1 Samuele 17

Davida mbwaakajaya Goliati

1 # Jos 15:35; 2 Mak 28:18 Lino ba-Filisti bakabunganya basilumamba babo kuyoolwana, nkabela bakabungana ku-Soko mucisi ca-Juda, akuyaka malabba aabo akati ka-Soko a-Azeka ku-Efesidamimu. 2Alakwe Saulo abantu ba-Israyeli bakabungana akuyaka malabba aabo mukuti lya-Ela, elyo bakalibambila inkondo kuyoolwana aba-Filisti. 3Nkabela ba-Filisti bakaliimvwi atala acilundu kumwi kubbazu, abalo ba-Israyeli bakaliimvwi atala acilundu kumwi kubbazu, akati kakuli mweezi. 4#2 Sam 21:19; 1 Mak 20:5; Jos 11:22; 2 Sam 21:22; 1 Mak 8:13; 18:1; 20:8; 2 Mak 26:6; Am 6:2Lino kwakazwa muntu sikwiimaakati kuzwa kumalabba aaba-Filisti, izina lyakwe kali Goliati waku-Gati, Bulamfu bwakwe bwakali zikokola zili musanu acimwi acisela. 5Kali angowani yamundalila amutwe wakwe, alimwi kasamide cibaki cakulwisya cili amapapa, bulemu bwaco bwakali masekeli aamundalila aali zyuulu zyosanwe. 6Kumaulu aakwe kasamide matapisi aamundalila, alimwi wakalikulikide amuumba wamundalila. 7#2 Sam 21:19; 1 Mak 11:23Nkabela luti lwasumo lyakwe lwakali mbuli cisamu casikuluka, ayalo nyinza yalyo yakali abulemu bwamasekeli aabutale aali myaanda iili musanu aumwi, Nkabela sikuyumuna intobo wakali kumuzulwida. 8#1 Sam 8:17; 1 Mak 21:3Elyo wakaima, wakoongolola kulibasinkondo baba-Israyeli, wakabaambila kuti, Ino nkaambonzi nimwazwa kuzoobamba mindando yakulwana? Sa mebo nsili mu-Filisti, anywebo tamuli balanda ba-Saulo na? Amulisalile muntu, aze okuno kulindime. 9#1 Sam 11:1Na ulakonzya kundilwisya akundijaya, elyo tulaba bazike banu, pele na muzunde ndime akumujaya, inywe mulaba bazike besu akutubelekela milimo. 10#2 Sam 21:21; Neh 2:19Mbuboobu mbwaakaamba oyo mu-Filisti, Wakati, Ndabasampaula basinkondo baba-Israyeli, Amundipe muntu, tulwane awe. 11Nkabela Saulo aba-Israyeli boonse nibakamvwa aya majwi aamu-Filisti bakakankama akuyoowa loko,

12 # Rut 4:22; 1 Sam 16:1,18; Matl 35:19; 1 Sam 16:10,11; 1 Mak 2:13 Lino Davida kali mwana wayooyo muna-Efraimu waku-Betelehemu mucisi ca-Juda, izina lyakwe kali jese. Oyu Jese kajisi bana bali musanu abatatu, nkabela muciindi ca-Saulo wakacembaala-cembaala. 13#1 Sam 16:6; 1 Mak 2:13Nkabela bana ba-Jese bapati botatwe bakainka a-Saulo kunkondo. Mazina aabaaba botatwe ibakainka kunkondo ngaaya: mutaanzi kali Eliabu; wabili kali Abinadabu, awatatu kali Sama. 14Davida nguwakali muni ini, nkabela aba botatwe bapati bakainka a-Saulo. 15Lino Davida wakali kuya kwa-Saulo akuboola kuzooembela imbelele zyawisi mu-Betelehemu. 16Nkabela oyo mu-Filisti lyoonse wakali kuswena kuzooima afwiifwi cifumofumo amangolezya mazuba aali makumi one.

17Elyo Jese wakaambila Davida mwanaakwe wati; Batolele bakulana bako eci cisuwo camaila mayoke, azeezi zinkwa zili ikumi, ufwambaane kuya kumalabba kubakulana bako. 18#Matl 37:14Alimwi ezi zinkuli zyabwanda zili ikumi uzitolele silutwe wankamu yabo. Nkabela uleelede kuswaya bakulana bako akundiboozezya cirondezyo cakupona kwabo. 19Lino Saulo wakali abo bantu boonse ba-Israyeli mukuti lya-Ela, bakali kulwana aba-Filisti.

