2 Samuele 10
10
Ba-Israyeli mbubakalwana aba-Amoni aba-Aramu
1 #
1 Sam 11:1; 2 Sam 17:27; 1 Mak 19:1 Lino nicakaba ciindi wakafwa mwami waba-Amoni, elyo Hanuni mwana wakwe wakalya izina lyakwe. 2Mpawo Davida wakati, Hanuni mwana wa-Nahasi njoomucitila cabuuya, mbubonya mbuli wisi mbwaakandicitila cabuuya ambebo, Aboobo Davida wakatuma balanda bakwe kuyooumuzya moyo wakwe nkaambo kawisi. Lino balanda baDavida bakasika kucisi caba-Amoni. 3Pele bapati baba-Amoni bakaambila Hanuni mwami wabo kuti, Sa ulayeeya kuti nkaambo kakulemeka bauso Davida ncaakutumina basikukuumuzya? Sa Davida tabatumide aba balanda bakwe kuti bazoolange-lange munzi akubona mbuubede, kuti bausaale? 4#Is 3:17; 20:4; Jer 13:22,26; Ezk 16:37; Mik 1:11; Nah 3:5Mpawo Hanuni wakabweza balanda ba-Davida akubanyoola cisela comwe cacilezu, alimwi wakabakosweda zikobela zyabo muzibunu, elyo wakabatanda, 5Lino Davida naakaambilwa aya makani, wakatuma kuyoobacinga, nkaambo bantu bakafwa bweeme loko. Elyo mwami wakati, Kamulindila ku-Jeriko mane zilezu zyanu zikamene, elyo mulaboola,
6 #
Matl 34:30; Kul 5:21; 1 Sam 13:4; 2 Sam 8:3,5 Lino ba-Amoni nibakabona kuti Davida wabasesemwa, bakatuma kuyootamba basilumamba baba-Aramu baku-Betirehobu aba-Aramu baku-Zeba, kabali basikweenda amaulu bali zyuulu zili makumi obile, abantu bali cuulu bamwami wa-Maaka, abantu bali zyuulu zili ikumi azibili baku-Tobu. 7#2 Sam 23:8Elyo Davida naakamvwa obo, wakatuma Joabu ampi yoonse yabasinguzu. 8Lino Ba-Amoni bakazwa mumunzi akubamba mindando yakulwana kumulyango wakunjilila, nkabela ba-Aramu baku-Zeba aku-Rehobu, abantu ba-Tobu aba-Maaka, boonse bakakede muzipanzi zipanzi. 9Mpawo Joabu naakabona kuti inkondo ilalwigwa kunembo akusule, wakasala boonse baalumi basinguzu ba-Israyeli akubalanganya ba-Aramu, 10pele boonse ibakasyaala wakababika mujanza lya-Abisai munyina akubalanganya abaAmoni. 11Elyo wakati, Na ba-Aramu bali anguzu kwiinda ndime, uwe uyoondivuna, pele na ba-Amoni bali anguzu kwiinda nduwe, ambe ndeza kuzookuvuna. 12#Dt 31:6; 2 Mak 19:11; 1 Sam 4:9; 1 Kor 16:13; 1 Sam 3:18; 2 Sam 15:26; 22:31,32; Int 20:7; 37:3,5,40; Tus 29:25Koliyumya, kuti tube abukozu bwakugwasya bantu besu aminzi ya-Leza wesu, Jehova acite kufumbwa cintu ncayanda. 13Mpawo Joabu abantu mbaakali abo bakaswena afwiifwi kuyoolwana aba-Aramu, nkabela ba-Aramu bakamucija. 14Lino ba-Amoni nibakabona kuti baAramu bacija, bakacija abalo kumunyina Abisai, bakanjila mumunzi. Elyo Joabu wakabweeda kuzwa kukulwana aba-Amoni, waakusika ku-Jerusalemu,
15Nkabela ba-Aramu nibakabona kuti tulizundide kumaanza aaba-Israyeli, bakayoboloka. 16Elyo Hadadezeri wakatuma kuyootamba ba-Aramu bamutala alwizi, nkabela bakasika ku-Helamu, alimwi Sobaki mwami wabasilumamba ba-Hadadezeri nguwakali kubasololela. 17Lino Davida naakaambilwa obo, wakabunganya ba-Israyeli boonse akuzubuka mulonga wajordano akusika ku-Helamu. Mpawo ba-Aramu bakalibamba mumindando yabo kuzoolwana awe, 18Nkabela ba-Aramu bakacija kuzwa kuba-Israyeli, nkabela Davida wakajaya akati kaba-Aramu basiŋola bali myaanda iili musanu aibili abasimbizi bali zyuulu zili makumi one, alakwe Sobaki mwami wabasilumamba babo wakamuuma akumujaya nkukonya. 19#Matl 14:4Elyo bami boonse ibakali balanda ba-Hadadezeri, nibakabona kuti tulizundidwe kuba-Israyeli, bakatangana mulongo aba-Israyeli akuba balanda babo. Aboobo ba-Aramu bakayoowa kuzoovuna ba-Amoni limbi.
Currently Selected:
2 Samuele 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
