1 Samuele 18
18
Jonatani mbwaakatangana buzolwani a-Davida
1 #
Matl 44:30; 2 Sam 18:33; Kol 2:2; Dt 13:6; 1 Sam 19:2; 20:17; 2 Sam 1:26; Tus 18:24; Joh 15:17-19; 1 Joh 3:12-14 Lino naakamana kwaambaula a-Saulo, moyo wa-Jonatani wakaswaana amoyo wa-Davida, nkabela Jonatani wakamuyandisya mbuli mbwali yanda mwini. 2#1 Sam 8:11; 14:52; 17:15Nkabela Saulo wakamutola mubuzuba obo mbubonya, takakamuzumizya kuti apiluke limbi kuliwisi. 3Elyo Jonatani a-Davida bakatangana buzolwani, nkaambo wakali kumuyandisya mbuli mbwaliyanda mwini. 4Alimwi Jonatani wakasamununa cibaki ncaakasamide, wakapa Davida, azyakusama zyakwe zyoonse, apanga lyakwe abuta bwakwe alutambo lwakwe. 5Lino Davida wakaya koonse nkwaakamutuma Saulo, wakacita kabotu, nkabela Saulo wakamupa bwami bwakweendelezya basilumamba, Nkabela wakabota mumeso aabantu boonse amumeso aabalanda ba-Saulo.
Saulo mbwaakafwida Davida ibbivwe
6 #
Kul 15:20; Bab 5:1,2; 11:34; Int 68:25; 150:4; Jer 31:4 Lino nibaboola ciindi eco Davida ncaakazwa kukujaya mu-Filisti, banakazi bakazwa muminzi yoonse ya-Israyeli, bakali kwiimba akuzyana, bakeza kuzoocinga mwami Saulo atugoma akukondwa atuntimbwa. 7#1 Sam 21:11; 29:5; Kul 15:21; Bab 5:3; 2 Mak 5:13; Int 24:1-10; Is 5:1Nkabela banakazi ibakali kusekelela bakali kuvwiilana kuti,
Saulo walaya bantu bali zyuulu,
Davida wajaya makumi aazyuulu.
8 #
Muk 4:4
Mpawo Saulo wakakalala loko, nkaambo aya makani akabija kumeso aakwe. Wakati, Davida bamutembawida makumi aazyuulu, pele mebo banditembawida zyuulu buyo. Ino ncinzi cicimusyaalide cita bwami? 9#Matl 4:5; 31:2,5; Mt 20:15; Lk 15:28Nkabela Saulo wakali kucenyena Davida kuzwa kubuzuba obo mbubonya. 10#1 Sam 16:14; 19:24; 1 Bam 18:29; Inc 16:16Lino nibwakaca, oyo muuya mubi uuzwa kwa-Leza wakamuselukila Saulo canguzu, nkabela wakali kulabalika mukati kaŋanda. Elyo Davida wakatalika kulizya kantimbwa mbuli mbwaakali kucita mazuba oonse. Nkabela mujanza lya-Saulo mwakali isumo. 11#1 Sam 19:10; 20:33; Tus 27:24Mpawo Saulo wakaliwaala elyo isumo, wakati, Mujayile kubulambo Davida. Pele Davida wakamusotokela kumbi ziindi zyobile.
12 #
1 Sam 16:13; 28:15 Nkabela Saulo wakali kuyoowa Davida, nkaambo Jehova wakali awe pele wakalilekede kuba a-Saulo. 13#My 27:17; 2 Sam 5:2Elyo Saulo wakamugwisya kulinguwe, wakamubika kuba silutwe wankamu yacuulu. Nkabela Davida wakali kuya akuboola kumeso aabantu, 14#Matl 39:2; Jos 6:27; 1 Sam 10:7; 16:18; Inc 7:9; 18:10alimwi wakali kucita kabotu munzila zyakwe zyoonse, alakwe Jehova wakali awe. 15Lino Saulo wakabona mbwaakali kucita kabotu loko, aboobo wakali kukankama kubusyu bwakwe. 16Pele boonse ba-Israyeli aba-Juda bakali kuyandisya Davida, nkaambo wakali kuya akuboola kumeso aabo.
