1 Samuele 5
5
Ibbokesi lya-Leza mbulyakacitwa mucisi caba-Filisti
1Lino ba-Filisti nibakanyanzya ibbokesi lya-Leza bakalileta kuzwa kuEbenezeri kusikila ku-Asidodi. 2Nkabela ba-Filisti bakatola ibbokesi lya-Leza, bakalinjizya muŋanda ya-Dagoni akuliimika kubbazu lya-Dagoni.
3 #
Kul 12:12; 18:11; Bab 16:23; 1 Mak 16:24-26; Int 95:3; 97:9; Is 19:1; 46:1,2,7; Nah 1:14 Lino nibwakaca, ba-Asidodi bakafuma nkabela bakabona kuti Dagoni uliwide ansi, abusyu bwakwe bwakalivundeme, kunembo lyabbokesi lyaLeza. Mpawo bakabweza Dagoni akumuboozya amwenya wakwe. 4#Is 40:18; Jer 50:2; Ezk 6:4,6; Mik 1:7Lwabili nibwakaca ba-Asidodi bakafuma cifumofumo nkabela bakajana kuti uliwide ansi, abusyu bwakwe bwakalivundeme, kunembo lyabbokesi lyaLeza, alimwi mutwe wa-Dagoni amaanza aakwe obile zyoonse zyakalikosokede acikunguzyo, kwakasyaala citimbitimbi ca-Dagoni luzutu. 5#Zef 1:9Nciceeco bapaizi ba-Dagoni aboonse banjila muŋanda ya-Dagoni ncibatalyati acikunguzyo ca-Dagoni mu-Asidodi kusikila sunu.
6 #
Kul 9:3; Int 7:11; 9:17; 32:4; Is 31:3; Dan 4:35; Inc 13:11; 1 Sam 6:5; Dt 28:27 Nkabela ijanza lya-Jehova lyakalemena ba-Asidodi, wakabanyonyoona akubaumya zyuute boonse baku-Asidodi abakucisi ceengelede. 7Lino bantu ba-Asidodi nibakabona boobu bakaamba bati, Ibbokesi lya-Leza waIsrayeli talyeelede kusyaala kulindiswe, pe, nkaambo ijanza lyakwe lyatulemena iswe a-Leza wesu Dagoni. 8Mpawo bakatuma kuyoobunganya bami boonse baba-Filisti kulimbabo, bakaamba bati, Tulicite buti ibbokesi lyaLeza wa-Israyeli? Nkabela bakaamba bati, Ibbokesi lya-Leza wa-Israyeli lilongele ku-Gati. Mpawo bakalonzya ibbokesi lya-Leza wa-Israyeli. 9#Dt 2:15; 1 Sam 7:13; 12:15; Int 78:66Lino nibakamana kulilonzya, ijanza lya-Jehova lyakali kumunzi oyo, lyakaleta lupyopyongano lupati loko, nkabela wakauma boonse bantu bamumunzi, nibaba baniini nibaba bapati, nkabela bakakalwa zyuute,
10Mpawo bakatuma ibbokesi lya-Leza ku-Ekroni. Lino ibbokesi lyaLeza nilyakasika ku-Ekroni, ba-Ekroni bakatalika kulila, bati, Batulonzezya ibbokesi lya-Leza wa-Israyeli kuti batujaye abantu besu.
11Lino bakatuma kuyoobunganya bami boonse baba-Filisti, bakaamba bati, Amutume ibbokesi lya-Leza waba-Israyeli kuti libweede kulimbabo, kuti litatujayi iswe abantu besu, nkaambo kakuli lupyopyongano lwakujaya kumunzi woonse, ijanza lya-Leza lyakaulemena loko. 12#Kul 11:6; Tus 21:13; Is 15:3; Jer 25:34; Am 5:17; Jak 2:13Nkabela bantu batakafwa bakaumizigwa zyuute nkabela koongolola kwamunzi kwakasika kujulu.
Currently Selected:
1 Samuele 5: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
