1 Samuele 16
16
Samuele mbwaakananika Davida
1 #
2 Bam 9:1; Int 78:70; Inc 13:22 Lino Jehova wakaambila Samuele kuti, Ino kusikila kuciindinzi ncocinoolilila Saulo? Mebo ndamukaka kuba mwami waba-Israyeli. Kozuzya luja lwako mafuta, unyamuke, ndakutuma kuli-Jese waku-Betelehemu, nkaambo ndalisalila mwami akati kabana bakwe. 2#1 Sam 20:29Mpawo Samuele wakati, Ino njiinke buti? Na Saulo wamvwa, ulandijaya. Nkabela Jehova wakaamba kuti, Bweza moombe mupwizi mujanza lyako, elyo ukaambe kuti, Ndeza kuzoopailila Jehova. 3#Kul 4:15; 1 Sam 9:16Lino uleelede kwiita Jese kukupaila, elyo nzookuzibya mboelede kucita, nkabela uzoondinanikila oyo ngunzookwaambila. 4#1 Sam 21:1; 2 Sam 6:9; 1 Bam 17:18; Hos 6:5; 11:10; Lk 5:8; 8:37; Inc 24:25; 1 Bam 2:13; 2 Bam 9:22Mpawo Samuele wakacita mbubonya mbwaakaamba Jehova, wakaakusika ku-Betelehemu. Nkabela basinkuta bamunzi bakali kukankama kukusika kwakwe, bakati, Sa weza caluumuno? 5#Kul 19:10Wakati, Ncaluumuno. Ndeza kuzoopailila Jehova. Amulisalazye, twiinke anywe kuyoopaila. Lino wakasalazya Jese abana bakwe akubaita kukupaila. 6#1 Bam 12:26Nkabela nibakasika, wakabona Eliabu, elyo wakati, Ncobeni nguuno munanike waJehova waboneka lino kubusyu bwakwe. 7#Int 147:10; Is 55:8; 2 Kor 10:7; 1 Bam 8:39; 1 Mak 28:9; 2 Mak 16:9; Int 7:9; Jer 11:20; 17:10; Inc 1:24; Ciy 2:23Pele Jehova wakamwaambila kuti, Utalangi ciwa cakwe nibuba bulamfu bwacimo cakwe, nkaambo ndamukaka. Nkaambo Jehova talangi mbuli mbwalanga muntu pe. Muntu ulabona busyu buyo, pele Jehova ulabona moyo. 8Mpawo Jese wakaita Abinadabu akumwiinzya kumeso aa-Samuele. Pele wakati, Alakwe oyu teensi nguwe ngwaasala Jehova. 9Mpawo Jese wakainzya Sama, pele wakati, Alakwe oyu teensi nguwe ngwaasala Jehova. 10Alimwi jese wakainzya bana bakwe bali musanu ababili kumeso aa-Samuele, pele Samuele wakaambila Jese kuti, Taakwe naba omwe ngwaasala Jehova akati kabaaba. 11#1 Sam 17:12; 2 Sam 7:8; Int 78:70Lino Samuele wakaambila jese wati, Sa bana bako mpobali boonse awa? Nkabela wakati, Kwasyaala omwe muniini, uleembela imbelele. Mpawo Samuele wakaambila Jese kuti, Tuma, kuti bamulete, nkaambo tatukonzyi kukala cita asike okuno. 12#Lwi 5:10; 1 Sam 9:17Elyo wakatuma kuyoomuleta, nkabela wakali kubalangala akweebeka akubota kwakubotezya meso. Mpoonya awo Jehova wakaamba kuti, Buka, umunanike, nkaambo ngonguwe oyu. 13#Int 89:20; My 27:18; Bab 11:29; 13:25; 14:6Mpawo Samuele wakabweza luja lwamafuta, wakamunanika akati kabakwabo. Lino Muuya wa-Jehova wakaselukila Davida canguzu kuzwa kubuzuba obo. Nkabela Samuele wakanyamuka kuya ku-Rama.
Saulo mbwaakatumina Davida kuti amutontozye kukusobana
14 #
1 Sam 18:12; Bab 16:20; Int 51:11; Bab 9:23; 1 Sam 19:9; Is 19:14 Lino Muuya wa-Jehova wakazwa kuli-Saulo, nkabela muuya mubi iwakazwa kuli-Jehova wakali kumukataazya. 15Elyo bazike ba-Saulo bakamwaambila kuti, Bona! Muuya mubi uuzwa kwa-Leza uli mukukukataazya. 16Mwami wesu atwaambile swebo tobazike bakwe notuli waano, kuti tuyandaule umwi muntu uuzi kusobana kantimbwa, elyo kufumbwa ciindi ncoli amuuya oyo mubi uuzwa kwa-Leza ulakusobanina ajanza lyakwe, ulaba kabotu. 17Mpawo Saulo wakaambila bazike bakwe kuti, Mbubo, amundilangwide muntu uuzi kabotu kusobana, mumulete kulindime. 18Lino umwi wabalanda bakwe wakavuwa wati, Bona! Ndibwene umwi mwana wa-Jese waku-Betelehemu uuzi kusobana, alimwi ngumwaalumi sintaze, muyumu wankondo, ulijisi busongo bwakumvwisya makani, alimwi mweebesi, nkabela Jehova uli awe. 19Mpawo Saulo wakatuma batumwa kuli-Jese, wakati, Unditumine mwanaako Davida, oyo uuembela imbelele. 20Lino Jese wakabweza imbongolo yakuyumuna zinkwa ankomo yawaini akana kampongo komwe, wakazituma mujanza lya-Davida mwanaakwe kuliSaulo. 21#Matl 41:46; 1 Bam 10:8; Tus 22:29Nkabela Davida wakasika kuli-Saulo, wakaima kumeso aakwe, nkabela wakamuyandisya loko, elyo wakaba sikuyumuna zilwisyo zyakwe. 22Lino Saulo wakatuma kuli-Jese, wakati, Davida akale okuno kulindime, nkaambo wandibotela loko. 23Nkabela kufumbwa ciindi Saulo ncaasikilwa oyo muuya uuzwa kuli-Leza, elyo Davida wabweza kantimbwa kakwe, walizya, mpawo Saulo watontozegwa mumoyo, waba kabotu, muuya mubi wamusia.
Currently Selected:
1 Samuele 16: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