20Elyo Davida wakafuma loko, wakasia imbelele mumaanza aasikweembela, wakanyamuka, wakainka mbubonya mbuli mbwaakamulailila Jese. Nkabela wakasika nkuzyakabede iŋola ciindi basinkondo ncibakalibambilide inkondo, bakali kuyobeka kuya kunkondo. 21Linoba-Israyeli bakaimikila kumwi kubbazu, abalo ba-Filisti bakaimikila kumwi kubbazu. 22Mpawo Davida wakasia zintu mumaanza aamulangi, wakazuzaana kunkondo, wakeza kuzoojuzya bakulana bakwe. 23#Matl 43:27; Bab 18:15Elyo naakacili kwaambaula abo, kwakazwa oyo sikwiimaakati mu-Filisti waku-Gati, izina lyakwe ngu-Goliati. Wakazwa kumilongo yaba-Filisti, wakaamba majwi ayo ngaonya, alakwe Davida wakaaswiilila. 24Nkabela bantu boonse ba-Israyeli nibakamubona oyo muntu, bakacija, bakayoowa loko. 25#Jos 15:16Lino bantu ba-Israyeli bakati, Sa mwamubona oyu muntu uulibonya? Ncobeni walibonya kukusampaula Israyeli, Lino na kuli muntu uukonzya kumujaya, mwami ulamupa lubono lunji, alimwi ulamupa mwana wakwe kuti akwate, nkabela ciinga cawisi cilalikalila mu-Israyeli. 26#1 Sam 11:2; 14:6; Dt 5:26; Jer 10:10Mpawo Davida wakaambila abo bantu mbaakaimvwi abo kuti, Ulacitilwa buti muntu uujaya oyu mu-Filisti akugwisya lusampauko ku-Israyeli? Nkaambo nguni oyu mu-Filisti uutapalwidwe? Sa ulakonzya kusampaula basinkondo ba-Leza muumi na? 27Lino bantu bakamwaambila mbubonya obo. Bakati, Mbuboobo mbazoocitilwa muntu uuzoomujaya. 28#Matl 37:4; Tus 18:19; 27:4; Muk 4:4; Mt 10:36; 27:18; Mk 3:21Nkabela Eliabu mupati wakwe wakaswiilila naakali kwaambila bantu, elyo bukali bwa-Eliabu bwakabukila Davida, wakati, Ino nkaambonzi noweza okuno? Nguni ngoosiila oto tubelele munkanda? Ndizi cisapi cako abubi bwamoyo wako, nkaambo nkubona inkondo ncowasikila. 29#Tus 15:1Lino Davida wakati, Ino ndacitanzi? Taakwe makani ngindaamba. 30Elyo wakacindulukila kulyuumbi, wakaamba ayo makani ngaonya, nkabela bantu bakavwiila mbubonya mbuli ijwi litaanzi. 31Nkabela majwi ngaakaamba akamvwigwa, alimwi bakaatola kuli-Saulo, elyo wakamutumina,

32 # My 13:30; 14:9; Dt 20:1,3; Is 30:3; Heb 12:12; 1 Sam 16:18 Nkabela Davida wakaambila Saulo kuti, Kutabi muntu naba omwe uulengula moyo wakwe nkaambo kanguwe. Ime ndemulanda wako nzooya kuyoolwana amu-Filisti oyu. 33#My 13:31; Dt 9:2Mpawo Saulo wakaambila Davida kuti, Tokonzyi kuyoolwisya oyu mu-Filisti, pe, nkaambo yebo ucili mwanike, walo ngusinkondo kuzwa kubwanike bwakwe. 34Lino Davida wakaambila Saulo kuti, Ime ndemulanda wako nindakali kweembela imbelele zyataata, kwakasika mulavu asuntwe, wakaluma imwi imbelele mubutanga. 35Mpawo ndakainka kuyoomutobela, ndakamuuma akwiivuna kumulomo wakwe, nkabela naakandibukila, ndakamujata kucilezu, ndakamuuma akumujaya. 36Mulavu asuntwe ndakabajaya boonse, ndemulanda wako, nkabela oyu mu-Filisti uutapalwidwe uzooba mbubonya mbuli umwi wabo, nkaambo wasampaula basinkondo ba-Leza muumi. 37#1 Sam 7:12; Int 18:16,17; 138:3; 2 Kor 1:10; 2 Tim 4:17,18; 1 Sam 20:13; 1 Mak 22:11,16Alimwi Davida wakati, Jehova wakandivuna kumaanza aamulavu asuntwe, nkabela nguwe uuzoondivuna kumaanza aamu-Filisti oyu. Mpawo Saulo wakaambila Davida kuti, Koya, Jehova abe ayebo.

38Nkabela Saulo wakasamika Davida zyakusama zyakwe, wakabika ingoani yamundalila amutwe wakwe akumusamika zyakulwisya. 39Elyo Davida wakaseka ipanga lyakwe atala azyakusama zyakwe, pele wakakacilwa kweenda, nkaambo katazizibide. Lino Davida wakaambila Saulo kuti, Nsikonzyi kweenda azeezi, nkaambo nsizizibide, Nkabela Davida wakazisamununa. 40Mpawo wakabweza inkoli mujanza lyakwe, wakaakusala mabwe osanwe aabulungene mukalonga, wakaabika mucibikilo cabweembezi ncaakajisi, munkomo, alyalo inkwilipo lyakali mujanza lyakwe, elyo wakaswena kufwiifwi kumu-Filisti, 41Alakwe mu-Filisti wakali kuza buswena kufwiifwi kuli-Davida, nkabela sikuyumuna zintu zyakwe wakamusolweda. 42#Int 123:4; 1 Kor 1:27,28; 1 Sam 16:12Elyo mu-Filisti naakalanga, wakabona Davida, nkabela wakamusampaula, nkaambo wakacili mwanike, kacibalangala akweebeka kukulanga. 43#1 Sam 24:14; 2 Sam 3:8Mpawo mu-Filisti wakaambila Davida kuti, Sa ndi mubwa na, noza kulindime ankoli? Nkabela mu-Filisti kumizimu yakwe wakatukila Davida.

