1 Samuele 20
20
Jonatani mbwaakatondezya Davida kuti lusulo molucili mumoyo wa-Saulo
1Lino Davida wakacija kuzwa ku-Nayoti ku-Rama, wakaakwaambila Jonatani kuti, Ino ndacitanzi? Ndi amulandunzi? Ndabisyanzi kulibauso? Nkaambo ulayandaula kundijaya. 2#Matl 44:7; Jos 22:29Lino wakamwaambila kuti, Ne! Tokoofwa pe. Ncobeni taata taciti cintu niciba comwe, niciba cipati niciba ciniini, cita asaangune kundaambila. Lino andisise buti kumakani aya? Takuli boobo pe. 3Pele Davida wakakonka lwabili, wati, Ncobeni uso ulizi kuti ndi muyandwi wako, nciceeco ncaambila kuti, Jonatani atamvwi makani aya, atausi. Nekubaboobo mbuli Jehova mbwali muumi, ambuli nduwe mboli muumi, kwasyaala intaamu yomwe luzutu kuti mfwe. 4Mpawo Jonatani wakaambila Davida kuti, Kufumbwa cintu ncuuyanda moyo wako ndakucitila ncico. 5#My 10:10; 28:11; 2 Bam 4:23; 1 Mak 23:31; 2 Mak 2:4; Ezr 3:5; Neh 10:33; Int 81:3; Is 1:13; Ezk 45:17; 46:6; 1 Sam 19:2; Int 55:12; Joh 8:59; Inc 17:14Nkabela Davida wakaambila Jonatani kuti, Bona! Junza ulakala mweezi, Nindakala amwami kulya, pele uleelede kundicijisya nkayube musokwe mane kusikila izona magolezya. 6#1 Sam 16:4; 9:12Na uso wandizula, elyo umwaambile kuti, Ncobeni Davida wakandilaya kuti, Njiinke ku-Betelehemu kumunzi wangu, nkaambo kuli ipobwe lyakupaila lyamukowa wangu woonse nditupaila myaaka yoonse. 7#Dt 1:23; 2 Sam 17:4Na waamba kuti, Ncibotu, elyo nzooba kabotu ndemulanda wako. Pele na wakalalisya, elyo uzibe kuti ulindikanzilide bubi. 8#Jos 2:14; Rut 1:8; 1 Sam 18:3; 23:18; 2 Sam 14:32Lino uleelede kundifwida luzyalo ndemulanda wako, nkaambo ulitangene ambe ndemulanda wako buzolwani bwa-Jehova, Pele na ndijisi mulandu, undijaye yebo omwini, Nkaambonzi nondileta kulibauso? 9Mpawo jonatani wakaamba kuti, Ne, cilatondwa! Nkaambo na ndazibisya kuti bata balikukanzilide bubi, elyo ncobeni nzooza kuzookulwiida. 10Lino Davida wakaambila Jonatani kuti, Ino nguni uuti ndaambile na bauso bakuvwiila cabukali? 11Nkabela Jonatani wakaambila Davida kuti, Koza, tweende musokwe. Mpawo bakaya boonse bobile musokwe.
12 #
Jos 22:22
Lino jonatani wakaambila Davida kuti, Jehova Leza wa-Israyeli ngokamboni wangu. Ndaakubavukuula bata ciindi ecino junza nanka izona, alimwi ndaakujana kuti makani mabotu kuli-Davida, ncobeni nzookutumina kuzoosinkula matwi aako. 13#Rut 1:17; Jos 1:5; 1 Sam 17:37; 1 Mak 22:11,16Jehova acitile Jonatani mbubonya, nanka kwiindila kuti bata balayanda kukucitila bubi pele mebo ndakaka kusinkula matwi aako akukucijisya kuti uinke caluumuno. Jehova abe ayebo mbubonya mbwaakali abata. 14Nkabela uleelede kundifwida luzyalo lwaJehova ambebo kuti entafwi. Alimwi teensi kwaamba kuti ciindi ncencipona cilike, 15#2 Sam 9:1-7; 21:7; Matl 21:23pele uleelede kwiifwida luzyalo mizukulu yangu mazuba oonse ciindi Jehova ncamana kubanyonyoona boonse basinkondonyina Davida kuzwa ansi ano. 16#1 Sam 25:22; 31:2; 2 Sam 4:7; 21:8Mbuboobo Jonatani mbubakatangana cizuminano amukowa wa-Davida. Wakati, Jehova akoyeke basinkondonyina Davida. 17#1 Sam 18:1; 19:2; 2 Sam 1:26Nkabela Jonatani wakaboola lwabili kukonkya Davida kuluyando ndwaakamuyandisya, nkaambo wakali kumuyandisya mbubonya mbuli mbwaakaliyanda mwini.
