2 Makani 1
1
Leza mbwaakabonekela Solomoni ku-Gibeoni
1 #
1 Bam 2:46; Matl 21:22; 39:2; 1 Mak 17:8; 29:25; Mt 28:20 Lino Solomoni mwana wa-Davida wakaliyumya mubwami bwakwe, nkabela Jehova Leza wakwe kali awe, wakamusumpula loko.
2 #
1 Mak 27:1; 2 Mak 29:20; 30:2 Elyo Solomoni wakaambila ba-Israyeli boonse, basilutwe bazyuulu abasilutwe bamyanda ababetesi abami boonse ba-Israyeli, bapati banzubo. 3#1 Bam 3:4Nkabela Solomoni ambungano yoonse yabantu bakainka kucipaililo cakuGibeoni, nkaambo nkonkuko nkulyakabede itente lyakubunganina lya-Leza ndyaakacita Musa mulanda wa-Jehova naakali munkanda. 4#2 Sam 6:2; 1 Mak 15:1(Pele ibbokesi lya-Leza, Davida kaliletede kuzwa ku-Kiriati-Jearimu akulisisya kubusena Davida mbwaakalibambila, nkaambo wakalibambila cilao mu-Jerusalemu). 5#Kul 27:1; 38:1; 31:2Cipaililo camukuba, ncaakacita Bezaleli mwana wa-Uri mwana wa-Huri, cakali nkukonya oko kunembo lyatente lyakubunganina lya-Jehova. Elyo Solomoni ambungano yoonse yabantu bakaakuyandaula Jehova. 6#1 Bam 3:4Nkabela Solomoni wakatanta kuya kucipaililo camukuba icakali kubusyu bwa-Jehova mutente lyakubunganina, wapaizya alincico zipaizyo zili cuulu.
7 #
1 Bam 3:5; Tus 3:5; Is 58:9 Lino masiku ayo ngaonya Leza wakabonekela Solomoni, wati, Kumbila ncoyanda kuti nkupe. 8#1 Mak 28:5Mpawo Solomoni wakaambila Leza kuti, Wafwida Davida taata luzyalo lugambya, aboobo wandilisya bwami bwakwe. 9#1 Bam 3:7Lino, O Jehova Leza, ijwi lyako ndowakaambila Davida taata liime nji, nkaambo wandipa bwami bwakweendelezya bantu banji mbuli lusuko lwaansi. 10#1 Bam 3:9; Int 119:34,73; Tus 3:13; Jak 1:5; My 27:17; Dt 31:2Kondipa busongo amaanu, kuti nsololele kabotu aba bantu mukuzwa amukuboola, nkaambo nguni uubwene kubeteka bantu bako banji bali boobu? 11#1 Sam 16:7; 1 Bam 3:11; 8:18Elyo Leza wakaambila Solomoni kuti, Makani aya mbwaakali mumoyo wako, alimwi tona kukumbila buvubi na imbono na bulemu na kuzunda basinkondonyoko, alimwi tona kukumbila koongola, pele wakumbila busongo amaanu aakubeteka bantu mbondakupa bwami bwakubecndelezya, 12#Int 34:9,10; Mt 6:33; Ef 3:20; 1 Mak 29:25; 2 Mak 9:22; Muk 2:9lino ndakupa ncobeni busongo amaanu, Alimwi ndakupa buvubi ambono abulemu kwiinda bami boonse ibakakutaangunina akwiinda boonse ibati kutobele. 13Lino Solomoni nakazwa kucipaililo caku-Gibeoni kunembo lyatente lyakubunganina wakaboola ku-Jerusalemu akweendelezya ba-Israyeli.
Buvubi bwa-Solomoni
14 #
1 Bam 4:26
Nkabela Solomoni wakalivuzizya inkalaki abasimbizi, Kajisi inkalaki zili cuulu amyanda yone, abasimbizi bali zyuulu zili ikumi azibili mbaakabika muminzi yacisi ca-Israyeli akumwami ku-Jerusalemu. 15#1 Bam 10:27; Job 22:24Alimwi insiliva angolida, mwami wakacita kuti zivule mu-Jerusalemu mbuli mabwe, azyalo zisamu zyakedari wakazivuzya mbuli inkuyu zili mutulundulundu, 16Amabbiza aa-Solomoni akaletwa kuzwa ku-Egepita aku-Kue. Basambazi bamwami bakaaula ku-Kue amali. 17Bakaakuula inkalaki ku-Egepita amasyekeli aansiliva aali myanda iili musanu aumwi, abbiza bakali kulyuula masyekeli aali mwanda amakumi osanwe, alimwi kumaanza aabo zyakaletwa kubami boonse baba-Hiti ababa-Aramu.
Currently Selected:
2 Makani 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
