2 Makani 2
2
Solomoni mbwaakalibamba kuyaka intempele
1 #
1 Bam 5:5
Lino Solomoni wakayeeya kuyakila izina lya-Jehova iŋanda akuliyakila iŋanda yabwami. 2#1 Bam 5:15Nkaambo kako Solomoni wakasala bantu bali zyuulu zili makumi aali musanu aabili bakuyumuna, abantu bali zyuulu zili makumi aali musanu aatatu bakusya mabwe mumalundu, abantu bali zyuulu zyotatwe amyanda iili musanu aumwi bakubabelesya. 3#1 Mak 14:1Alimwi Solomoni wakatumina Huramu mwami wa-Turo, wati, Mbubonya mbowakacitila Davida taata, mbowakamutumina zisamu zyakuliyakila Iŋanda yakukala, kondicitila ambebo mbubonya. 4#Kul 30:7; 25:30; Lev 24:8; Mt 12:4; Kul 29:38-42; My 28:3Bona! Ndaamba kuyaka iŋanda yazina lya-Jehova Leza wangu, kuti nkamusalazizye njiyo, ibe yakutenta tununkilizyo kubusyu bwakwe, tununkilizyo twa misamu mibotu, azinkwa zituulidwe lyoonse, azipaizyo zyacifumo azyamangolezya, mumazuba aa-Sabata amumazuba aamwezi mupiya amumapobwe aabambidwe aaJehova Leza wesu, mbukulaililwa lyoonse mucisi ca-Israyeli. 5#Kul 15:11; 1 Mak 16:25; Int 86:8,9; 135:5; Jer 10:6Iŋanda njenti yake iyookomena, nkaambo Leza wesu mupati kwiinda mizimu yoonse. 6#1 Bam 8:27; 2 Mak 6:18; Is 66:1Nguni uukonzya kumuyakila iŋanda P Kujulu akujulu loko kwamwaatila. Mebo nsikonzyi kumuyakila iŋanda, cita iŋanda yakutenta tununkilizyo kubusyu bwakwe. 7#1 Mak 22:15Lino konditumina muntu uucenjede uubwene milimo yangolida ayansiliva ayamukuba ayabutale, amilimo yamasani mabotu aasalala na aasalala pyu na aasia-sia, uuzi kulemba zilembyo zyeebesi, kuti abe abasimilimo bacenjede mbenjisi mucisi ca-Juda amuJerusalemu, mbaakabika Davida taata. 8#1 Bam 5:6; 19:11Alimwi konditumina zisamu zyakedari azyamulombe azyaalgumi kuzwa ku-Lebano, nkaambo ndizi kuti balanda bako balibwene kutema zisamu ku-Lebano. Abalo balanda bangu bayoogwasya balanda bako, 9kukundibambila zisamu zinji, nkaambo iŋanda njenti yake yakomena cakugambya. 10#1 Bam 5:11Nkabela basimilimo bako bagonka zisamu, njoobapa zisuwo zyabulotwe zili zyuulu zili makumi obile, azisuwo zyabbaale zili zyuulu zili makumi obile, anongo zyawaini zili zyuulu zili makumi obile, anongo zyamafuta zili zyuulu zili makumi obile.
11 #
Dt 33:3; 1 Bam 10:9 Mpawo Huramu mwami wa-Turo wakatumina Solomoni lugwalo, wati, Jehova ulayandisya bantu bakwe, ncencico ncaakakubikila kuti ube mwami wabo. 12#1 Bam 5:7; Matl 1:1; Int 33:6; 102:25; Inc 4:24; Ciy 10:6Alimwi Huramu wakati, Alumbwe Jehova Leza wa-Israyeli, iwakalenga ijulu anyika, nkaambo wapa mwami Davida mwana uucenjede uuli amaanu abusongo, uuti yakile Jehova iŋanda akuliyakila iŋanda yabwami. 13Lino bona! Ndakutumina muntu uucenjede uuli amaanu, Huramu-abi, 14#1 Bam 7:13ngumwana wamwanakazi wa-Dani, pele wisi kali muntu waku-Turo. Ulibwene kucita milimo yangolida ayansiliva ayamukuba ayabutale, amilimo yamabwe ayazisamu, amilimo yamasani aamabala mabala, aasalala nanka aasia, amasani aatuba. Alimwi ulibwene kufula malembo azifwanikisyo, kufumbwa ncoyanda, Agwasyanye abasimilimo bako abasimilimo bamwami Dwida uso. 15Lino bulotwe abbaale awaini amafuta, simalelo wangu nzyaamba, azitume kulindime ndemulanda wakwe, 16#1 Bam 5:8; Jos 19:46; Inc 9:36Elyo tuzoogonka ztsamu zyoonse nzoyanda ku-Lebano, tuzoozileta mumaato alwizi kusikila ku-Jopa, aboobo uyoozigwisya nkuko akuzitola ku-Jerusalemu.
17 #
1 Bam 5:13; 1 Mak 22:2; 2 Mak 8:7,8 Mpawo Solomoni wakabala bantu boonse bazwakule ibakede munyika ya-Israyeli, kusule lyakubabala nkwaakabala wisi Davida, nkabela kwakajanwa zyuulu zili mwanda amakumi osanwe azitatu amyanda iili musanu aumwi. 18Lino zyuulu zili makumi aali musanu aabili wakababika kuti bayumune mikuli, azyuulu zili makumi aali musanu aatatu, wakabatuma kukusya mabwe mumalundu, abantu bali zyuulu zyotatwe amyanda iili musanu aumwi, wakababika kuti babelesye bantu.
Currently Selected:
2 Makani 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