44 # 1 Bam 20:10,11; Jer 9:23; Ezk 28:2-10; 39:17-20 Elyo mu-Filisti wakaambila Davida kuti, Boola kulindime, Mubili wako njooupa bayuni bakujulu abanyama bamusokwe. 45#2 Sam 22:33,35; 2 Mak 32:8; Int 124:8; 125:1; Tus 18:10; 2 Kor 10:4; Flp 4:13; Heb 11:33,34Pele Davida wakaambila mu-Filisti kuti, Webo ulaboola kulindime apanga asumo amuumba, pele mebo ndeza kulinduwe muzina lya-Jehova wamakamu makamu, Leza wabasinkondo ba-Israyeli ngosampaula. 46#Dt 28:26; Jos 4:24; 1 Bam 8:43; 18:36; 2 Bam 19:19; Is 52:10Mubuzuba obuno Jehova ulakwaaba mumaanza aangu, elyo nzookujaya akukukosweda mutwe, ayalo mitunta yamakamu aabasinkondo baba-Filisti sunu ndiipa bayuni bakujulu abanyama baansi, kuti bantu boonse baansi bazoozibe kuti Israyeli uli a-Leza 47#Int 44:6,7; Hos 1:7; Zek 4:6; 2 Mak 20:15Abalo aba bantu boonse babungene ano bazoozibe kuti ipanga asumo tazyeensi nzyavunya Jehova pe, nkaambo inkondo njiya-Jehova nkabela ulamwaaba mumaanza esu. 48Elyo mu-Filisti naakanyamuka akuza buswena afwiifwi kuzooswaana a-Davida, alakwe Davida wakafwambaana kuzuzaana kunkondo kuyooswaana amu-Filisti. 49Lino Davida wakanjizya ijanza munkomo yakwe, wakagwisya ibbwe, wakaliwaala akwizo, wakauma mu-Filisti ankumu. Nkabela elyo ibbwe lyakabbila munkumu, mpawo wakawida ansi watibama. 50#2 Sam 21:19; 23:21; 1 Sam 21:9; Bab 3:31; 15:15Mbuboobo Davida mbwaakazunda mu-Filisti abbwe lyakwizo. Wakaunla mu-Filisti akumujaya, pele katakwe ipanga mujanza lya-Davida, 51#2 Sam 21:19; Heb 11:34Elyo Davida wakazuzaana, waakumwiiminina muFilisti, wakabweza ipanga lyakwe, wakalisomona mucikanda calyo, wakamujaya, wakamukosola mutwe. Mpawo ba-Filisti nibakabona kuti wafwa sikwiimaakati wabo, bakacija.

52 # Jos 15:36 Mpoonya awo bantu ba-Israyeli aba-Juda bakanyamuka, bakoongolola, bakali kuya butanda ba-Filisti mane kusikila ku-Gati akumilyango yaEkroni. Nkabela bantu bayasidwe baba-Filisti bakali kuya buwizuka munzila yaku-Saaraimu mane kusikila ku-Gati aku-Ekroni. 53Elyo bana ba-Israyeli bakapiluka kuzwa kukutanda ba-Filisti, bakaakusaala zintu zyakumalabba aabo. 54Nkabela Davida wakabweza mutwe wamu-Filisti, wakauleta ku-Jerusalemu, azyalo zintu zyakwe wakazibika mutente lyakwe.

55 # 1 Sam 16:21,22 Lino Saulo naakabona Davida ulainka kuyoolwana amu-Filisti, wakaambila Abineri silutwe wabasinkondo bakwe kuti, Nguni uuli amwana oyu, Abineri? Nkabela Abineri wakati, Ncobeni mbuli mboli muumi, mwami, nsizi. 56Nkabela mwami wakati, Buzya na mwana wani oyu mulombe. 57Elyo Davida naakapiluka kuzwa kukujaya mu-Filisti, Abineri wakamubweza, wakamutola kuli-Saulo, amutwe wamu-Filisti mujanza lyakwe. 58#Rut 4:22; 1 Mak 2:13-15; Is 11:1,10; Mt 1:6; Inc 13:22; Rom 15:12Lino Saulo wakamwaambila kuti, Nguni uso, mulombe? Nkabela Davida wakati, Ndi mwana wamulanda wako Jese waku-Betelehemu.

Currently Selected:

1 Samuele 17: Ibbaib63

Highlight

Copy