1 Makani 27
27
Milimo yampi
1Mbaaba bana ba-Israyeli, mbubakabalwa, bapati banzubo, abasilutwe bazyuulu abamyaanda, abasilutwe ibakali kubeleka milimo yamwami mumakani oonse aankamu zyabantu izyakali kubeleka milimo yamwezi umwi aumwi mumyezi yoonse yamwaka, Inkamu imwi aimwi yakali zyuulu zili makumi obile azine.
2 #
2 Sam 23:8; 1 Mak 11:11 Jasobeamu mwana wa-Zabidiyeli kali silutwe wankamu intaanzi yamwezi mutaanzi. Munkamu yakwe kamuli bantu bali zyuulu zili makumi obile azine. 3#Matl 38:29Kali waluzubo lwa-Perezi, nkabela kali mupati wabasilutwe boonse bampi mumwezi mutaanzi. 4#2 Sam 23:9Dodai mu-Ahohi kali silutwe wankamu yamwezi wabili. Munkamu yakwe kamuli bantu bali zyuulu zili makumi obile azine. 5#1 Bam 4:5Alimwi silutwe wampi mumwezi watatu kali Benaya mwana wa-Jehoyada mupaizi mupati. Munkamu yakwe kamuli bantu bali zyuulu zili makumi obile azine, 6#2 Sam 23:20-23; 1 Mak 11:22Oyu Benaya ngonguwe iwakali mwaalumi sintaze akati kabantu bali makumi otatwe, Kali mupati wabaabo bali makumi otatwe. Alakwe Amizabadi mwanaakwe kali silutwe wankamu, 7#2 Sam 2:18,23; 23:24; 1 Mak 11:26Alimwi silutwe wane wamumwezi wane kali Asaheli munyina joabu. Alakwe Zebadiya mwanaakwe kali musule lyakwe. Munkamu yakwe kamuli bantu bali zyuulu zili makumi obile azine, 8Asilutwe wasanu wamumwezi wasanu kali Samuti mu-Izra, Munkamu yakwe kamuli bantu bali zyuulu zili makumi obile azine. 9#2 Sam 23:26; 1 Mak 11:28Asilutwe wamusanu aumwi wamumwezi wamusanu aumwi kali Ira mwana wa-Ikesi waku-Tekowa. Munkamu yakwe kamuli bantu bali zyuulu zili makumi obile azine, 10#1 Mak 11:27Asilutwe wamusanu ababili wamumwezi wamusanu aibili kali Helezi mu-Peloni waluzubo lwa-Efraimu. Munkamu yakwe kamuli bantu bali zyuulu zili makumi obile azine. 11#2 Sam 21:18; 1 Mak 11:29Asilutwe wamusanu abatatu wamumwezi wamusanu aitatu kali Sibekai mu-Husati, umwi waba-Zerati. Munkamu yakwe kamuli bantu bali zyuulu zili makumi obile azine. 12#1 Mak 11:28Asilutwe wamusanu abane wamumwezi wamusanu aine kali Abiezeri mu-Anatoti waluzubo lwa-Benjamini. Munkamu yakwe kamuli bantu bali zyuulu zili makumi obile azine. 13#2 Sam 23:28; 1 Mak 11:36Asilutwe wakumi wamumezi wakumi kali Maharai muNetofati, umwi waba-Zerati. Munkamu yakwe kamuli bantu bali zyuulu zili makumi obile azine. 14#2 Sam 23:30; 1 Mak 11:31Asilutwe wakumi aumwi wamumwezi wakumi aumwi kali Benaya mu-Piratoni waluzubo lwa-Efraimu. Munkamu yakwe kamuli bantu bali zyuulu zili makumi obile azine. 15#1 Mak 11:30; Bab 3:9Asilutwe wakumi ababili wamumwezi wakumi aibili kali Heledai mu-Netofati waluzubo lwaOtiniyeli. Munkamu yakwe kamuli bantu bali zyuulu zili makumi obile azine.
Bami bamisyobo ya-Israyeli
16Lino bami bamisyobo ba-Israyeli mbaaba. Mwami waba-Rubeni kali Eliezeri mwana wa-Zikiri; mwami waba-Simeoni kali Sefatiya mwana wa-Maaka; 17#1 Mak 26:30mwami waba-Levi kali Hasabiya mwana wa-Kemueli; mwami waba-Aroni kali Zadoki; 18#1 Sam 16:6mwami waba-Juda kali Elihu umwi wababunyina ba-Davida; mwami wa-Isakara kali Omri mwana wa-Mikayeli; 19mwami wa-Zebuloni kali Isimaya mwana wa-Obadiya; mwami wabaNafitali kali Jeremoti mwana wa-Azrieli; 20mwami wabana ba-Efraimu kali Hosea mwana wa-Azaziya; mwami wacisela camusyobo wa-Manase kali Joeli mwana wa-Pedaya; 21mwami wacisela camusyobo wa-Manase cakuGileadi kali Ido mwana wa-Zekariya; mwami waba-Benjamini kali Jasiyeli mwana wa-Abineri; 22mwami waba-Dani kali Azareli mwana wa-Jerohamu. Mbaabo bami bamisyobo yaba-Israyeli, 23#Matl 15:5; Kul 32:13; Dt 1:10; 10:22; Heb 11:12Pele Davida taakwe naakabala bantu ibakajisi myaka iili makumi obile na bacili kunsi, nkaambo Jehova wakasyomezya kuvuzya ba-Israyeli mbubonya mbuli inyenyeezi zyakujulu. 24#2 Sam 24:15; 1 Mak 21:7Joabu mwana wa-Zeruya wakatalika kubala, pele taakwe naakabamana. Ba-Israyeli bakabukilwa bukali nkaambo kamakani aya, aboobo mweelwe teewakalembwa mubbuku lyamakani aaciindi lyamwami Davida.
Basimilimo bamwi ba-Davida
25Silutwe waziyobwedo zyamwami kali Azmaveti mwana wa-Adieli, asilutwe waziyobwedo zyakumatungu azyakuminzi azyakutunzuunzi kali Jonatani mwana wa-Uziya. 26Asilutwe wabasimilimo bakumyuunda ibakali kulima nyika kali Ezri mwana wa-Kelubu. 27#Lwi 8:11Asilutwe wamyuunda yamasaanza kali Simeyi mu-Ramati; asilutwe wamicelo yamyuunda yamasaansa yakucita waini kali Zabidi mu-Sifimi. 28Asilutwe wamaolifa amakuyu aakutulundulundu kali Baala Hanani mu-Gederi; asilutwe waziyobwedo zyamafuta kali Joasi. 29Asilutwe waŋombe izyakali kucela ku-Saroni kali Sitirai mu-Saroni; asilutwe waŋombe zyakumakuti kali Safati mwana wa-Adilai. 30Asilutwe wankamele kali Obili mu-Ismayeli; asilutwe wambongolo kali Jedeya mu-Meronoti, 31Asilutwe wambelele kali Jazizi mu-Hagiri, Mbaabo boonse babambi bambono zyamwami Davida.
32 #
2 Sam 21:21
A-Jonatani simizyaakwe Davida kali sinkuta, nkaambo kali muntu uucenjede amulembi. Walo a-Jehieli mwana wa-Hakimoni bakali antoomwe abana bamwami. 33Ahitofeli kali sinkuta wamwami, alakwe Husai muAriki kali muzwalani wakwe mwami. 34Ahitofeli naakazwa, wakamutobela Jehoyada mwana wa-Benaya, a-Abyatare. Asilutwe wampi yamwami kali Joabu
Currently Selected:
1 Makani 27: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
