2 Makani 5
5
Ibbokesi lya-Leza mbulyakaletwa kuntempele
1 #
1 Bam 7:51; 1 Mak 22:14; 26:26-28 Aboobo milimo yoonse Solomoni njaakacitila iŋanda ya-Jehova yakamana, nkabela Solomoni wakaleta zintu zisalala zya-Davida wisi, ansiliva angolida azibelesyo zyoonse, wazibika muziyobwedo zyaŋanda ya-Leza.
2 #
1 Bam 8:1; 1 Mak 29:1; 2 Mak 1:2; 2 Sam 6:12 Mpawo Solomoni wakabunganya baalu ba-Israyeli abasilutwe boonse bamisyobo, bapati banzubo zyabana ba-Israyeli, ku-Jerusalemu, kuti bagwisye ibbokesi lyacizuminano ca-Jehova kuzwa kumunzi wa-Davida, nkukuti Zioni. 3#1 Bam 8:2; 2 Mak 7:8-10Nkabela bantu boonse ba-Israyeli bakayoboloka kumwami kupobwe lyamumwezi wamusanu aibili. 4#Jos 3:6Lino bapati boonse ba-Israyeli bakeza, nkabela ba-Levi bakabweza ibbokesi. 5Bakabweza ibbokesi atente lyakubunganina azibelesyo zisalala zyoonse zyamutente. Bapaizi aba-Levi mbobakazileta. 6Nkabela mwami Solomoni ambungano yoonse yaba-Israyeli ibakayoboloka kulinguwe kunembo lyabbokesi bakali kupaizya imbelele aŋombe zinji loko, Mweelwe wazyo teewakakonzya kubalwa pe. 7Aboobo bapaizi bakaleta ibbokesi lyacizuminano ca-Jehova kubusena bwalyo kucikombelo cisalalisya camukati, kunsi lyamababa aabakerebimu. 8Bakerebimu bakalitandabikide mababa aabo akuvumba busena bwabbokesi. Bakerebimu bakali kuvumba ibbokesi azisamu zyalyo kujulu. 9#1 Bam 8:8Zisamu zyakalampa. Impela zyazisamu zyakaboneka kuzwa kubbokesi kunembo lyacikombelo camukati, pele teezyakaboneka anze. Mpozicili mbubonya asunu. 10#Dt 10:2; 2 Mak 6:11Katakwe cintu mubbokesi cita mabwe obile Musa ngaakabika mumo ku-Horebu, Jehova nkwaakatangana cizuminano abana ba-Israyeli nibakazwa ku-Egepita.
11Lino bapaizi nibakazwa mucikombelo, (nkaambo bapaizi boonse ibakajanika bakalisalazya akutalikataazya kumakani aazyaabilo zyabo, 12#1 Mak 15:16-24; 25:1-31; 2 Mak 29:25abalo basikwiimba ba-Levi boonse, Asafu a-Hemani a-Jedutuni abana babo abakwabo, bakalisamine masani aatuba, bakali azizyano atuntimbwa anamalwa, bakaliimvwi kubbazu lyakujwe lyacipaililo, bakali abapaizi bali mwanda amakumi obile basikulizya myeembo; 13#1 Mak 16:34,41; 2 Mak 7:3; Int 136:1,26basimyeembo abasikwiimba kabeelede kuteleezya majwi aabo mbuli ijwi lyomwe kukutembaula akulumba Jehova), alimwi ijwi lyamyeembo alyazizyano alyazibelesyo zimwi zyakwiimbya nilyakamvwigwa kukutembaula Jehova.
Nkaambo mubotu,
Luse lwakwe talweeli,
lino iŋanda, nkukuti iŋanda ya-Jehova, yakazula ikumbi, 14#Kul 40:35; My 9:15; 2 Mak 7:2; Is 6:4; Ezk 43:4; Hag 2:7; 2 Kor 3:11; Ciy 15:8nkabela bapaizi bakakacilwa kwiima kukubeleka nkaambo kakumbi, nkaambo bulemu bwaJehova bwakazuzya iŋanda ya-Leza.
Currently Selected:
2 Makani 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
