida. Oyu Jonadabu kali simaanu loko. 4#Is 3:9; Ezk 23:16Elyo wakamwaambila kuti, Ino webo nomwana wamwami, nkaambonzi nowaciswaciswa mazuba oonse? Sa toyandi kundaambila? Mpawo Amnoni wakamuvwiila kuti, Moyo wangu ulayandisya mucizi wa-Abisalomu mukulana wangu. 5Nkabela Jonadabu wakamwaambila kuti, Kolala abula bwako, ulyeenyenye kuciswa, elyo uso as ika kuzookubona, uleelede kumwaambila kuti, Aboole mucizi wangu Tamara kuzoondijikila insima, alimwi ajike eci cilyo mumeso aangu, kuti mbone akulisigwa kumaanza aakwe. 6#Matl 18:6Mpawo Amnoni wakalala, wakalyeenyenya kuciswa. Nkabela mwami naakasika kuzoomubona, Amnoni wakaambila mwami kuti, Aboole mucizi wangu Tamara kuzoondijikila zinkwa zyobile mumeso aangu, kuti nkalye mujanza lyakwe. 7Lino Davida wakatumina Tamara kuŋanda, wakati, Boola kuŋanda ya-Amnoni munyandumi wako, umukutaukile cilyo.
8Lino Tamara wakainka kuŋanda ya-Amnoni munyandumi wakwe naakalede, elyo wakabweza busu, wabukanda, wajika mumeso aakwe akukutauka zinkwa. 9#Matl 45:1; Bab 3:19; Joh 3:20Nkabela naakabweza cijikilo akupampula zilyo, wakakaka kulya, Elyo Amnoni wakati, Bantu boonse bazwe anze kulindime, Mpawo boonse bantu bakaya anze. 10Lino Amnoni wakaambila Tamara kuti, Leta insima omuno muŋanda yakoona, ndye mujanza lyako. Nkabela Tamara wakabweza zilyo nzyaakajika, akuzileta kuli-Amnoni munyandumi wakwe munanda yakoona. 11#Matl 39:12; Tus 7:13; Muk 7:26Lino naakaziswenya afwiifwi kuti alye, wakamujata akumwaambila kuti, Boola, tulale ayebo, O mucizi wangu. 12#Lev 18:9,11; 20:17; Matl 34:7; Bab 19:23; 20:6; Tus 7:7-23Wakati, Pe, munyandumi wangu, utandibisizyi, nkaambo cintu cili boobo cilatondwa mu-Israyeli, Utaciti cabufubafuba obu pe. 13#Matl 19:8; Lev 18:9,11; Bab 19:24Ime njootola kuli bweeme bwangu? Ayebo omwini uyooba mbuli umwi wabafubafuba bamuIsrayeli. Lino ambila mwami makani aya, nkaambo takooyookukasya kukwatana ambebo pe. 14#Lev 18:9; 20:17; Dt 22:25; 27:22; Bab 20:5; 2 Sam 12:11Pele wakakaka kuswiilila mbwaakaamba, wakamujata akumubisizya akulala awe. 15Elyo Amnoni wakamusula alusulo lupati loko, nkabela olo lusulo ndwaakamusuzya lwakainda luyando ndwaakasaanguna kumuyandisya, Mpawo Amnoni wakamwaambila kuti, Buka, koya. 16Wakati, Pe, nkaambo oku kubisya kwako kwakunditanda kulabiia akwiinda kubisya kutaanzi nkuwandibisizya. Pele wakakaka kumuswiilila. 17Lino wakaita mulombe wakwe iwakali kumukutaukila, wakati, Mutande oyu mwanakazi anze akukwida kumulyango.
18 #
Matl 37:3; Bab 5:30; Int 45:14 Nkabela Tamara kasamide cikobela camabala mabala, nkaambo boonse bana basimbi bamwami ibatakwetwe bakali kusama zikobela zili boobo. Lino mulombe sikukutauka naakamana kumutanda anze akumukwidila kumulyango, 19#Jos 7:6; 2 Sam 1:2; Job 2:12; 42:6; Jer 2:37Tamara wakabika bulongo amutwe wakwe, akudeluula cikobela camabala mabala ncaakasamide, elyo wakalijata kumakose akuya bweenda bulila. 20Lino Abisalomu munyandumi wakwe wakamubuzya kuti, Sa Amnoni munyandumi wako wali ayebo? Lino mucizi wangu, umuzya moyo wako, nkaambo munyandumi wako, Utakataazyi moyo kumakani aya, Elyo Tamara wakakala alike muŋanda ya-Abisalomu mukulana wakwe. 21Nkabela mwami Davida naakamvwa makani aya wakakalala loko. 22#Lev 19:17; Tus 10:18; 1 Joh 2:9,11; Ef 4:26,31Pele Abisalomu taakwe ncaakaambila Amnoni, niciba cibi niciba cibotu, nkaambo Abisalomu wakasula Amnoni nkaambo kakubisya nkwaakabisizya Tamara mucizi wakwe.
