1 Makani 28
28
Davida mbwaakabambila Solomoni milimo yakuyaka intempele
1 #
Jos 23:2; 24:1; 1 Mak 23:2; 27:16; Kul 18:25; Dt 1:15; 1 Mak 27:1,25; 11:10 Lino Davida wakaita boonse bami ba-Israyeli, bami bamisyobo abami bankamu zyabasimilimo bamwami abami bazyuulu abami bamyanda abami bambono abaŋombe zyamwami abana bakwe abasiŋanda abasilumamba abaalumi basintaze boonse, wababunganya ku-Jerusalemu. 2#Dt 17:20; 1 Mak 11:1-3; Int 22:22; Heb 2:11; 2 Sam 7:2; 1 Bam 8:17; 1 Mak 17:2; 2 Mak 6:8,9; Int 132:3,7Nkabela mwami Davida naakanyampuka, wakabaambila kuti, Amundiswiilile nubakwesu abantu bangu, Mumoyo wangu ndakali kuyanda kuyaka iŋanda yakulyokezezya yabbokesi lyacizuminano ca-Jehova acuuno camaulu aa-Leza wesu, aboobo ndakatalika kulibamba kuyaka, 3#2 Sam 7:5; 1 Bam 5:3; 1 Mak 17:4; 22:8Pele Leza wakandaambila kuti, Toelede kuyakila izina lyangu iŋanda pe, nkaambo uli muntu wankondo, watila bulowa, 4#1 Sam 16:7; Matl 49:8; 1 Sam 16:1,12Nekubaboobo Jehova Leza wa-Israyeli nguwakandisala mebo akati kabasiŋanda boonse bataata kuti mbe mwami wa-Israyeli lyoonse, nkaambo wakasala musyobo wa-Juda kuti ube musolozi, alimwi mumusyobo wa-Juda wakasala luzubo lwataata, alimwi akati kabana bataata wakasala ndime kuti mbe mwami wacisi coonse ca-Israyeli. 5#1 Mak 3:1; 14:4-7; 22:9Nkabela akati kabana bangu (nkaambo Jehova wandipa bana banji) wasala Solomoni kuti akale acuuno cabwami bwa-Jehova mucisi ca-Israyeli. 6#2 Mak 1:9Wakandaambila kuti, Mwanaako Solomoni nguuelede kuyaka iŋanda yangu alubanza lwayo, nkaambo ngonguwe ngundasala kuti abe mwanaangu, ambebo njooba wisi, 7#1 Bam 9:4; 11:11; 1 Mak 22:13Nkabela bwami bwakwe njoobwiimika nji na wakakatila kukubamba milao yangu ambeta zyangu mbubonya mbwacita sunu, 8#Dt 4:1Nkaambo kako ndamucenjezya, kumeso aaba-Israyeli boonse, imbungano ya-Jehova amumatwi aa-Leza wesu, kuti mubike myoyo yanu kukubamba milazyo yoonse yaJehova Leza wesu, kuti muvube nyika eyi imbotu, akwiisia mumaanza aabana banu baciza, ibe lukono lwabo mazuba oonse mane kukabe kutamani.
9 #
Int 9:10; Jer 9:24; Hos 4:1; Joh 17:3; 2 Bam 20:3; Int 101:2; 1 Sam 16:7; 1 Bam 8:39; 1 Mak 29:17; Ciy 2:23; 2 Mak 15:2; Mt 7:7; Jak 4:8,10 Ayebo Solomoni mwanaangu, koziba Leza wauso, akumumanina milimo camoyo woonse acamiyeeyo iizuminisya, nkaambo Jehova ulalingula myoyo yoonse, ulazibisya makanze oonse amiyeeyo yoonse, Na ulamuyandaula, ulamujana, pele na wamuleka, ulakusowelela, 10#1 Mak 22:16; Tus 4:23Lino swiilila! Jehova wakusala kuti uyake iŋanda, ibe busena busalala. Koliyumya, ukacite obo.
11 #
Kul 25:40; 1 Bam 6:2 Mpawo Davida wakapa Solomoni mwanaakwe cifwanikisyo calukonkono lwakunembo lyantempele acamaanda aayo acaziyobwedo zyayo azyatwaanda twayo twakujulu acatwaanda twayo twamukati acaŋanda yacuuno caluzyalo, 12#1 Mak 26:20acifwanikisyo cazyoonse nzyaakayeeyede mumoyo wakwe, acalubanza lwaŋanda ya-Jehova, acamaanda aakuzyunguluka, acaziyobwedo zyaŋanda ya-Leza, acaziyobwedo zyazintu zisalala, 13amakani aazyaandaanino zyabapaizi azyaba-Levi, amilimo yoonse yakubamba iŋanda yaJehova, azibelesyo zyoonse zyamilimo yaŋanda ya-Jehova, 14abulemu bwangolida yazibelesyo zyoonse zyangolida izyakacitilwa mulimo umwi aumwi, abulemu bwansiliva yazibelesyo zyoonse zyansiliva izyakacitilwa mulimo umwi aumwi, 15abulemu bwaziimikilo zyamalampi zyangolida abwamalampi aazyo, bulemu bwangolida bwaciimikilo cimwi acimwi abwalampi lyaco, abulemu bwansiliva bwaciimikilo cimwi acimwi abwalampi lyaco, mbubonya mbuli ziimikilo mbuzyakabede, 16#Kul 25:23; 1 Bam 7:48; 2 Mak 4:8abulemu bwangolida bwantafule imwi aimwi zyazinkwa zituulidwe, abwansiliva yantafule zyansiliva, 17angolida iisalalisya yaziyasyo ayamitiba ayankomeki, abulemu bwansambilo zyangolida imwi aimwi, abulemu bwazisambilo zyansiliva cimwi acimwi, 18#Kul 30:1; 25:18; 1 Sam 4:4; 1 Bam 6:23; Int 18:10; 68:17; Ezk 10:2amakani aacipaililo catununkilizyo cangolida iisalazidwe abulemu bwaco, acifwanikisyo cankalaki yabaangelo bakerebimu bangolida ibakali kuvumbya mababa aabo ibbokesi lyacizuminano ca-Jehova. 19#Kul 25:40; 26:30Aya makani oonse wakaapandulula mumagwalo aakazwa kumaanza aa-Jehova. Wakapandulula milimo yoonse mbuyakeelede kucitwa,
20 #
Dt 31:7; Jos 1:5-7; 1 Mak 22:3; 1 Kor 16:13; Heb 13:5 Mpawo Davida wakaambila Solomoni mwanaakwe kuti, Koliyumya akuba abukozu, ukaicite, Utayoowi nikuba kukankama, nkaambo Leza Jehova, Leza wangu, uli ayebo, Takooyookuleka nanka kukusia, mane milimo yoonse yakubelekela iŋanda ya-Jehova imane. 21#1 Mak 24:1; 25:1; Kul 35:25; 36:1Bona! Inkamu zyoonse zyabapaizi azyaba-Levi bakubeleka milimo yaŋanda ya-Leza nkuzili, Abalo bantu boonse babika myoyo yabo kulinjiyo, kufumbwa muntu uubwene kucita milimo iili buti na buti, abasilutwe abantu boonse, balakugwasya mumilimo yoonse.
Currently Selected:
1 Makani 28: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