18Lino Jonatani wakamwaambila kuti, Junza ulakala mweezi, lino yebo uzoozulwa, nkaambo cuuno cako cizookala buyo. 19#1 Sam 19:2Elyo amana mazuba otatwe ngotawo uleelede kuboola nkukonya oko nkookayubide ciindi ncitwakali kwaamba makani, uzookale kumbali abbwe eli. 20Nkabela mebo nzoofusa mivwi yotatwe kuzooba ange mfusa cintu. 21#Dt 6:13; 10:20; Is 65:16; Jer 4:2Elyo nzootuma mulombe kuti, Koya ukalete mivwi. Lino na ndati, Mivwi ili okuno kubbazu, uboole awe, nkaambo nkokuti uli kabotu, taakwe makani mbuli Jehova mbali muumi. 22Pele na ndaambila mulombe kuti, Langa! Mivwi icili kunembo lyako, elyo uye, nkaambo Jehova wakucijisya. 23Lino kumakani aya ngitwaamba, Jehova uli akati kesu tobile mane kusikila kutamani.
24 #
Tus 27:12
Aboobo Davida wakaakuyuba musokwe, Lino mweezi niwakakala, mwami wakakala kuti alye insima. 25#1 Sam 14:50Nkabela mwami wakakala mpawo mpaakali kukala lyoonse, kucuuno cakubulambo, Jonatani bakalangana awe, Abineri wakakede kubbazu lya-Saulo, pele acuuno ca-Davida katakwe wakakede. 26#Lev 6:2; 7:21; My 19:16; 1 Kor 15:33; 2 Kor 6:17; Ef 2:1-3; 5:11Nkabela obo buzuba Saulo taakwe ncaakaamba pe, nkaambo wakali kuyeeya kuti, Ambweni kuli camucelezya, Ambweni takaina kusamba, takaina kulilondola. 27Pele nibwakaca buzuba bwabili bwamweezi, cuuno ca-Davida kacitakwe iwakakede. Mpawo Saulo wakaambila jonatani mwanaakwe kuti, Ino nkaambonzi mwana wa-Jese natasika kukulya mazuba obile ijilo asunu? 28Lino Jonatani wakavwiila Saulo kuti, Ncobeni Davida wakandilaya kuti, Nje ku-Betelehemu. 29Wakati, Njiinke, nkaambo bamukowa wangu balijisi ipobwe kumunzi, nkabela mupati wangu wandilazya kuti, Uboole. Lino na ulandiyanda, ndizumizya kuti njiinke, nkabone bakwesu. Nciceeco ncaatasikila kuzoolya amwami.
30Mpawo Saulo wakanyemena Jonatani, wakati, Uwe nomwana wamwanakazi simeso-meso sigama, sa tozi kuti obu buzolwani mbotangene amwana wa-Jese bulausya bweeme, bulausya cintanda cabanyoko? 31Nkaambo ciindi coonse ncacipona mwana wa-Jese, tokonzyi kusimpikizigwa bwami yebo, Lino tuma ukamuboozye okuno kulindime, nkaambo uleelede kufwa. 32#Matl 31:36; 1 Sam 19:5; Int 25:3; 69:4; Tus 14:25; 24:11; Mt 27:23; Lk 23:32; Joh 7:31; 15:25Elyo Jonatani wakavwiila Saulo wisi kuti, Ino afwidenzi? Wakacitanzi? 33Mpawo Saulo wakamufusa isumo, kuti amuyase. Mbuboobu Jonatani mbwaakaziba kuti wisi ulikanzide kujaya Davida. 34Lino Jonatani wakanyampuka kuzwa kutafule cakufundilila abukali, takakalya insima kubuzuba obo bwabili bwamweezi, pe, nkaambo wakali abuusu mumoyo wakwe nkaambo ka-Davida, ikuti wisi wakamuusya bweeme.
35Lino nibwakaca jonatani wakaya musokwe mbubonya mbwaakabambide a-Davida, wakaya akalombe kani ini. 36Elyo wakaambila kalombe kuti, Zuzaana, ukalete mivwi njinti fuse. Nkabela kalombe nikakacili kuzuzaana, wakafusa muvwi kunembo lyakwe. 37Lino kalombe nikakasika oko nkuwakabede muvwi ngwaakafusa Jonatani, Jonatani wakaongolweda kalombe, wati, Sa muvwi tuucili kunembo na? 38Alimwi Jonatani wakoongolweda kalombe kuti, Fwambaana, endesya, utaimi-imi. Nkabela kalombe kaJonatani kakabweza mivwi, kakaboola ayo kumwami wakwe. 39Pele kalombe kaatakwe ncakazi pe, jonatani a-Davida luzutu mbibakezi aya makani. 40Mpawo Jonatani wakapa kalombe kakwe zintu zyakwe, wakuti, Koya, utole kumunzi. 41Elyo kalombe mbukakainka buyo, Davida wakayubunuka kuzwa kumbali abbwe, nkabela wakavundama ansi akukotama kotatwe, alimwi bakamyontana akulililana mane Davida wakaindisya kulila. 42Lino jonatani wakaambila Davida kuti, Koya aluumuno, mbubonya mbuli mbutwakakonkezyanya toonse tobile muzina lya-Jehova kuti, Jehova abe akati kesu tobile, aakati kabana bangu abana bako mane kukabe kutamani, Mpawo Davida wakanyamuka, wakainka, alakwe Jonatani wakapiluka kumunzi.
Currently Selected:
1 Samuele 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
