2 Samuele 11
11
Davida mbwaakabisya a-Bateseba muka-Uriya
1 #
1 Mak 20:1
Lino kumatalikilo aamwaaka mupya, kuciindi bami ncibaya kuyoolwana, Davida wakatuma Joabu abalanda bakwe aba-Israyeli boonse, nkabela bakanyonyoona ba-Amoni akusinkinizya munzi wa-Raba. Pele Davida kakede ku-Jerusalemu.
2 #
Dt 22:8; Matl 34:2; Job 31:1; Int 119:37; Mt 5:28 Lino ciindi camangolezya, Davida naakabuka kuzwa abulo bwakwe, wakali kuya bweendeenda atala alululi lwaŋanda yamwami, Nkabela naakali alululi wakabona mwanakazi ulasamba, Oyu mwanakazi kali aciimo cibotu loko. 3#2 Sam 23:29Mpawo Davida wakatuma kuyoobuzya makani aamwanakazi oyo, nkabela wakaambilwa kuti, Sa teenguwe Bateseba mukaUriya mu-Hiti? 4#Kul 20:17; Lev 18:20; 20:10; Heb 13:4; Jak 1:14; Lev 15:19; 18:19Elyo Davida wakatuma batumwa kuyoomwiita, nkabela wakasika kulinguwe, wakalala awe, ciindi ncaakali kulisalazya kubusofwaazi bwakwe, elyo kusule wakabweeda kulinguwe.
5 #
Lev 20:10
Nicakaba ciindi mwanakazi wakaminta, elyo wakatuma kuyooambila Davida kuti, Ndaba ada. 6Mpawo Davida wakatumina Joabu, wakati, Nditumine Uriya mu-Hiti. Lino Joabu wakatuma Uriya kuli-Davida. 7Nkabela Uriya naakasika, Davida wakamubuzya kuti, Sa Joabu ulapona? Sa bantu boonse balapona? Sa inkondo ileenda kabotu? 8#Int 44:21; 55:21; Matl 18:4; 19:2Elyo Davida wakaambila Uriya kuti, Koya kuŋanda yako, ukasambe kumaulu, Mpawo Uriya wakazwa muŋanda yamwami, nkabela kwakamutobela nyama yacilumbyo iizwa kumwami. 9#Job 5:12-14Pele Uriya wakoona kumulyango waŋanda yamwami antoomwe abalanda boonse basimalelaakwe, teewakainka kuŋanda yakwe pe.
10Lino Davida naakaambilwa kuti Uriya tana kwiinka kuŋanda yakwe, Davida wakaambila Uriya kuti, Sa tona kuzwa mulweendo na? Nkaambonzi nowatainka kuŋanda yako? 11#2 Sam 7:2,6; 1 Sam 4:4; 2 Sam 20:6; Mt 10:25; 2 Tim 2:3Mpawo Uriya wakavwiila Davida kuti, Ibbokesi lya-Leza aba-Israyeli aba-Juda boonse balikede muzilao, alakwe Joabu abalanda basimalelaangu boonse baloona musokwe, Lino mebo sa ndakonzya kuya kuŋanda yangu kuyoolya akunywa akulala amukangu? Mboli muumi, am buli moyo wako mbuuli muumi, ncobeni nsikonzyi kucita obo pe. 12#Job 20:12-14; Jer 2:22,23,37Mpawo Davida wakaambila Uriya kuti, Kala okuno asunu, elyo junza njookutuma. Aboobo Uriya wakakala mu-Jerusalemu buzuba obo abuzuba ibwakeza. 13#Matl 9:21,22; 19:33,35; Kul 32:21; 1 Bam 20:16-21; Tus 20:1; 23:29-35; Hos 4:11; Gal 5:21Nkabela Davida wakamwiita kuzoolya kulinguwe akunywa akumukozya, elyo ciindi camasiku Uriya wakaakoona abulo nkubakalede balanda basimalelaakwe, pele teewakainka kuŋanda yakwe pe.
14 #
1 Bam 21:8; Int 19:13; 62:9; Muk 8:11; Jer 9:1-4; 17:9; Mik 7:3-5 Lino nibwakaca Davida wakalemba lugwalo kuli-Joabu akulutumizya a-Uriya. 15#2 Sam 12:9Nkabela mulugwalo olo wakalemba kuti, Amubike Uriya mumundando mutaanzi wamunkondo inkali, elyo amumusie nkukonya, kuti ayaswe akufwa. 16Lino Joabu naakali kulanga munzi, wakabika Uriya nkukonya oko nkwaakezi kuti nkukuli baalumi basinguzu. 17Mpawo bantu bamumunzi bakazwa kuzoolwana a-Joabu, nkabela bamwi balanda baDavida bakajayigwa, alakwe Uriya mu-Hiti wakafwa,
18Lino Joabu wakatuma kuyooambila Davida makani oonse aankondo. 19Nkabela wakalailila mutumwa kuti, Wamana buyo kwaambila mwami makani oonse aankondo, 20ambweni bukali bwamwami bulabuka, Ambweni uyookubuzya kuti, Ino nkaambonzi nomwakaswena afwiifwi amunzi ciindi cakulwa? Sa teemwazi kuti bayoofusa mivwi kuzwa kubulambo? 21#Bab 9:53; 2 Sam 20:21; Job 31:3Ngwani wakajaya Abimeleki mwana wa-Jerubeseti? Sa tamuzi kuti umwi mwanakazi nguwakamujaya ku-Tabezi naakamuwaala mwanankango kuzwa kubulambo? Nkaambonzi nomwakaswena afwiifwi abulambo? Elyo uleelede kwaamba kuti, Mulanda wako Uriya mu-Hiti alakwe wafwa.
22Lino oyo mutumwa wakainka, wakaakwaambila Davida aya makani oonse ngaakamutuminwa kuli-Joabu. 23Mutumwa wakaambila Davida kuti, Bantu bakali anguzu kwiinda ndiswe, aboobo bakasika nkukonya nkutwakabede kusokwe, nkabela twakabatanda mane kusikila kumanjililo aamulyango. 24Mpawo basibuta bakatufusa mivwi iswe tubalanda bako kuzwa kubulambo, aboobo bamwi babalanda bamwami bafwa, alakwe mulanda wako Uriya mu-Hiti wafwa.
25Nkabela Davida wakaambila mutumwa kuti, Mbuboobu mboelede kwaambila Joabu. Amba kuti, Aya makani atakubijili, pe, nkaambo taakwe muntu naba omwe uutajayiki kupanga. Amulwane alimwi canguzu kumunzi, kuti muunyonyoone. Koyumya moyo wakwe obo. 26Mpawo mukaUriya naakamvwa kuti Uriya mulumaakwe wafwa, wakalila mulumaakwe. 27#2 Sam 12:9; Job 10:14; 11:11; Int 5:4; 45:7; Tus 15:9; Hab 1:13Pele nicakamana ciindi cakwe cakulila, Davida wakamutumina akumuleta kuŋanda yakwe, nkabela wakaba mukakwe, elyo wakamuzyalila mwana, Pele eci cintu ncaakacita Davida cakabija loko mumeso aa-Jehova.
Currently Selected:
2 Samuele 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
