2 Makani 6
6
Solomoni mbwaakakambaukila bantu babungene
1 #
1 Bam 8:12; Kul 20:21; 24:15-18; Lev 16:2; Int 18:8-11; Heb 12:18 Lino Solomoni wakati,
Izuba Jehova wakalibika kujulu,
Pele walo mwini ulayanda kukala mumudima.
2Mebo ndakuyakila iŋanda indamfu,
Cikalilo cakukala mumo lyoonse.
3Mpawo mwami wakacebukila kubantu akulongezya imbungano yoonse ya-Israyeli. Nkabela bantu boonse bambungano ya-Israyeli bakanyamuka. 4Wakati, Alumbwe Jehova Leza wa-Israyeli iwakaambila taata Davida kumilimo yakwe, lino sunu ijanza lyakwe lyacita mbubonya mbwaakaamba. Wakati, 5Kuzwa kubuzuba obuya nindakagwisya bantu bangu munyika ya-Egepita, nsina kusala munzi nuuba umwi akati kamisyobo ya-Israyeli kukuyaka iŋanda kuti izina lyangu libe nkuko. Alimwi teendakasala muntu naba umwi kuti abe musolozi wabantu bangu ba-Israyeli. 6#2 Mak 12:13; Int 48:1; 78:68-70; 1 Sam 16:1; 1 Mak 28:4; Int 89:19,20Pele lino ndasala Jerusalemu, kuti izina lyangu libe nkuko, alimwi ndasala Davida kuti abe mwami wabantu bangu ba-Israyeli. 7#2 Sam 7:2; 1 Bam 5:3; 1 Mak 17:1; 28:2Nkabela mumoyo waDavida taata mwakali muyeeyo wakuyakila izina lya-Jehova Leza waIsrayeli iŋanda. 8#1 Bam 8:18-21; 2 Kor 8:12Pele Jehova wakaambila Davida taata kuti, Mbubonya mboyeeyede mumoyo wako kuyakila izina lyangu iŋanda, wakacita kabotu kukuyeeya obo mumoyo wako. 9Nekubaboobo uwe omwini tokooyooyaka iŋanda pe. Mwanaako uuzwa mumala aako nguuelede kuyakila izina lyangu iŋanda. 10Lino Jehova wazuzikizya majwi aakwe ngaakaamba, nkaambo mebo ndabuka mucibaka ca-Davida taata, ndikede acuuno cabwami bwa-Israyeli mbubonya mbuli Jehova mbwaakasyomezya, alimwi ndiyakilide izina lya-Jehova Leza wa-Israyeli iŋanda. 11#Kul 40:20; 1 Bam 8:9-21; 2 Mak 5:10Amomo muŋanda ndibikide ibbokesi lijisi cizuminano ca-Jehova ncaakatanga abana ba-Israyeli.
Cikombyo ca-Solomoni
12 #
1 Bam 8:22; Ezr 9:5; 1 Tim 2:8 Mpawo Solomoni wakaima kunembo lyacipaililo ca-Jehova, kumeso aambungano yoonse yaba-Israyeli, akutandabika maanza aakwe kujulu. 13Nkaambo Solomoni kapangide ciimikilo camukuba akucibika akati kalubanza. Bulamfu bwaco bwakali tukokola tosanwe, abwaamba bwaco tukokola tosanwe, abwiime bwaco tukokola totatwe. Nkabela kaimvwi mpoonya awo, Elyo wakafugama amazwi aakwe kumeso aambungano yoonse yabaIsrayeli akutandabika maanza aakwe kujulu, 14#Kul 15:11; Dt 4:39; 9:7; 2 Sam 7:22; Int 86:8; Dan 9:4; Matl 5:24wakati, O Jehova, Leza wa-Israyeli, taakwe Leza umbi uuli mbuli nduwe, nikuba kujulu naaba ansi, ojatisya cizuminano akucita luse kubalanda bako beenda kubusyu bwako camoyo woonse. 15#1 Mak 22:9,10Wazuzikizya majwi ayo ngaonya ngowakaambila mulanda wako Davida taata, Milomo yako yakaamba, lino sunu ijanza lyako lyazuzikizya ncobeni. 16#2 Sam 7:12,16; 1 Bam 2:4; 6:12; 2 Mak 7:18; Int 132:12Nkaambo kako O Jehova, Leza wa-Israyeli, kocitila Davida taata ayo majwi ngaonya ngowakamwaambila aakuti, Tokooyoobula muntu wakukala acuuno cabwami bwa-Israyeli kumeso aangu, na bana bako babamba kabotu inzila zyabo akweenda mumulao wangu mbubonya mboenda webo kumeso aangu. 17Lino O Jehova Leza wa-Israyeli, ijwi lyako lizuzikizigwe ndowakaambila mulanda wako Davida.
18 #
Int 113:5,6; 2 Mak 2:6; Is 66:1; Inc 7:49 Pele sa Leza ncobeni ulakala abantu ansi ano? Ijulu ajulu lyakujulu loko, oonse akwaata, tokonzyi kukala mulingawo. Ino ukale buti mukaanda aka nkindayaka? 19Nekubaboobo koswiilila cikombyo cangu, ndemulanda wako, acikumbizyo cangu, O Jehova Leza wangu. Koswiilila cilizyo acikombyo mulanda wako ncakombya kubusyu bwako, 20#Int 33:18; 34:15; Dan 6:10kuti meso aako alange aŋanda eyi lyoonse isikati amasiku, abusena mboambide kuti, Izina lyangu likakale nkukonya, Koswiilila cikombyo mulanda wako ncakombya kubusena obuno. 21#Is 43:25; 44:22Koswiilila cikumbizyo camulanda wako acabantu bako ba-Israyeli ncibakombya kulangila busena obuno. Ee, koswiilila kucikalilo cako cakujulu nkobede, alimwi noswiilila, kobalekelela.
