2 Makani 7
7
Zipaizyo nzibakatuula muntempele
1 #
1 Bam 8:54; Is 65:24; Dan 9:20; Inc 4:31; 16:25,26; Matl 15:17; Lev 9:23,24; Bab 6:21; 1 Bam 18:38; 1 Mak 21:26; 2 Mak 5:13; Ezk 10:3; Ciy 21:23 Lino Solomoni naakamana kukomba, mulilo wakaseluka kuzwa kujulu, wakatenta cituuzyo azipaizyo. Nkabela bulemu bwa-Jehova bwakazuzyazya iŋanda. 2#2 Mak 5:14Bapaizi bakakacilwa kunjila muŋanda ya-Jehova, nkaambo bulemu bwa-Jehova bwakazuzya iŋanda ya-Jehova. 3#2 Mak 5:13; 20:21; Int 103:17; 136:1Lino bana ba-Israyeli boonse, nibakabona mulilo mbuwakazwa kujulu abulemu bwa-Jehova mbubwakaboneka aŋanda, bakavundama ansi abbuwa, bakomba, balumba Jehova, bati,
Nkaambo mubotu,
Nkaambo luse lwakwe talweeli.
4 #
1 Bam 8:62
Mpawo mwami abantu boonse bakatuula zipaizyo kubusyu bwa-Jehova. 5Mwami Solomoni wakapaizya basune bali zyuulu zili makumi obile azibili, ambelele zili zyuulu zili mwanda azyuulu zili makumi obile. Mbuboobo mwami abantu boonse mbubakasalazya iŋanda ya-Leza. 6#1 Mak 15:16; 2 Mak 5:12Bapaizi bakaliimvwi kumasena aabo, abalo ba-Levi mbubonya azibelesyo zyakwiimbila Jehova nzyaakapanga mwami Davida kuti bazilumbye Jehova, nkaambo luse lwakwe talweeli. Davida naakali kubalumbya, bapaizi bakali kulizya myeembo cakulangana abo, nkabela ba-Israyeli boonse kabaimikide.
7 #
My 16:37; 1 Bam 8:64; 2 Mak 36:14; Heb 13:10-12 Alimwi Solomoni wakasalazya lubanza lwamukati ilwakali kunembo lyaŋanda ya-Jehova, nkaambo nkukonya oko nkwaakatuula cipaizyo amafuta azituuzyo zyakutontozya, nkaambo cipaililo camukuba Solomoni ncaakapangide cakaata, cakakacilwa kutambula zyoonse, acipaizyo acituuzyo cabusu amafuta.
8 #
1 Bam 8:65; Matl 15:18; Jos 13:3 Kuciindi eco nciconya Solomoni wakacita ipobwe lyamazuba aali musanu aabili, aba-Israyeli boonse bakaiya awe, imbungano impati yabantu banji loko, kuzwa kumanjililo aaku-Hamati kusikila kukalonga kaku-Egepita. 9Nkabela mubuzuba bwamusanu aatatu bakacita imbungano iisalalisya, nkaambo bakamana mazuba aali musanu aabili kukusalazya cipaililo akukulya ipobwe. 10#1 Bam 8:66Lino mubuzuba bwamakumi obile aatatu mumwezi wamusanu aibili wakamwaisya bantu kuti baye kumaanda aabo. Bakaya abusekelezi alukondo mumyoyo yabo nkaambo kabubotu Jehova mbwaakacitila Davida a-Solomoni aba-Israyeli bantu bakwe.
Jehova mbwaakabonekela Solomoni
11 #
1 Bam 9:1
Mbuboobo Solomoni mbwaakamanisya iŋanda ya-Jehova aŋanda yamwami. Milimo yoonse moyo wa-Solomoni nji wakayeeya kucita muŋanda ya-Jehova amuŋanda yakwe, wakaimana kabotu. 12#Matl 12:7; Dt 12:5; Int 78:68,69; 132:13,14Elyo Jehova wakabonekela Solomoni ciindi camasiku, wakamwaambila kuti, Cikombyo cako ndaciswiilila. Ndasala busena obuno kuti bundibede iŋanda yakupaizya. 13#2 Mak 6:26Bona! Na ndasinka ijulu akukasya imvula, na ndalailila cisozi kuti cilye nyika, na ndatuma idwazi akati kabantu bangu, 14#Jak 4:10; 2 Mak 6:27elyo bantu bangu baambwa muzina lyangu, na balibombya akupaila akuyandaula busyu bwangu akuleka inzila zyabo zyakubisya, mebo njooswiilila kujulu nkumbede, njoobalekelela milandu yabo, akuponya nyika yabo. 15#2 Mak 6:40Meso aangu alalanga, aalo matwi aangu alaswiilila, cikombyo cikombwa kubusena obuno. 16#2 Mak 6:6Iŋanda eyi, ndaisala, ndaisalazya, kuti izina lyangu libe nkuko lyoonse. Meso aangu alailanga, awalo moyo wangu ulaba kulinjiyo, mazuba oonse. 17#1 Bam 9:4Lino webo, na weenda kumeso aangu mbubonya mbwaakeenda Davida uso, akucita zyoonse nzindalailila, akubamba imbeta zyangu amilazyo yangu, 18#2 Mak 6:16elyo njooimikizya cuuno cabwami bwako, mbubonya mbundakasyomezya Davida uso nindakaamba kuti, Tokooyoobula muntu wakweendelezya cisi ca-Israyeli.
19 #
Lev 26:14; Dt 28:15 Pele na mwaleya akuleka imbeta zyangu amilazyo yangu njindamubikila, akuyoomanina mizimu imbi milimo akwiikomba, 20#Int 5:5lino njoomunonkola munyika njindamupa, nkabela iŋanda eyi njindasalazizya izina lyangu njooisowa, itabonwi kumeso aangu, akucita kuti ibe kasimpi ajwi lyakusampaula akati kamasi oonse. 21#Jer 7:14; 22:8; Malo 2:15; Dt 29:24Lino iŋanda eyi iisumpulwa, kufumbwa muntu uuinda kulinjiyo uyoogambwa, uyooamba kuti, Ino nkaambonzi wakacita obo kunyika eyi akuŋanda eyi? 22#Bab 2:13; 2 Bam 17:18; 2 Mak 36:16; Dan 9:12Mpawo kuyooambwa kuti, Nkaambo kakuti bakaleka Jehova, Leza wabamawisi, iwakabagwisya mucisi ca-Egepita, bakajata mizimu imbi akwiikomba akwiimanina milimo. Nciceeco ncaakabaletela aya mapenzi oonse.
Currently Selected:
2 Makani 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
