1 Samuele 30
30
Ba-Amaleki mbubakasaala Zikilaga. Davida mbwaakabazunda
1 #
Kul 17:8-16; My 24:20; Dt 25:17,19; 1 Sam 27:8; 28:18; 1 Mak 4:43; Ezk 25:15 Lino Davida abantu bakwe nibakasika ku-Zikilaga mubuzuba bwatatu, bakajana kuti ba-Amaleki balisaalide cisi cakumusanza, amunzi wa-Zikilaga bakuutenta amulilo. 2#Job 38:11; Int 76:10; 89:9; Is 27:8; Hab 3:2Nkabela banakazi abantu boonse ibakali mumunzi mumo, nibaba baniini nibaba bapati, bakabatola mubuzike, Katakwe iwakajayigwa, pe, bakabatola buyo akwiinka abo. 3Mpawo Davida abantu bakwe nibakasika kumunzi, bakajana kuti munzi ulitentedwe amulilo, abalo banakazi babo abana babo balombe abasimbi boonse balitoledwe kubuzike. 4#My 14:1Elyo Davida abantu mbaakali abo bakoomoka kulila, bakali kulila mane babula inguzu zyakucinoolila. 5#1 Sam 25:42-43; 2 Sam 2:2Abalo banakazi bobile ba-Davida bakalitoledwe kubuzike, Ahinoamu waku-Jezreeli a-Abigayeli muka-Nabala mu-Karameli. 6#Kul 17:4; Joh 8:59; Bab 18:25; 2 Sam 17:8; Int 33:18; 39:7; Jer 17:7,17; Joel 3:16; Rom 4:20Nkabela Davida wakalifwabide loko, nkaambo bantu bakati mufuse mabwe, nkaambo boonse bakalilutide mumoyo nkaambo kabana babo balombe abasimbi. Pele Davida wakaliyumya munguzu zya-Jehova Leza wakwe.
7 #
1 Sam 22:20-23; 23:6,9 Mpawo Davida wakaambila Abiyatara mupaizi mwana wa-Ahimeleki kuti, Kondiletela cikobela cabupaizi. Lino Abiyatara wakacileta cikobela cabupaizi kuli-Davida. 8#1 Sam 23:2,4; Int 22:4,5; 28:6Elyo Davida wakabuzya kuli-Jehova kuti, Sa ntobele eyi impi? Sa ndakonzya kubeenzya? Wakati, Ee, batobele, nkaambo kubeenzya ulabeenzya, alimwi ncobeni ulabavuna. 9Lino Davida wakainka, walo abantu bali myaanda iili musanu aumwi mbaakali abo, nkabela naakasika kukalonga ka-Besori, bamwi bakasyaala nkukonya oko. 10Pele Davida kaciya butobela, abantu bali myaanda yone, pele myaanda yobile yakasyaala, nkaambo aba bakafwide kukataala, teebakacili anguzu zyakuzubuka kalonga ka-Besori.
11 #
Int 111:2; Tus 3:5,6 Elyo bakajana muntu mu-Egepita musokwe, bakamuleta kuli-Davida, bakamupa insima yakulya amaanzi aakunywa, 12#Bab 15:19; 1 Sam 14:27alimwi bakamupa cikoto cankuyu amitunge yamisaansa yobile, elyo naakamana kulya, moyo wakwe wakaboola, nkaambo katalide insima naba maanzi mazuba otatwe isikati amasiku. 13Lino Davida wakamubuzya kuti, Ino uli muntu wani? Wazwa kuli? Nkabela wakati, Ndi mulombe mu-Egepita, ndi muzike wamuntu mu-Amaleki. Simalelaangu wakandisia mazuba otatwe amana, nkaambo ndakali kuciswa. 14#2 Sam 8:18; 1 Bam 1:38,44; Ezk 25:16; Zef 2:5; Jos 14:13; 15:13Twakali kuyoosaala cisi cakumusanza caba-Kereti acaba-Juda acisi cakumusanza caba-Kalebe, alimwi munzi wa-Zikilaga twakautenta umulilo. 15Mpawo Davida wakamwaambila kuti, Sa ulakonzya kutusisya nkwiibede eyi impi? Wakati, Amundikonkezezye kuliLeza kuti mutazoondiiayi, nikuba kundaaba mumaanza aabasimalelaangu, elyo ndamusisya nkwiibede impi.
