1 Makani 24
24
Milimo yabapaizi mbuyakabambwa
1 #
Kul 6:23; Lev 10:1; My 3:2; 26:60 Nzeezi inkamu zyabana ba-Aroni. Bana ba-Aroni mbaaba: Nadabu, a-Abihu, Eleazara, a-Itamara. 2#My 3:4; 26:61Pele Nadabu a-Abihu bakataangu nina wisaabo kufwa, nkabela teebakazyede bana, aboobo Eleazara a-Itamara mbobakacita milimo yabupaizi. 3Lino Davida a-Zadoki umwi wabana ba-Eleazara a-Ahimeleki umwi wabana ba-Itamara bakabaabila milimo yabo. 4Nkabela akati kabana ba-Eleazara kwakajanwa bantu bacenjede banji kwiinda bana ba-Itamara, aboobo bakaandaanya bana ba-Eleazara munkamu zili ikumi amusanu aimwi mbubonya mbuli inzubo zyabamawisaabo, abana ba-Itamara bakabaandaanya munkamu zili musanu azitatu, 5#Jos 18:10; Tus 16:33; 18:18; Inc 1:26Bakabaandaanya kukuwaala cisolo; boonse kabeelene. Kakuli baalu bacikombelo abaalu ba-Leza akati kabana ba-Eleazara abana ba-Itamara boonse. 6#1 Bam 4:3; Neh 8:4Semaya mwana wa-Netaneli mulembi, umwi waba-Levi, nguwakabalemba kubusyu bwamwami abwabapati abwa-Zadoki mupaizi abwa-Ahimeleki mwana wa-Abyatare abasilutwe banzubo zyabapaizi azyaba-Levi. Umwi silutwe wakasalwa akati kanzubo zya-Eleazara, aumwi wakasalwa akati kanzubo zya-Itamara.
7 #
Ezr 2:36; Neh 7:39 Cisolo citaanzi cakawida Jehoyaribu, cabili cakawida Jedaya, 8#Ezr 10:21catatu cakawida Harimu, cane cakawida Seorimu, 9casanu cakawida Malikiya, camusanu acimwi cakawida Mijamini, 10#Neh 12:4,17; Lk 1:5camusanu azibili cakawida Hakozi, camusanu azitatu cakawida Abija, 11camusanu azine cakawida Jeshua, cakumi cakawida Sekaniya, 12cakumi acimwi cakawida Eliyasibu, acakumi azibili cakawida Jakimu, 13cakumi azitatu cakawida Hupa, cakumi azine cakawida Jesebeabu, 14cakumi amusanu cakawida Biliga,-cakumi amusanu acimwi cakawida Imeri, 15cakumi amusanu azibili cakawida Heziri, cakumi amusanu azitatu cakawida Hapizezi, 16cakumi amusanu azine cakawida Petahiya, camakumi obile cakawida Jehezikeli, 17camakumi obile acimwi cakawida jakini, camakumi obile azibili cakawida Gamuli, 18camakumi obile azitatu cakawida Delaya, acamakumi obile azine cakawida Miziya. 19#My 4:49; 1 Mak 9:25; 2 Bam 5:7; Lk 1:8,23Aba bakapegwa milimo yakunjila muŋanda ya-Jehova muciyanza ncibakataanguna kubikilwa kujanza lya-Aroni wisaabo, mbubonya mbwaakamulailila Jehova Leza wa-Israyeli.
20 #
1 Mak 23:16
Lino akati kabana ba-Levi ibakasyaala bamwi ibakabikwa mbaaba: akati kabana ba-Amiramu, Subaeli; akati kabana ba-Sabaeli, Jedaya; 21#1 Mak 23:17akati kabana ba-Rehabiya mutaanzi kali Isiya; 22#1 Mak 23:15akati kaba-Izara, Selomoti; akati kabana ba-Selomoti, Jahati. 23#1 Mak 15:9; 23:19Abana ba-Hebroni mbaaba: Jeriya mutaanzi, Amariya wabili, Jahazieli watatu, Jekameamu wane. 24Abana ba-Uziyeli: Mika, Abana ba-Mika: Samiri. 25Amunyina Mika: Isiya. Abana ba-Isiya: Zekariya. 26#Kul 6:19; 1 Mak 23:21; My 3:20,33Abana ba-Merari: Mali a-Musi. Abana ba-Jaziya: Beno. 27Bana ba-Merari: jaziya, Beno, a-Sohamu, a-Zakuri, a-Ibri. 28#1 Mak 23:22Abana ba-Mali: Eleazara, iwakabula kuzyala bana. 29Abana ba-Kisi: jerameh. 30#1 Mak 23:23Abana ba-Musi: Mali a-Ederi a-Jerimoti. Mbaabo ba-Levi mbubakalembwa munzubo zyabamawisi. 31Abalo bakawaala cisolo, umwi aumwi amwanike wakwe, mbubonya mbuli babunyina bana ba-Aroni, kubusyu bwamwami Davida abwa-Zadoki a-Ahimeleki abapati banzubo zyabapaizi azyaba-Levi.
Currently Selected:
1 Makani 24: Ibbaib63
Highlight
Share
Compare
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
