1 Makani 29
29
Zipo bantu nzibakaletela milimo yaŋanda ya-Jehova
1 #
1 Bam 3:7; 1 Mak 22:5; Tus 4:3 Lino mwami Davida wakaambila imbungano yoonse yabantu kuti, Solomoni mwanaangu alike ngwakasala Leza, pele ucili mwana mutete, alimwi milimo mipati, nkaambo intempele tiili yamuntu pe, njiya-Jehova Leza. 2#Kul 28:9; Is 54:11,12; Ciy 21:18Nkaambo kako ndibambilide iŋanda ya-Leza wangu zyoonse nzindakakonzya, ingolida iiyandilwa zintu zyangolida, ansiliva yazintu zyansiliva, amukuba wazintu zyamukuba, abutale bwazintu zyabutale, azisamu zyazintu zyazisamu amabwe manji aa-berulo amabwe aakusomaika amusila amabwe aamabala mabala amabwe mayandisi oonse amabweluuma, 3#Int 26:8; 27:4; 84:1; Tus 3:9Alimwi atala lyazeezi zyoonse nzindibambilide iŋanda iisalala, ndijisi lubono luyandisi ndemwini lwangolida alwansiliva, alwalo ndalupa iŋanda ya-Leza wangu, nkaambo moyo wangu ulayandisya iŋanda ya-Leza wangu. 4#1 Bam 9:28; 2 Mak 8:18; Job 22:24Nkwaali matalenta aangolida aali zyuulu zyotatwe, ingolida yacisi ca-Ofiri, amatalenta aansiliva iisalazidwe aali zyuulu zili musanu azibili. Njakuziluluzya malambo aaŋanda, 5akucitya kufumbwa milimo yakufula iiyandwa; ingolida ilaba yazintu zyangolida, ayalo insiliva ilaba yazintu zyansiliva. Lino nguni uuyanda kusalazizya milimo ya-Jehova imbono zyakwe buzuba obuno?
6 #
1 Mak 27:1,25 Mpawo bapati banzubo abapati bamisyobo ya-Israyeli abasilutwe bazyuulu abamyaanda abasimilimo bamwami boonse bakazumina kuleta zipo. 7Nkabela bakaletela milimo yaŋanda ya-Leza ingolida, matalenta aali zyuulu zyosanwe ampondo zili zyuulu zili ikumi, amatalenta aansiliva aali zyuulu zili ikumi, amatalenta aamukuba aali zyuulu zili ikumi amusanu azitatu, amatalenta aabutale aali zyuulu zili mwanda. 8#1 Mak 26:21Alimwi kufumbwa muntu iwakajisi mabwe mayandisi wakaapa ciyobwedo caŋanda ya-Jehova icakali mumaanza aa-Jehieli mu-Gerisoni. 9#1 Bam 8:61; 2 Kor 9:7Lino bantu bakasekelela nkaambo kazipo izyakaletwa, nkaambo bakali kupa Jehova camoyo woonse. Alakwe mwami Davida wakasekelela alukondo lupati.
Cikombyo ca-Davida
10 #
1 Bam 8:15,16; 2 Mak 6:4; Int 72:18; Ezk 3:12 Mpoonya awo Davida wakalumba Jehova kumeso aambungano yoonse yabantu. Davida wakati, Kolumbwa, O Jehova Leza wa-Israyeli tateesu, lyoonse alyoonse mane kukabe kutamani. 11#Dan 4:34,35; Mt 6:13; 1 Tim 1:17; Ciy 5:13Bupati anguzu abulemu aluzundo abwami, zyoonse nzizyako, O Jehova, nkaambo zintu zyoonse zyakujulu azyaansi nzizyako. Bwami mbobwako, O Jehova, alimwi nduwe nosumpwidwe mbuli simutwe waboonse. 12#Dt 8:18; 1 Sam 2:7,8; Int 75:6; Tus 10:22; Rom 11:36; Jak 1:17Buvubi abulemu, zyoonse zilazwa kulinduwe. Nduwe ooendelezya zyoonse. Mumaanza aako mozijanwa inguzu abupati. Maanza aako ngaakonzya kusumpula akuyumya bantu boonse. 13Lino sunu, O Leza wesu, iswe tulakulumba akutembaula izina lyako lilemu.