16 #
Kul 32:6; 1 Sam 25:36-38; 2 Sam 13:28; Dan 5:1-4; Lk 12:19,20; 21:34; 1 Tes 5:3; Ciy 11:10,13 Lino naakabasisya, bakalisanseene koonse koonse, bali mukulya akunywa akusekelela nkaambo kambono zinji nzibakasaala mucisi caba-Filisti amucisi ca-Juda. 17#Job 20:5Elyo Davida wakatalika kuya bubajaya kuzwa kumabbililo aazuba kusikila magolezya buzuba bwabili, Nkabela katakwe muntu naba omwe iwakaloboka, cita balombe bali myaanda yone ibakatantide ankamele akucija. 18#Matl 14:16; Int 34:9Lino Davida wakavuna zintu zyoonse ba-Amaleki nzibakatolede, abalo banakazi bakwe bobile Davida wakabavuna. 19Katakwe cintu niciba comwe icatakali-wo, niciba ciniini niciba cipati, nibaba bana balombe nibaba basimbi, niziba imbono, akati kazintu nzibakatolede. Zyoonse buyo Davida wakaziboozya. 20Alimwi Davida wakatola imbelele aŋombe zyoonse, nkabela bakazibinga kunembo lyaŋombe zimwi, bakati, Nzeezi zisaalo zya-Davida.
21 #
Bab 18:15
Elyo Davida wakasika kubantu abo bali myaanda yobile ibakafwide kukataala akubula inguzu zyakutobela Davida, ibakasyaala kukalonga kaBesori. Nkabela bakeza kuzoocinga Davida abantu mbaakali abo, elyo Davida naakasika afwiifwi wakabajuzya. 22#Dt 13:13; Bab 19:22; 1 Sam 22:2; 25:17; 1 Bam 21:10Lino boonse bana-Saatani akati kabaabo Davida mbakeenda abo bakati, Aba teebakatusindikila, Nkaambo kako tatukoobaabila imbono nzitwapilusya, Umwi aumwi atole mukakwe abana bakwe luzutu, bainke abo. 23Pele Davida wakati, Pe, mutaciti obo, bakwesu, nkaambo Jehova nguwatupa zintu ezi, alimwi ngonguwe watubamba kabotu akwaaba mumaanza esu eyo impi iyakazide kuzootulwisya. 24#My 31:27; Jos 22:8; Int 68:12Nguni uukonzya kumuswiilila mumakani aali boobo? Caabilo cayooyo uuya kunkondo cileelede kuba mbubonya mbuli caabilo cayooyo uulindila zintu. Balaabilana cakweelana. 25Nkabela kuzwa kubuzuba obo akusikila sunu wakacibika mbuli mulao aciyanza mu-Israyeli,
26Mpawo Davida naakasika ku-Zikilaga wakatuma imbono zimwi kubapati ba-Juda beenzinyina, wakati, Nceeci cipo cizwa kumbono zyabasinkondonyina Jehova. 27#Matl 12:8; Jos 19:8; 15:48Wakatuma kulibaabo bamu-Beteli, abaabo bamuRama wakumusanza, abaabo bamu-Jatiri, 28#Jos 13:16; 15:50abaabo bamu-Aroeri, abaabo bamu-Sifimoti, abaabo bamu-Estimoa, 29#1 Sam 27:10; Bab 1:16abaabo bamu-Rakala, abaabo muminzi yaba-Jerameli amuminzi yaba-Keni, 30#Bab 1:17abaabo bamu-Horima, abaabo bamu-Korasini, abaabo bamu-Ataki, 31#Jos 14:13; 2 Sam 2:1abaabo bamu-Hebroni, akumasena oonse ngibakali kweenda Davida abantu bakwe.
Currently Selected:
1 Samuele 30: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
