2 Makani 4
4
Cipaililo azintu zimwi zyamuntempele mbuzyakacitwa
1 #
Kul 27:1; 1 Bam 9:25; 2 Bam 16:14; Ezk 43:13 Lino wakacita cipaililo camukuba. Bulamfu bwaco bwakali tukokola tuli makumi obile, bwaamba bwaco bwakali tukokola tuli makumi obile, abwiime bwaco bwakali tukokola tuli ikumi.
2 #
Kul 30:18; 1 Bam 7:23 Alimwi wakafula cikozyano caziba lyamaanzi; cakali zyuungulukide, cakali tukokola tuli ikumi kuzwa kunkomwe imwi kusikila kunkomwe imwi, acipimyo cakucizyungulusya cakali tukokola tuli makumi otatwe. 3#1 Bam 7:24Kunsi lyaco kakuli zikozyano zyaŋombe kumabazu oonse; zyakali mumindando yobile, zyakafulwa ciindi eco nciconya nilyakafulwa iziba lini. 4Cakalitabilidwe aŋombe zili ikumi azibili. Zyotatwe zyakali kulanga kunyika, zyotatwe zyakali kulanga kumbo, zyotatwe zyakali kulanga kumusanza, azyotatwe zyakali kulanga kujwe, Iziba lyakalikede alinzizyo, amatako aazyo akalifutatilene. 5#1 Bam 7:26Indiya yalyo yakali mbuli ijanza, ankomwe yalyo yakalipangidwe mbubonya mbuli mulomo wankomeki, yakali amalubaluba aampana, nkabela lyakakonzya kujata nongo zili zyuulu zyotatwe. 6#1 Bam 7:38; Heb 9:9Alimwi wakapanga zisambilo zili ikumi zyakusambila. Wakabika zyosanwe kululyo azyosanwe kulumwensi. Mulinzizyo mobakali kusanzyasanzya zipaizyo, pele iziba lyakali lyabapaizi kuti basambe mulindilyo.
7 #
1 Bam 7:49; Kul 25:31 Alimwi wakapanga ziimikilo zyamalampi zili ikumi zyangolida, mbubonya mbuzicitwa, wazibika muntempele, zyosanwe kulubazu lwalulyo azyosanwe kulubazu lwalumweensi. 8#1 Bam 7:48Alimwi wakapanga matafule aali ikumi, wazibika muntempele, zyosanwe kulubazu lwalulyo azyosanwe kulubazu lwalumwensi. Nkabela wakapanga mitiba yangolida iili mwaanda. 9#1 Bam 6:36Alimwi wakacita lubanza lwabapaizi, alubanza lupati, azitendele zyalubanza. Zitendele zyalo wakaziziluluzya mukuba. 10#1 Bam 7:39Lino iziba wakalibika kucooko cakululyo kujwe,
11 #
1 Bam 7:40
Lino Huramu wakapanga zilongo amaliko amitiba, aboobo Huramu wakamana milimo njaakacitila mwami Solomoni muŋanda ya-Leza: 12#1 Bam 7:41minsende yobile, amitiba, aziimikilo zyobile atala lyaminsende, atusabwe tobile twakuvumbya mitiba yobile yaziimikilo izyakali atala lyaminsende, 13#Kul 28:33,34; 1 Bam 7:20; Lwi 4:13; Jer 52:23amapomegranite aali myaanda yone aatusabwe tobile, mindando yobile yamapomegranite kukasabwe kamwi akamwi kukuvumba mitiba yobile yaziimikilo izyakali atala lyaminsende. 14#1 Bam 7:27,43Alimwi wakapanga zikazikilo azisambilo atala lyazikazikilo, 15acikozyano caziba lyamaanzi, aŋombe zili ikumi azibili kunsi lyaco. 16#1 Bam 7:14,45Alimwi zilongo amaliko aziyasyo azibelesyo zyazyo zyoonse, Huramu-abi wakazifulila mwami Solomoni, zibe zyaŋanda ya-Jehova, Wakazifuzya mukuba uubeka-beka. 17#1 Bam 7:46Mubanda lya-Jordano mwami mwaakazifulila, munyika yabulongo iili akati ka-Sukoti a-Zereda. 18#1 Bam 7:47Nkabela ezi zintu zyoonse Solomoni nzyaakapanga zyakavula loko, Bulemu bwamukuba teebwakapimika pe.
19 #
1 Bam 7:48-50; 2 Bam 24:13; Jer 28:3; Dan 5:2,3; Kul 25:30; 1 Mak 28:16 Mbuboobo Solomoni mbwaakapanga zintu zyoonse zyamuŋanda yaLeza: cipaililo cangolida, intafule zyazinkwa zituulidwe, 20#Kul 27:20,21ziimikilo zyamalampi amalampi aazyo aangolida iisalalisya aakutenta mbuceelede kunembo lyacikombelo cisalalisya camukati; 21#Kul 25:31; 37:20; 1 Bam 6:18-35amalubaluba, amalampi, alumano lwangolida iisalalisya, 22#1 Bam 6:31atugele, amitiba, amigano yatununkilizyo, ankayi zyamulilo, zyangolida iisalalisya; azijatyo zyamakoma aabusena busalalisya bwamukati azyamakoma aantempele yaanze, zyoonse zyakali zyangolida.
Currently Selected:
2 Makani 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
