1 Samuele 19
19
Jonatani mbwaakakombelezya wisi kuti atamujayi Davida
1 #
Tus 27:4
Lino Saulo wakaambila mwanaakwe Jonatani abalanda bakwe boonse kuti bajaye Davida. Pele Jonatani mwana wa-Saulo wakali kuyandi sya loko Davida. 2#Inc 23:16Elyo Jonatani wakalwiida Davida kuti, Saulo taata uli mukukuyandaula kuti akujaye. Lino ucenjele cifumo, ukakale kusitilide, ukayube. 3Nkabela mebo ndaboola kuzooima kumbali ataata oko kusokwe nkobede, nzooambaula ataata aanduwe, elyo na nkabone cintu nzookulwiida.
4 #
Tus 31:8; Matl 42:22; 1 Sam 2:25; 2 Mak 6:22; Int 35:12; 109:5; Tus 17:13; Jer 18:20; 1 Kor 8:12; 1 Joh 3:15 Lino Jonatani wakalumbaizya Davida kuli-Saulo wisi, wakamwaambila kuti, Mwami atabisizyi mulanda wakwe Davida, nkaambo walo taakwe naakabisizya nduwe, pe, ulakucitila milimo mibotu loko. 5#Bab 9:17; 12:3; 1 Sam 28:21; Int 119:109; 1 Sam 17:49; 11:13; 1 Mak 11:14; 1 Sam 20:32; Mt 27:4Wakabika buumi bwakwe mujanza lyakwe, wakazunda ba-Filisti, aboobo Jehova wakacitila Israyeli luvuno lupati, ayebo wakalibonena cakukondwa, Lino nkaambonzi noti bisizye muntu uutajisi mulandu? Nkaambonzi noti mujaye buyo Davida? 6Mpawo Saulo naakamvwa ijwi eli lya-Jonatani, wakakonkezya kuti, Ncobeni mbuli Jehova mbali-wo, takoofwa pe. 7Elyo Jonatani wakaita Davida, wakamulwiida aya makani oonse, mpawo Jonatani wakaleta Davida kuli-Saulo, nkabela wakakala kulinguwe mbubonya mbwaakakede ciindi.
Davida mbwaakacija. Mikala mbwaakamugwasya
8Lino alimwi kwakaba inkondo, elyo Davida wakaya kuyoolwana abaFilisti, nkabela wakabakoma alukomo lupati, bakamucija. 9#1 Sam 16:14; 18:10Pele Saulo wakasikilwa oyo muuya mubi uuzwa kuli-Jehova, nkabela naakakede muŋanda wakalijisi isumo mujanza lyakwe, Elyo Davida wakalizya kantimbwa, 10#Job 5:2; Int 5:6; Tus 1:16; 29:10nkabela Saulo wakasoleka kuyasa Davida as umo kuti amusyanikizye kubulambo. Pele wakacija kuzwa kuli-Saulo, isumo lyakwe lyakayasa kubulambo buyo. Mpawo ayo masiku ngaonya Davida wakaloboka akulivuna.
11 #
Int 59:1
Nkabela Saulo wakatuma batumwa kuŋanda ya-Davida kuyoomulanga akumujaya cifumo. Elyo Mikala mukakwe wakaambila Davida kuti, Wataloboka sunu masiku nocili muumi, junza ulajayigwa. 12#Jos 2:15; Inc 9:24,25; 2 Kor 11:32,33Lino Mikala wakaselusya Davida ampulunguzyo, aboobo wakainka, wakaloboka akulivuna. 13#Matl 31:19; Bab 17:5Mpawo Mikala wakabweza cikozyano, wacilazika abulo, wabika amusego waboya bwampongo kumutwe waco, akucivumba ingubo. 14Elyo Saulo naakatuma batumwa kuyooleta Davida, wakati, Waciswa. 15Lino alimwi Saulo wakatuma batumwa kuyoomubona Davida. Wakati, Mukamutembe abulo, mumulete okuno kulindime, nzoomujaye. 16Lino abo batumwa nibakasika bakabona kuti abulo ali cikozyano, amusego waboya bwampongo kumutwe waco. 17#2 Sam 2:22Mpawo Saulo wakaambila Mikala wati, Nkaambonzi nowandeena obo? Nkaambonzi nowamucijisya sinkondoma akumuvuna? Lino Mikala wakavwiila Saulo kuti, Nguwakandaambila kuti, Ndicijisya kumbi. Watandicijisya ndakujaya.
Davida mbwaakaswaya Samuele ku-Roma
18 #
Tus 17:17; Mal 2:7 Lino Davida wakacija, walivuna, wasika kuli-Samuele ku-Rama, akumulwiida makani oonse ngaakamucitila Saulo. Elyo bakainka a-Samuele kuyookala ku-Nayoti. 19Nkabela Saulo wakaambilwa kuti, Bona! Davida uli ku-Nayoti ku-Rama. 20#Joh 7:32,45; 1 Sam 10:5,6; 1 Kor 14:3,24,25; My 11:25; Joel 2:28Mpawo Saulo wakatuma batumwa kuyoomuleta Davida, pele nibakabona inkamu yabasinsimi balasinsima a-Samuele uliimvwi mbuli silutwe wabo, elyo Muuya wa-Leza wakabasikila abo batumwa ba-Saulo, mpawo bakasinsima abalo. 21Lino nibakalwiida Saulo, wakatuma abambi batumwa, pele abalo aba bakasinsima. Alimwi Saulo wakatuma batumwa bambi lwatatu, abaaba abalo bakasinsima mbubonya. 22Mpawo wakainka alakwe mwini ku-Rama, wasika kucikala cipati cakuSeku, wabuzya kuti, Ino bali kuli Samuele a-Davida? Nkabela bakati, Bali ku-Nayoti ku-Rama. 23#Matl 31:24; My 23:5; 24:2; 1 Sam 10:10; Tus 21:1; Dan 4:35; Mt 7:22; Joh 11:51; 1 Kor 13:2Mpawo naakazwa oko wakaya ku-Nayoti kuRama, nkabela Muuya wa-Leza wakamusikila alakwe mwini, wakali kuya businsima mane wakasika ku-Nayoti ku-Rama. 24#1 Sam 10:11-12; Is 20:2; 2 Sam 6:14,20; Mik 1:8; Inc 9:21Mpawo wakasamununa zikobela zyakwe, wasinsima alakwe kubusyu bwa-Samuele. Nkabela wakawida ansi acintanda obo buzuba boonse isikati amasiku. Nciceeco ncibaambila kuti, Sa Saulo alakwe musinsimi?
Currently Selected:
1 Samuele 19: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