Davida mbwaakakwata Mikala mwana wa-Saulo
17 #
1 Sam 17:25; My 32:20; 1 Sam 25:28; 2 Sam 12:9 Lino Saulo wakaambila Davida kuti, Langa, ngooyu Merabi mwana wangu musimbi mupati. Ngwenti kupe kuti umukwate, pele uleelede kuba mwaalumi sikaainya wakulwa inkondo zya-Jehova. Nkaambo Saulo wakali kuyeeya kuti, Entamujayi ajanza lyangu ndemwini, ajayigwe kumaanza aabaFilisti. 18#Rut 2:10; 1 Sam 9:21; 2 Sam 7:18; Tus 15:33Mpawo Davida wakaambila Saulo kuti, Ino mebo ndimeni? Buumi bwangu buli buti? Awalo mukowa wataata uli buti? Sa ndakonzya kuba mukwe wamwami na? 19#2 Sam 21:8; Bab 7:22Pele kuciindi eco Merabi mwana wa-Saulo ncakeelede kupegwa Davida wakakwatizigwa kuli-Adrieli muHolati. 20Nkabela Mikala mwana musimbi wa-Saulo wakali kuyandisya Davida, elyo bakaambila Saulo, nkabela eyi inkani yakamubotela. 21#Kul 10:7; Int 7:14-16; Tus 26:24-26; Jer 5:26; 9:8Lino Saulo wakati, Ndamupa, kuti amubede mbuli coongelezyo, kuti ajayigwe kumaanza aaba-Filisti. Mpoonya awo Saulo wakaambila Davida kuti, Sunu ulaba mukwe wangu lwabili. 22Elyo Saulo wakalailila balanda bakwe, wakati, Amwaambile Davida kumbali, muteeti, Bona! Mwami wakubotelwa, abalo balanda bakwe boonse balakuyanda. Lino ube mukwe wamwami. 23Nkabela balanda ba-Saulo bakaamba aya makani mumatwi aa-Davida, Mpawo Davida wakati, Sa muyeeya kuti ncintu ciniini buyo kuba mukwe wamwami na? Mebo ndi mutengwana, ndi muntu Musampausi buyo. 24Lino Saulo bakamwaambila balanda bakwe kuti, Ngaaya makani ngaamba Davida.
25 #
Matl 34:12; Kul 22:17; 1 Sam 14:24 Lino Saulo wakati, Mboobu mbumweelede kwaambila Davida. Amwaambe kuti, Mwami tayandi lubono pe, cita indomo zili mwaanda zyabaFilisti batapalwidwe, kuti mwami akoyeke kuli basinkondonyina. Nkaambo Saulo wakali kuyeeya kujazya Davida kumaanza aaba-Filisti. 26Mpawo balanda bakwe bakaambila Davida makani aya, nkabela makani akamubotezya Davida kuba mukwe wamwami. Elyo mazuba kaatana kumana, 27#2 Sam 3:14Davida wakanyamuka, wakainka, walo abantu bakwe, akujaya ba-Filisti bali myaanda yobile. Mpawo Davida wakaleta indomo zyabo, wakazipa mwami zyoonse, kuti abe mukwe wamwami. Elyo Saulo wakamukwatya Mikala mwana wakwe. 28Nkabela Saulo wakabona akuziba kuti Jehova uli a-Davida, alimwi Mikala mwana wa-Saulo wakali kumuyanda. 29#1 Sam 12:15; Job 5:2,12,13; Int 37:12,13; Muk 4:4; Jak 2:13Lino Saulo wakaindila kumuyoowa Davida, wakali sinkondonyina Davida mazuba oonse.
30 #
2 Sam 11:1; Lk 21:15 Elyo bami baba-Filisti bakeza kuzoolwana, nkabela kufumbwa ciindi ncibakeza, Davida wakacita kabotu kwiinda balanda boonse ba-Saulo, aboobo izina lyakwe lyakalemekwa loko.
Currently Selected:
1 Samuele 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
