1 Makani 26
26
Milimo yabasimilyango abantu bamwi
1 #
My 16:1,2; 26:9-11; 1 Mak 9:17; 15:18; 2 Mak 23:19; Jud 1:11; 1 Mak 6:39 Nzeezi inkamu zyabasimilyango. Akati kaba-Kora kakuli Meselemiya mwana wa-Kore umwi wabana ba-Asafu. 2Nkabela Mesele miya kazyede bana: Zekariya mutaanzi, awabili jedyaeli, awatatu Zebadiya, awane Jatiniyeli, 3awasanu Elamu, awamusanu aumwi Jehohanana, awamusanu ababili Eliunai. 4Alakwe Obedi-Edomu kazyede bana: Semaya mutaanzi, awabili Jozabadi, awatatu Jowa, awane Sakari, awasanu Netaneli, 5#1 Mak 13:14; Matl 33:5; Int 127:3awamusanu aumwi Amiyeli, awamusanu ababili Isakara, awamusanu abatatu Peuletai, nkaambo Leza wakamupa coolwe. 6Alakwe Semaya mwanaakwe wakazyala bana ibakaba beendelezi muluzubo lwawisaabo, nkaambo bakali baalumi bacenjede loko, 7Bana ba-Semaya mbaaba: Otini, a-Refaeli, a-Obedi, a-Elzabadi (babunyina bakali bantu bacenjede), a-Elihu, a-Semakiya. 8Mbaabo boonse bana ba-Obedi-Edomu, balo abana babo ababunyina, bantu bacenjede ibakajisi inguzu zyakubeleka milimo. Bana ba-Obedi-Edomu bakali makumi aali musanu alimwi ababili. 9Alakwe Meselemiya kajisi bana ababunyina, bantu bacenjede bali ikumi amusanu abatatu. 10#1 Mak 16:38; Matl 4:7; 49:3; Dt 21:17; 1 Mak 5:1Alakwe Hosa umwi wabana ba-Merari kazyede bana: Simri mupati (nkaambo wisi wakamupa bupati nekuba kuti teensi nguwe mutaanzi kuzyalwa), 11wabili Hilikiya, watatu Tebaliya, awane Zekariya. Bana boonse ba-Hosa ababunyina bakali ikumi abatatu.
12Ezi inkamu zyabasimilyango zilembedwe mbuli mazina aabapati bazyo zyakapegwa milimo mbubonya mbuli babunyina. Bakali kubeleka muŋanda ya-Jehova. 13#Jos 18:10; 1 Mak 25:8; 24:5; Tus 18:18; Joh 1:7; Inc 1:26; 10:34; Gal 3:28; Kol 3:11Nkabela bakawaala cisolo, baniini abapati boonse, munzubo zya bamawisi, kuti baabilwe milyango yabo. 14Cisolo cakujwe cakawida Selemiya. Alakwe Zekariya mwanaakwe, sinkuta uucenjede, wakawaalilwa cisolo, nkabela cisolo cakunyika ncecakamuwida. 15ObediEdomu wakawidwa cisolo cakumusanza, abalo bana bakwe bakapegwa milimo yaciyobwedo. 16#1 Bam 10:5; 1 Mak 24:31; 25:8; 2 Mak 9:4; Neh 12:24Sopimu a-Hosa bakawidwa cisolo cakumbo, nkukuti mulyango wa-Saleketi mumugwagwa uuya mujulu. Bulangizi bwakalangana abulangizinyina. 17Kujwe kakuli musanu aumwi buzuba bumwi abumwi, kunyika kakuli bone buzuba bumwi abumwi, kumusanza kakuli bone buzuba bumwi abumwi, akwalo kuciyobwedo bobile bobile, 18alimwi kumanjililo aakumbo, kakuli bone kumugwagwa abobile kumanjililo. 19Nzizeezyo inkamu zyabasimilyango izyakasalidwe mubana ba-Kora abana ba-Merari.
20 #
Dt 12:6; 1 Bam 7:51; 14:26; 1 Mak 9:26-29; 22:14-16; Mal 3:10; 2 Mak 31:11,12 Alimwi akati kaba-Levi, Ahija ngu wakali kulanga ziyobwedo zyaŋanda ya-Leza aziyobwedo zyazipo zisalala. 21#1 Mak 6:17; 23:8Bana ba-Ladani, bana babaGerisoni baluzubo lwa-Ladani, bapati banzubo zya-Ladani mu-Gerisoni: Jehieli.
22Bana ba-Jehieli, Zetamu a-Joeli munyina, mbobakali kulanga ziyobwedo zyaŋanda ya-Jehova. 23#Kul 6:18; My 3:19; 1 Mak 23:12Alimwi akati kaba-Amrami aba-Izari abaHebroni aba-Uziyeli, 24#1 Mak 23:16; 24:20Sebueli mwana wa-Gerisomu mwana wa-Musa kali silutwe waziyobwedo. 25#1 Mak 23:18; 24:22Ababunyina: Eliezeri wakazyala Rehabiya, iwakazyala jesaya, iwakazyala Joramu, iwakazyala Zikiri, iwakazyala Selomoti. 26Oyu Selomoti ababunyina mbobakali kulanga ziyobwedo zyazipo zisalala nzibakasalazya mwami Davida abapati banzubo abasilutwe bamyanda abasilutwe bampi. 27#My 31:50; Jos 6:19,24; 1 Mak 22:14-16; 2 Mak 15:11,18; 2 Bam 12:14; 22:4,5; Neh 10:32Bakali kusalazya zimwi zyazisaalo nzibakasaala munkondo zyabo kuti zigwasye milimo yaŋanda ya-Jehova. 28#1 Sam 9:9Azyalo zintu nzibakasalazya Samuele sicilengano a-Saulo mwana wa-Kisi a-Abineri mwana wa-Neri a-Joabu mwana wa-Zeruya, zipo ezi zisalala zyoonse zyakali mumaanza aa-Selomoti ababunyina.
29 #
Dt 1:16; 16:18; 1 Mak 23:4; 2 Mak 19:8-11 Alimwi akati kaba-Izara, Kenaniya abana bakwe mbobakali kubeleka milimo yaanze yacisi ca-Israyeli, milimo yabasilutwe ayababetesi. 30Alimwi akati kaba-Hebroni, Hasabiya ababunyina, bantu bacenjede bali cuulu amyaanda iili musanu aibili, mbobakali kubeleka milimo yacisi ca-Israyeli kumbo lya-Jordano, milimo yoonse ya-Jehova amilimo yamwami. 31#1 Mak 23:19; 2 Sam 5:4; 1 Bam 2:11; 1 Mak 29:27; My 32:1,3,35; Jos 21:39; Is 16:9; Jer 48:32Akati kaba-Hebroni Jeriya kali mupati waba-Hebroni mumabuku oonse aamazyalani. (Mumwaka wamakumi one wabwami bwa-Davida bakalangaula bantu, nkabela baalumi bacenjede akati kabo bakajanwa ku-Jazeri mucisi ca-Gileadi.) 32#2 Mak 19:11Elyo mwami Davida wakamubika, walo ababunyina, bantu bacenjede bali zyuulu zyobile amyanda iili musanu aibili, bapati banzubo, kuti balange ba-Rubeni aba-Gadi acisela camukowa wa-Manase mumakani oonse aa-Leza amakani oonse aamwami.
Currently Selected:
1 Makani 26: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
