1 Samuele 29
29
Davida mbwaakakasigwa kulwa antoomwe aba-Filisti
1 #
1 Sam 28:1; 4:1; Jos 19:30; 1 Bam 20:30 Lino ba-Filisti bakabunganya basinkondo babo boonse ku-Afeki, abalo ba-Israyeli bakalibungene mumalabba kukasensa ku-Jezreeli. 2#1 Sam 28:1,2Nkabela bami ba-Filisti bakali kuya bweenda mumyaanda yabo amuzyuulu zyabo, alakwe Davida abantu bakwe bakali kuza musule antoomwe a-Akisi, 3#1 Sam 27:7; Dan 6:5; Joh 19:6; 1 Pet 3:16Mpawo bami baba-Filisti bakati, Ino aba ba-Hebrayo bacitanzi? Lino Akisi wakaambila bami baba-Filisti kuti, Teensi oyu Davida mulanda waSaulo mwami wa-Israyeli? Sa takwe naakakede kulindime ciindi cilamfulamfu? Alimwi taakwe nindakamujanina mulandu kuzwa kubuzuba obo mbwaakeza kulindime nikuba kusikila sunu. 4#1 Mak 12:19; 1 Sam 14:21Pele bami baba-Filisti bakamusulwidilwa. Bami baba-Filisti bakamwaambila kuti, Mupilusye oyu muntu, kuti abweede kubusena bwakwe mbookamupa. Atainki aswebo kunkondo, pe, kuti atatubedi sinkondoma munkondo. Oyu muntu abotezye buti mwami wakwe? Sa teensi kukukosola mitwe yabantu aba? 5#1 Sam 18:7; 21:12; Tus 27:14Sa teensi oyu Davida, ngubakali kwiimba mukuzyana kwabo kuti,
Saulo wajaya bantu bali zyuulu,
Davida wajaya makumi aazyuulu?
6 #
My 27:17; 2 Sam 3:25; 2 Bam 19:27; Int 121:8; Is 37:28 Mpawo Akisi wakaita Davida, wakamwaambila kuti, Ncobeni Jehova mbali muumi, uliluleme webo, akwalo kweenda kwako kubusyu bwangu mukati kabasimpi nkubotu, Nkaambo taakwe nindakujanina mulandu kuzwa kubuzuba obo mbokeza kulindime akusikila sunu. Nekubaboobo mumeso aabami toli mubotu. 7Lino piluka, uye aluumuno, kuti utabisizyi bami baba-Filisti. 8Elyo Davida wakaambila Akisi kuti, Ino ndakacitanzi? Mulandunzi ngowandijanina ndemulanda wako kuzwa kubuzuba obo mbundakakusikila kusikila sunu? Nkaambonzi nsikonzyi kuya kuyoolwana abasinkondonyina mwami simalelaangu? 9#2 Sam 14:17; 19:27Mpawo Akisi wakavwiila Davida kuti, Ndizi kuti uli mubotu kumeso aangu mbuli angelo wa-Leza, Nekubaboobo bami baba-Filisti mbibati, Oyu muntu tatweelede kuya awe kunkondo pe. 10Lino mufume cifumofumo, abalo balanda bamwami wako mbowakeza abo, mukabweede kubusena bwanu mbundakamupa, Utakataazigwi mumoyo nkaambo kajwi eli ibi, pe, nkaambo uli mubotu kumeso aangu, Pele mufume mbobuti ee buyo, mwiinke, 11#Int 37:23; 73:2; Tus 16:9; 20:24; Is 30:21; Jer 10:23; 1 Kor 10:13; 2 Sam 4:4Lino nibwakaca Davida wakafuma, abantu bakwe, kuti bapiluke kunyika yaba-Filisti. Abalo ba-Filisti bakaya ku-Jezreeli.
Currently Selected:
1 Samuele 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
