1 Samuele 31
31
Saulo abana bakwe mbubakajayigwa munkondo yaku-Giliboa
1 #
1 Sam 28:1,15; 29:1; 1 Mak 10:1; 1 Sam 28:4 Lino ba-Filisti bakali kulwana aba-Israyeli, nkabela bantu ba-Israyeli bakacija kuba-Filisti, bakawizuka mucilundu ca-Giliboa. 2#1 Mak 8:33Elyo ba Filisti bakali kuya bubatobela Saulo abana bakwe, nkabela ba-Filisti bakajaya Jonatani a-Abinadabu a-Malikisua bana ba-Saulo. 3#2 Sam 1:6Lino inkondo yakamulemenena Saulo, nkabela basimata bakamweenzya, wakalifwabide loko nkaambo kabasimata. 4#Bab 9:54; 1 Sam 14:6; 17:26; 2 Sam 1:10Mpawo Saulo wakaambila sikuyumuna zii wisyo zyakwe kuti, Somona ipanga lyako, undiyase kuti aba batapalwidwe batasiki kuzoondiyasa akundicapa. Pele sikuyumuna zilwisyo zyakwe takakazumina, pe, nkaambo wakayoowa loko, Elyo Saulo wakabweza ipanga, wawida alindilyo. 5Lino sikuyumuna zilwisyo zyakwe naakabona kuti Saulo wafwa, alakwe wakawida asumo lyakwe, wakafwa awe. 6#1 Sam 12:25; 1 Mak 10:6; Rom 6:23Aboobo Saulo abana bakwe botatwe asikuyumuna zilwisyo zyakwe abantu bakwe boonse bakafwa mubuzuba obo mbubonya. 7Mpawo bantu ba-Israyeli bakutala lyamumpata, abaabo bakutala lya-Jordano, nibakabona kuti bantu ba-Israyeli baliciside, alimwi Saulo abana bakwe balifwide, bakasia minzi, bacija, elyo ba-Filisti bakeza kuzookala mulinjiyo.
8Lino nibwakaca ba-Filisti bakasika kuzoosaala zintu zyabaabo bajayidwe. Nkabela bakajana Saulo abana bakwe botatwe balifwide mucilundu caGiliboa. 9#2 Sam 1:20Mpawo bakamukosola mutwe akugwisya zilwisyo zyakwe, bakazituma kucisi caba-Filisti kuyootola makani kumituni yabo akubantu. 10#1 Sam 21:9; Bab 2:13; Jos 17:11; Bab 1:27Nkabela zilwisyo zyakwe bakazibika muŋanda ya-Asitarote, amutunta wakwe bakaukankamina kubulambo mu-Betisani. 11Pele bantu baku Jabezi Gileadi, nibakamvwa zyoonse ba-Filisti nzibakacitila Saulo, 12#1 Sam 11:1-11; 2 Sam 2:4-7; 2 Mak 16:14; Jer 34:5; Am 6:10boonse baalumi basintaze bakanyamuka, bakeenda masiku oonse, bakabweza mutunta wa-Saulo amitunta yabana bakwe kuzwa kubulambo bwa-Betisani, bakeza ayo ku-Jabezi kuzooitenta. 13#2 Sam 21:12-14; Matl 50:10; Job 2:13Nkabela zifuwa zyabo bakazizika munsi amusiika mu-Jabezi, elyo bakaliimya zilyo mazuba aali musanu mwaabili.
Currently Selected:
1 Samuele 31: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