22Na muntu wabisizya mweenzinyina, aboobo wasungilizigwa kukonka, alimwi weza kuzookonka cikonke cakwe kunembo lyacipaililo cako omuno muŋanda, 23#Tus 1:31; Is 3:11; Rom 2:8lino koswiilila kujulu nkobede, ukacite, akubeteka balanda bako. Sizibi umupe mulandu, kuti zibi zyakwe ziboole amutwe wakwe mwini, pele mululami komululamika akumupa bulumbu bweelede bululami bwakwe,
24 #
Dt 32:15; Bab 2:11-15; Int 51:4 Na bantu bako ba-Israyeli bazundwa kuli basinkondonyina nkaambo kakukubisizya, pele bapiluka akulemeka izina lyako, akukomba akukumbila kubusyu bwako omuno muŋanda, 25lino koswiilila kujulu nkobede, ulekelele zibi zyabantu bako ba-Israyeli akubaboozya kunyika yabo njowakabapa, njowakapa bamawisi.
26 #
Lev 26:19; 1 Bam 17:1; Lk 4:25 Na ijulu lilijalidwe cakutalosya imvula nkaambo kakuti bakubisizya, nkabela bakomba cakulanga mpoonya ano, akulemeka izina lyako, akuleka zibi zyabo noli mukubapenzya, 27#2 Mak 20:9; 1 Bam 8:35,36; Int 94:12; Joh 6:45; Zek 10:1lino koswiilila kujulu nkobede, akulekelela zibi zyabalanda bako, bantu bako ba-Israyeli, nowabaiisya inzila imbotu njibeelede kweendela, akulosya imvula anyika yako njowakabapa bantu bako kuti ibe caabilo cabo.
28 #
2 Mak 20:9
Na mwaba inzala mucisi, alimwi na mwaba idwazi na ndyomba na kwiibuka na cisozi na bacamusokonya, alimwi na basinkondonyina babasinkinizya muminzi yabo, kufumbwa mapenzi na malwazi aabasikila, 29na bakomba akukumbila, nkukuti bantu boonse nanka bantu bako ba-Israyeli, umwi aumwi mbuli mbwazi mapenzi aamumoyo wakwe, akutandabika maanza aakwe kuŋanda eyi, 30#1 Mak 28:9; Int 11:4lino swiilila kujulu kumakalilo aako nkokede, ulekelele, akuboozezya umwi aumwi bulumbu bwanzila zyakwe, mbubonya mbobwene moyo wakwe (nkaambo nduwe olike uubwene myoyo yabantu boonse baansi), 31kuti bakuyoowe akweenda munzi la zyako mazuba oonse nibacipona munyika njowakabapa bamatata besu.
32 #
Dt 4:6-8; Int 113:3; Is 56:3-8; Mal 1:11; Joh 10:16; 12:20; Inc 8:27 Alakwe mweenzu uutali umwi wabantu bako ba-Israyeli, uuzwa kucisi cakule nkaambo kazina lyako idemu ajanza lyako lyanguzu akuboko kwako kutandabede, asika kukukomba kuŋanda okuno, 33koswiilila kumakalilo aako aakujulu, ukacite coonse mweenzu ncakukwiilila, kuti bantu boonse baansi bazibe izina lyako, bakulemeke mbubonya mbuli bantu bako baIsrayeli mbubakulemeka, akuziba kuti iŋanda eyi njindayaka yaambwa muzina lyako.
34Na bantu bako baya kukulwana abasinkondonyina, kufumbwa nkobatuma, alimwi bakomba nduwe cakulanga kumunzi uno ngosalide akuŋanda njinjakilide izina lyako, 35koswiilila kujulu nkobede cikombyo cabo acikumbizyo cabo akubakosweda makani.
36 #
Job 15:14-16; Tus 20:9; Muk 7:20; Jak 3:2; 1 Joh 1:8 Nkabela na bakubisizya, (nkaambo taakwe muntu naba omwe uutabisya), aboobo wabakalalila akubaaba mumaanza aabasinkondonyina, kuti batolwe mubuzike kucisi cimbi, nikuba kule nikuba kufwaafwi, 37#Jer 24:6,7nekubaboobo na bajola myoyo yabo oko kunyika nkubatoledwe mubuzike, akweempwa, akukumbila kulinduwe oko kunyika yabuzike bwabo, cakwaamba kuti, Twakabisya, akuleya, akutyola mulao, 38#Jer 29:12,13na beempwa camoyo woonse acamiyeeyo yoonse omo mucisi cabasinkondonyina nkubatoledwe, akukomba cakulanga kunyika yabo njowakapa bamawisi akumunzi ngosalide akuŋanda njinjakilide izina lyako, 39lino koswiilila kumakalilo aako aakujulu cikombyo cabo acikumbizyo cabo, ukabakoswede makani aabo akulekelela bantu bako bakubisizya,
40Lino O Leza wangu, meso aako alange, amatwi aako aswiilile cikombyo cikombwa mpoonya ano. 41#Int 132:8-16; 1 Mak 28:2; Is 51:10; Neh 9:25Kobuka, O Leza Jehova, akunjila mucilyokezezyo cako, uwe abbokesi lyanguzu zyako. Bapaizi bako basame lufutuko. 42#Int 89:20-28; Is 55:3O Leza Jehova, abasalazi bako basekelele bubotu bwako. Jehova, utafutatili busyu bwamunanike wako. Koingasila luzyalo lwako ndowafwida Davida mulanda wako.
Currently Selected:
2 Makani 6: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
