1 Makani 25
25
Milimo yakwiimba mbuyakabambwa
1 #
1 Mak 12:28; 23:2; 6:33; 15:17; Kul 15:20; My 11:25; 1 Sam 10:5; 1 Mak 16:4; 23:5; Int 150:3,5; 1 Kor 14:1; Ciy 15:2,4 Nkabela Davida abapati bambungano bakabika bamwi bana ba-Asafu a-Hemani a-Jedutuni kuti bacite milimo yakwiimbya tuntimbwa anyeele azigwele. Mazina aabaabo ibakabikilwa milimo eyi mbaaba. 2Bana ba-Asafu: Zakuri a-Josefe a-Netaniya a-Asarela, Mbaabo bana ba-Asafu ibakali mumaanza aa-Asafu, iwakaimba mbuli mbwaakalailila mwami. 3Alakwe jedutuni, bana ba-Jedutuni mbaaba: Gedaliya, a-Zeri, a-Jesaya, Simei, Hasabiya, a-Matitiya, bali musanu aumwi, Aba bakali mumaanza aa-Jedutuni wisaabo, iwakali kwiimbya kantimbwa kukulumba akutembaula Jehova. 4Alakwe Hemani, bana ba-Hemani mbaaba: Bukiya, Mataniya, Uziyeli, Sebuyeli, Jerimoti, Hananiya, Hanani, Eliyata, Gidaliti, Romamti, Ezeri, Josibekasa, Maloti, Hotiri, a-Mahazioti. 5#1 Sam 9:9; 2 Sam 24:11; 1 Mak 21:9; 26:28; Am 7:12; 1 Pet 4:11; Matl 33:5; 1 Sam 1:17; 1 Mak 28:5; Int 127:3; 128:3; Is 3:18Aba boonse bakali bana ba-Hemani mulunguluzi wamwami. Leza wakamusumpula mbubonya mbwaakamusyomezezya. Leza wakapa Hemani bana balombe bali ikumi abane abana basimbi botatwe, 6Boonse bakali mumaanza aawisaabo mumilimo yakwiimba muŋanda ya-Jehova, Bakali kwiimbya zigweje anyeele atuntimbwa mumilimo yaŋanda ya-Leza. Asafu a-Hemani a-Jedutuni bakali mumaanza aamwami, 7#Int 150:1; Ef 5:19; Kol 3:16; Jak 5:13Mweelwe wabo, antoomwe ababunyina ibakaiyide nyimbo zya-Jehova, boonse bacenjede, kaili myanda yobile amakumi aali musanu aatatu amusanu abatatu. 8#2 Mak 23:13Nkabela bakawaala cisolo cakubaabanya milimo, baniini abapati, baiyi abasikwiiya, boonse kabeelene.
9Lino cisolo citaanzi cakawida Asafu, nkukuti Josefa; cabili cakawida Gedaliya, walo ababunyina abana bakwe kabali ikumi ababili; 10catatu cakawida Zakuri, walo ababunyina abana bakwe kabali ikumi ababili; 11cane cakawida Izri, walo ababunyina abana bakwe kabali ikumi ababili; 12casanu cakawida Netaniya, walo ababunyina abana bakwe kabali ikumi ababili; 13camusanu acimwi cakawida Bukiya, walo ababunyina abana bakwe kabali ikumi ababili; 14camusanu azibili cakawida Yesarela, walo ababunyina abana bakwe kabali ikumi ababili; 15camusanu azitatu cakawida Jesaya, walo ababunyina abana bakwe kabali ikumi ababili; 16camusanu azine cakawida Mataniya, walo ababunyina abana bakwe kabali ikumi ababili; 17cakumi cakawida Simeyi, walo ababunyina abana bakwe kabali ikumi ababili; 18cakumi acimwi cakawida Azareli, walo ababunyina abana bakwe kabali ikumi ababili; 19cakumi azibili cakawida Hasabiya, walo ababunyina abana bakwe kabali ikumi ababili; 20cakumi azitatu cakawida Subaeli, walo ababunyina abana bakwe kabali ikumi ababili; 21cakumi azine cakawida Matitiya, walo ababunyina abana bakwe kabali ikumi ababili; 22cakumi amusanu cakawida Jeremoti, walo ababunyina abana bakwe kabali ikumi ababili; 23cakumi amusanu acimwi cakawida Hananiya, walo ababunyina abana bakwe kabali ikumi ababili; 24cakumi amusanu azibili cakawida Josibekasa, walo ababunyina abana bakwe kabali ikumi ababili; 25cakumi amusanu azitatu cakawida Hanani, walo ababunyina abana bakwe kabali ikumi ababili; 26cakumi amusanu azine cakawida Maloti, walo ababunyina abana bakwe kabali ikumi ababili; 27camakumi obile cakawida Eliyata, walo ababunyina abana bakwe kabali ikumi ababili; 28camakumi obile acimwi cakawida Hotiri, walo ababunyina abana bakwe kabali ikumi ababili; 29camakumi obile azibili cakawida Gidaliti, walo ababunyina abana bakwe kabali ikumi ababili; 30camakumi obile azitatu cakawida Mahazioti, walo ababunyina abana bakwe kabali ikumi ababili; 31#Ciy 4:4; 5:8; 11:16camakumi obile azine cakawida Romamti Ezeri, walo ababunyina abana bakwe kabali ikumi ababili.
Currently Selected:
1 Makani 25: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