14Pele mebo ndimeni? Abalo bantu bangu mbobani? Ncinzi citugwasya kuleta zipo zili boobu? Nkaambo zintu zyoonse zilazwa kulinduwe, azipo nzitwakupa nzezyakazwa kumaanza aako omwini. 15#Matl 47:9; Int 39:12; Heb 11:13; 1 Pet 2:11; Job 14:2; Int 90:9; 102:11; 144:4Nkaambo tuli beenzu kumeso aako, tuli basikutuntulika buyo, mbubonya mbubakabede bamatateesu boonse. Mazuba esu aansi ano ali mbuli cinzimwemwe buyo; taakwe ncitulangila. 16O Jehova Leza wesu, zintu ezi zinji loko nzitwabambila milimo yakuyakila izina lyako lisalala iŋanda, zyoonse zyazwa mumaanza aako, zyoonse nzizyako. 17#Dt 8:2; 1 Sam 16:7; Int 7:9; 1 Mak 28:9; Tus 16:2; 21:2; Jer 17:10; Heb 4:13; Int 11:7; Tus 11:20Ndizi, O Leza wangu, kuti nduwe olingula myoyo, alimwi ulayandisya bululami. Lino mubululami bwamoyo wangu ndibambide zintu ezi zyoonse, alimwi sunu ndibwene bantu bako bali ano abalo balakuletela zipo nzibayanda mumyoyo yabo cakukondwa. 18#Int 10:17; Jer 10:23O Jehova, Leza wa-Abrahamu awa-Izaka awa-Israyeli batateesu, kocita kuti miyeeyo iili boobu amakanze aali boobu akalilile mumyoyo yabantu bako, myoyo yabo ipangikwe kulinduwe. 19#Int 72:1; 1 Mak 22:14Alakwe Solomoni mwanaangu, komupa moyo uululeme, kuti abambe imbeta zyako amilazyo yako amilao yako, azicite zyoonse akuyaka iŋanda njindabambila makani,
20Mpawo Davida wakaambila imbungano yoonse yabantu kuti, Amulumbe Jehova Leza wanu. Nkabela bantu boonse bakalumba Jehova Leza wabamawisaabo, bakotama, balemeka Jehova amwami. 21Elyo bakapailila Jehova zipaizyo, alimwi nibwakaca bakatuulila Jehova alimwi zituuzyo, basune bali cuulu, abagutu bali cuulu, atubelele tuli cuulu, azipaizyo zyakunywa, azipaizyo zinji zyabantu boonse ba-Israyeli. 22Nkabela bakalya akunywa kubusyu bwa-Jehova mubuzuba obo alukondo lupati loko, alimwi Solomoni mwana wa-Davida bakamunanika lwabili mafuta aabwami, kuti abe mwami kumeso aa-Jehova, Alakwe Zadoki bakamubika kuti abe mupaizi.
Mamanino aabuumi bwa-Davida
23Mbuboobo Solomoni mbwaakatalika kukala acuuno cabwami bwaJehova mucibaka ca-Davida wisi. Nkabela wakajana coolwe, aba-Israyeli boonse bakamuswiilila. 24#Matl 24:2; 47:29; 2 Mak 30:8; Ezk 17:18Bapati boonse abasinguzu boonse abana boonse bamwami Davida bakazumina kuti Solomoni abe mwami. 25#1 Bam 3:13; 2 Mak 1:12; Muk 2:9; Dan 5:18,19; Heb 2:9Nkabela Jehova wakasumpula Solomoni mumeso aaba-Israyeli boonse akumupa bulemu bugambya kwiinda bami boonse ba-Israyeli ibakamutaangunina.
26Davida mwana wa-Jese kali mwami wacisi coonse ca-Israyeli. 27#2 Sam 5:4,5; 1 Bam 2:11Nkabela ciindi naakali mwami wa-Israyeli cakasika kumyaka iili makumi one, Kali mwami myaka iili musanu aibili mu-Hebroni, alimwi mu-Jerusalemu kali mwami myaka iili makumi otatwe aitatu, 28#Matl 15:15; 25:8; My 23:10; 1 Mak 23:1; Job 5:26; Inc 13:36Wakoongola kabotu mane lumwi wakafwa, kali amyaka minji abuvubi bunji abulemu bunji, nkabela Solomoni mwanaakwe nguwakalya izina lyakwe. 29Lino makani oonse aamwami Davida, mataanzi amasyaalizi, alilembedwe mubbuku lya-Samuele mulunguluzi amubbuku lya-Natani musinsimi amubbuku lya-Gadi mulunguluzi. 30#Dan 2:21Makani oonse alilembedwe amakani aabwami bwakwe, anguzu zyakwe, azintu izyakasika kulinguwe akucisi ca-Israyeli akuzisi zyoonse zyanyika.
Currently Selected:
1 Makani 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