23 #
Matl 38:12; 1 Sam 25:4; 2 Bam 3:4; Jos 17:18; Bab 7:24 Lino niyakamana myaaka yobile, Abisalomu kajisi basikuyunda imbelele ku-Baalahazore kufwaafwi ku-Efraimu, nkabela Abisalomu wakatamba boonse bana bamwami. 24Mpawo Abisalomu wakasika kumwami, wakati, Langa! Ime ndemulanda wako ndijisi basikuyunda imbelele. Lino twiinke ayebo, O mwami, abalanda bako boonse. 25Pele mwami wakavwiila Abisalomu kuti, Pe, pe, mwanaangu, tutayi toonse, kuti tutakukataazyi, Elyo wakamusungilizya, nekubaboobo teewakazumina pe, wakamulumba buyo. 26Lino Abisalomu wakati, Sa tatukonzyi kwiinka a-Amnoni mwanama? Nkabela mwami wakamwaambila kuti, Nkaambonzi noyanda kwiinka awe? 27Pele Abisalomu wakamusungilizya, aboobo wakatuma awe Amnoni abana boonse bamwami.
28 #
Matl 9:21; 19:32-35; Bab 19:6; Rut 3:7; 1 Sam 25:36; Es 1:10; Int 104:15 Elyo Abisalomu wakalailila balombe bakwe kuti, Amuswiilile! Moyo wa-Amnoni notalika kukondwa kukunywa, ninti mwaambile kuti, Amuume Amnoni, elyo muleelede kumujaya. Mutayoowi pe. Sa teensi ndime ndamulailila? Lino amuliyumye, mube baalumi basintaze. 29Nkabela balombe ba-Abisalomu bakacitila Amnoni mbubonya mbuli Abisalomu mbwaakabalailila. Mpawo boonse bana bamwami bakanyamuka, bakatanta umwi aumwi ambongolo yakwe, akucija. 30Nkabela nibakacili kuza, Davida wakasikilwa impuwo yakuti, Abisalomu wajaya bana boonse bamwami, taakwe naba omwe wasyaala. 31#Matl 37:29,34; 2 Sam 1:11; 12:16Mpawo mwami wakabuka, wakadeluula zyakusama zyakwe, wakakala ansi, abalo balanda bakwe boonse bakaliimvwi azyakusama zideluukide. 32Pele Jonadabu mwana wa-Simeya mukulana wa-Davida wakavuwa kuti, Mwami wangu atayeeyi kuti boonse balombe bana bamwami bafwa, pe, nkaambo Amnoni alike nguwafwa, nkaambo aya makani akalikosokede kale mumoyo wa-Abisalomu kuzwa kubuzuba obo Amnoni naakabisizya mucizi wakwe Tamara. 33#2 Sam 19:19Lino mwami simalelaangu atalikataazyi mumoyo kumakani aya cakuyeeya kuti bana bamwami boonse bafwa, nkaambo Amnoni alike nguwafwa.
34Pele Abisalomu wakacija. Nkabela mulombe sikulanga naakasumpula meso aakwe wakabona bantu banji balaya bumutobela munzila yakubbazu lyacilundu. 35Mpawo jonadabu wakaambila mwami kuti, Bona! Baleza bana bamwami. Mbubonya mbundakaamba ndemulanda wako mbukabede. 36Elyo naakamana buyo kwaamba, bakasika bana bamwami, nkabela bakanyampula majwi aabo akulila, alakwe mwami abalanda bakwe boonse bakalila kulila kupati loko. 37#2 Sam 3:3; 1 Mak 3:2Lino Abisalomu wakacija, wakaya kuliTalimai mwana wa-Amihuri mwami waku-Gesuri, Nkabela Davida wakali kulila mwanaakwe mazuba oonse.
38 #
2 Sam 14:23; 15:8 Mbuboobo Abisalomu mbwaakacija ku-Gesuri, nkukonya nkwaakabede myaaka yotatwe. 39#Matl 38:12Elyo moyo wamwami Davida wakalisukeme kuya kuli-Abisalomu, nkaambo wakaumizigwa kale kumakani aa-Amnoni naakabona kuti wafwa.
Currently Selected:
2 Samuele 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
